رواية فن نفسي الفصل التاسع للكاتبة بسنت عبد القادر
رواية فن نفسي للكاتبة بسنت عبد القادر
رواية فن نفسي الفصل التاسع للكاتبة بسنت عبد القادر
رواية فن نفسي للكاتبة بسنت عبد القادر
" أغرك مَنِيٌّ إنْ حُبُّك قَاتِلِي و إِنَّكَ مَهْمَا تأمري الْقَلْب يَفْعَل يهواك مَا عِشْتُ الْقَلْبِ فَإِنْ أَمَّتْ يَتْبَع صداي صداك فِي الأَقْبُر "
علي جانب اخر :
فيلا الحلبي
عادت روكسلانة الي المنزل وجدت ورد و يامن كادت أن تذهب الي جناحها و هنا قالت ورد بترجي :
حقك عليا يا سنيوريتا مش هتكرر تاني
و هنا قال يامن بحزن :
حقك عليا يا ماما ، مش هتحصل تاني ميهنش عليا زعلك.
و هنا رق فلب روكسلانة و قالت :
اقعدوا أنتم الاتنين ، أنا مش عايزة مهما حصل أنكم اتخنقوا مهما حصل أنتم
اخوات و سند لبعض و في ضهر بعض مفهوم !!
قالت ورد :
مفهوم يا سنيوريتا.
قال يامن بحب :
مفهوم يا ماما .
قالت روكسلانة الي ورد و يامن :
بعد بكرة أحنا معزومين عند واحدة صاحبتي كانت معايا في الجامعة زمان قبل ما اقبل ابوكم اللة يرحمه
قالت ورد بسعادة :
الله يرحمه ، بس حلو ده طب كويس أنكم اتجمعتم .
قال يامن بمرح :
حلو ده ، عايز اشوف صاحبة ماما اكيد حلوة بس مش احلي منك طبعاً.
قالت روكسلانة بحزم مزيف :
اتلم يا ولد .
قالت ورد باستفسار :
مين ديه يا سنيوريتا بقي ؟!
قالت روكسلانة :
اسمها نادين الابصيري ، ارملة رياض الروماني الملياردير المعروف.
و هنا نزل الخبر علي ورد كالصاعقة و كأنها شلت ، لا و ألف لا لن تذهب و تري أسيد الروماني .
قالت ورد بعذر :
اعذريني يا سنيوريتا انا حاسة اني داخلة علي دور برد و مش عايزة اعدي الناس ده حتي هقفل العيادة كام يوم عشان البرد الي عندي .
قالت روكسلانة بحزم :
مفيش اعذار يا ورد هتروح يعني هتروحي ، الكلام خلص.
قالت ورد بين اسنانها :
تمام يا سنيوريتا ، تمام
قال يامن بدهشة :
ارملة رياض الروماني ده كان من أكبر رجال الأعمال معروفين و ملياردير و ليه بنت اسمها غزل مسكة الشركة مع ان أسيد الروماني موجود بس مساكها الشركة ، الي سمعته انه مش بيحب ال Business و الجو ده بيحب الرسم و نجح انه يكون من اشهر الرسمين في الشرق الأوسط .
قالت ورد :
انا هطلع عشان مرهقة جدا يا Bonne Nuit يا جماعة .
ثم صعدت ورد الجناح الخاص بها و اغلقت الباب و قالت بغضب :
يا ليلة اهلي السودة ، هروح لي أسيد الروماني برجلية ده هيبقي يوم مش هيعدي علي خير انا عارفة .
علي جانب اخر :
قصر الروماني :
كان الجميع مجتمع علي العشاء و هنا قالت نادين :
غزل إنتي و أسيد ، في واحدة صاحبتي قابلتها انهاردة في النادي صاحبتي من ايام الجامعة في ايطاليا ، هتيجي بعد بكرة هي و اولادها علي الغداء يوم الجمعة و لازم تبقوا موجودين.
قال أسيد بضيق :
لازم يعني يا أمي ؟!
قالت نادين بحزم :
لازم يا أسيد ولا عايز تحرجني قدام الناس مثلا ؟!
وقف اسيد و تقدم ناحية نادين و قبل يديها و رأسها و قال بحب :
معاش و لا كان الي يحرجك يا أمي ، بس مين بقي صاحبتك ديه حلوة ؟!
قالت نادين بحزم مصطنع :
اتلم يا أسيد ، ديه روكسلانة اكسفير أرملة قيس الحلبي .
ما ان سمع أسيد الاسم اندهش كتيرا و لكن كان في قمة السعادة حيث ان فاريسته ورد الحلبي ستكون في قصره
قال غزل بسعادة :
حلو اوي يا مامي ، هبقي موجودة اكيد ما بكرة بداية ال Weekend .
قالت نادين الي أسيد الذي كان شارد :
و انت يا أسيد ؟!
قال اسيد :
اكيد هبقي موجود يا أمي عشان خاطرك بس ، هما هيجوا امتي تاني معلش ؟!
قالت نادين :
يعني بعد بكرة علي الساعة ٣ كدة .
قال أسيد :
تمام يا أمي ، هكون موجود معلش يا أمي انا هطلع جناحي عشان عايز ارتاح و انام .
قالت نادين بحب :
تمام يا حبيبي تصبح علي خير ، Sweet dreams.
قال أسيد بحب :
و انتي من اهل الجنة يا امي .
قالت غزل بحب :
تصبح علي خير يا أبية
قال أسيد بحب :
و انتي من اهل الجنة يا احلي غزل
ثم تركهم و توجه الي جناحه و هنا بدأ أسيد كان يضحك بشدة و انتصار :
لا ده انا ربنا مرتبهالي ، أخيراً هتكوني هنا تحت ايدي و هتنوري القصر بس استعدي يا ورد يا حلبي علي الي هعمله فيكي .
ثم ضحك اسيد بهسترية و توجه الي الحمام و أخد حماماً برد ثم اردتي سروال فقط و توجه الي فراش و بدأ يدندن اغنية للمطرب المعروف وائل كفوري " البنت القوية " بصوت نوع بما مقبول :
" إذا انتي تركتيني
و بطلتي تحبيني
والله لخلي عيني
ما تعود تشوف
وإذا إنتي فليتي
يعني نخرب بيتي
شو بعمل بحالي
مش معروف
إنتي خلقتي لقلبي
اللي مطرحك جواتو
بكلمة منك بيعيش
وكلمة بتنهي حياتو
يا ويلي من حبّا
سكّر على مربّى
إحساسي و أنا جنبا
مش مقبول
هالبنت القوية
شو غيرت فيي
لهفتها و خوفا عليي
مش معقول "
ثم ادرك أسيد ما قاله ثم اشار الي قلبه و قال :
لا يا حبيبي لا انا ممكن اعملك فيها استئصال ، ده انا أسيد الروماني الي قلبه ميعرفش يحب .
ثم غفي أسيد في ثبات عميق .
في صباح اليوم التالي :
في فيلا الحلبي .
كانت ورد نائمة و لكن كان هاتفها الخلوي يدق باستمرار مما جعلها تستيقظ متأففة اخذت هاتفها و اجابت بصوت ناعس ، ناعم و مغري نوعا ما :
الو ، مين معايا ؟!
رد عليها هذا الشخص :
هو حد يصحي من النوم صوته حلو كدة علي رأي فيلم الباحث عن فضيحة كلامه يدوخ انا دايخة يا بووي
ثم ضحك هذا الشخص و بشدة .
هنا فزعت ورد و قالت بغضب :
مين معايا بظبط ؟!
قال هذا الشخص :
نومك تقيل اوي ، كل ده عشان تصحي يا دوك .
قالت ورد بدهشة :
أسيد الروماني !!
قال اسيد بسخرية :
ايوا يا دوك ، هو بعينه
قالت ورد بغضب :
جبت رقمي الخاص منين ديه مش مع اي حد ؟!!
قال أسيد بغرور :
و انا مش اي حد يا ماما شكلك لسة مش مدركة ، انا أسيد الروماني !!
قالت ورد بغضب :
ان شاء اللة تكون مين تجيب نمرتي الخاصة بتاع ايه ، انسان مغرور و نرجسية عندك معدية و ان شاءالله هتقابل Level الوحش
ضحك أسيد بشدة و قال بسخرية :
تؤ تؤ مش كدة يا دوك انا قبلت Level الوحش و كسبته و بعدين سبتي ايه للاول جلسة بتحليلي شخصيتي كدة في مكالمة ؟!
قالت ورد بغضب :
انت عايز أيه يا أسيد خلصني مش فضيالك !!
قال اسيد بغضب :
اول حاجة صوتك ده ميعلاش عشان متشوفيش وش مش هيعحبك اتقي شر قلبتي يا بنت الناس مش هتستحميلها ثانياً لا هتفضيلي يا دكتورة هتفضيلي ، أنا بكلمك عشان مقابل اللوحة ها هتقبلي ابقي المريض بتاعك و لا مش هتقدري عشان إنتي دكتورة فشلة ؟!
قالت ورد ببرود :
يكون في معلومك و خالي بالك اوي ، أنا مش بيجي معايا السكة الاستفزاز ديه عشان واضح أنت مش عارف أنت بتتعامل مع مين و مش عارف كمان انك مش سهل تستفز دكتور نفسي اسأل صحابك الدكتور مهند بس ماشي أنا موافقة ابقي الدكتورة الي بتعالجك يا أسيد
قال أسيد بغرور :
و ديه الإجابة الي كنت مستنيها و متوقعها
قالت ورد بسخرية :
لا لا مش عشان خوفت منك و كشيت كدة من الهيلامان أسيد الروماني لا ده عشان أنت فعلاً انسان مريض و عايز تتعالج نفسيا فعلاً
ثم اغلقت الهاتف في وجه أسيد و القت بالهاتف علي الفراش و قالت ورد بغضب :
بحب واحد مغرور ، متعجرف و نرجسي ياربي عملت إيه في حياتي عشان اتبلي بالبلوة السودة ديه جتك القرف .
علي جانب اخر :
عندما اغلقت ورد في وجه أسيد ، اندهش و جز أسيد علي أسنانه مما اصدر صرير و قال بغل :
بقي أنا واحدة زيك تقفل في وشي السكة ماشي بس هتروحي مني فين هيطلع عليكي كل ده و كدة كدة انتي شكلك مش وش هروب بتحبي التحدي و اللعبة الحلوة و أنا لاعيب قديم و عمري ما خسرت و لو حتي هربتي يا دكتورة ديه مصر اوضة و صالة و لو في اخر العالم هجيبك و هكسب التحدي عشان هي قفلت معايا أنك ايامك الي جايه مش هتعدي علي خير يا ورد يا حلبي .
علي جانب اخر :
كانت ورد تتحدث مع صديقتها دارين و قصت عليها كل ما حدث مما جعل دارين تضحك بشدة و قالت :
و اللة العظيم أنتم الاتنين مسخرة ، ايه يا بنتي هو أنتم مولدين فوق راس بعض !!
قالت ورد بغضب :
اخرسي يا زفتة عشان انا علي اخري يجيب رقمي الشخصي الي مش مع حد غيرك إنتي و يامن و السنيوريتا طب ازاي ؟!
قالت دارين بسخرية :
و يجيب رقم أمك و اخوكي و العيلة و عيلة العيلة فوقي يا ورد ده أسيد الروماني حطك في دماغه و إنتي لازم تطلعي كسبانة عشان تعلمي عليه
قالت ورد بغضب :
و اللة العظيم أنا حاسة اني في حرب بس علي فكرة إنتي فكرة إني هاخد حقي و بس لا أنا لازم اعالج أسيد الروماني بجد
قالت دارين بسخرية :
هو إنتي فكرة انه بيعمل كدة عشان يتعالج لا يا أمي اصحي كدة ده تحدي عشان يطلعلك فشلة عشان انتي صدتيه ولازم ياخد حقه منك عشان يرتاح و يرضي نفسه المريضة ، بصي يا ورد أسيد او الرجالة انواع عندك أسيد مثلا الي دايما الحاجة بتجيبه بسهولة او الي متعود علي حاجة بتيجي لحد عنده لما يوقع مع واحدة كان فاكر انها زيها زي كل البنات الي عرفهم الي بتتمني رضي و تصده تجننه في بقي الي خدها تحدي زي أسيد الروماني و في الي بيفكر نفسه بيحبها و يتحول لي واحد مهوس و يتطاردها و ميسبهاش في حالها و في الي بيفكر ان البنت ديه بتتقل عليه ما في بنات ماشية بي مبدأ التقل صنعة ده عشان تجيب رجله للجواز و ده راجل ذكي جدا الي بيفهم ده احنا اللة أكبر في ستات فعلا تقول للشيطان اقعد و انا امسك الشوكة مكانك و تجيب الراجل ده في ثانية و حقيقي ساعات بشفق علي الرجالة الي بتقع مع النوع ده من البنات او الستات بشكل عام .
قالت ورد بسخرية :
اللهم صلي على النبي ، لا ده إنتي تيجي تمسكي الشيشة بقي ، ايه يا ست دارين إنتي ناوية تتحولي من model و Interior designer لي دكتورة نفسية و لا إيه ؟! الغة الجديدة و الغريبة ديه يا دارين هانم .
قالت دارين بتريث :
لا يا ورد ، ديه إسمها لغة الحياة يا ماما انا ياما شفت رجالة غلبانة يا عين امهم يقع في واحدة شيطانة يا عشان فلوسه يا عشان مركزه يا عشان حلوته و في رجالة برده بشعة تحب تكسر كل قلب بنت عشان بس واحدة كسرت قلبه او يبقي زير نساء عشان يا شايف ان الستات خاينين او واحدة كسرت قلبه او هو مريض سيكوباتي بيعمل كده مرض و ده مش بني ادم ده حيوان عشان ربنا خلق الانسان و ميزه بالعقل و الراجل او الست الي بيفكروا في الانتقام ده نفسه الشريرة الي ماشي وراها و يويله من نفسه الي تجيب اجله علي طول عشان الناس ديه ساعات بتنسي ان في ربنا بيجيب الحق في كل حد قال حسبي الله و نعم الوكيل و كما تدين تدان ولو بعد حين.
قالت ورد باستفسار و سخرية :
و أسيد الروماني بقي من اني نوع يا ست الدكتورة ؟!
قالت دارين :
اتريقي اتريقي مع إني كلامي صح ، بكل تأكيد و مش محتاجة ذكاء ، اسيد بينتقم من حاجة في الستات هي ايه مش عارفة بس اه فكرتيني انا سمعت زمان من بابي بيحكيلي ان رياض الروماني كان متجوز ام أسيد و كان بيحبها و بيعشق التراب الي بتمشي عليه كان بيقولي انها جميلة اوي تسحر اي حد الصراحة كان رياض بيحبها حب كده أفلاطوني حب و عشق كدة زي عنتر و عبلة ، قيس و ليلي و رميو و جوليت و ...
قالت ورد بغضب :
اخلصي يا دارين ، عرفنا الراجل كان عاشق سارح في الملكوت في ست ام أسيد كملي اللة لا يسيئك
قالت دارين بحزن مزيف :
انتي دايما مضايعة pristige بتاعي في الارض
قد طفح الكيل بورد من دارين فقالت ورد بغصب :
ما تخلصي يا دارين هي سيرة !!
قالت دارين :
حاضر حاضر في إيه نستيني يا شيخة كنت هقول ايه ، اللهم صلي على النبي.
قالت ورد :
عليه افضل الصلاه والسلام
قالت دارين :
اه افتكرت ، المهم يا ستي بعد قصة الحب العظيمة ديه الست ديه خلفت أسيد و رياض الروماني كان طاير بيه لحد لما ام أسيد عملت عملة سودة .
قالت ورد بتعجب :
عملت ايه ؟!
قالت دارين بٱسف :
للاسف خانت رياض الروماني .
قالت ورد بدهشة :
بتقولي ايه ؟! بعد كل الحب ده الي الراجل ادهولها و ابنها هان عليها ؟!
قالت دارين :
استني اكمل كلامي ، ده التقيل جاي
قالت ورد بدهشة :
هو لسة في اتقل من كدة ؟!
قالت دارين :
اه يا ورد ، الراجل لما عرف كان هيتجنن و مكنش راضي يطلقها خالص و بابي عشان كان صاحب رياض الروماني اوي الله يرحمه بيقولي أسيد ساعتها كان يجي بتاع خمس سنين كدة و كان بيشوف و بيسمع الفضايح ديه و ام أسيد كانت متجوزة رياض عشان الفلوس بس جت حبت واحد لما رياض رفض يطلق عملته فضايح و هربت مع عشيقها ، رياض الروماني مستحملش الفضايح و ان ابنه كان بيشوف كل ده راح طلقها و هي مامنعتش حتي قالت لرياض ابنك اشبع بيه انا معنديش ولاد.
قالت ورد بدهشة و وجع :
يا نهار اسود كل ده ، ما لازم أسيد روماني يبقي كدة بيلعب بالستات و بيعمل كدة اصل اكتر ست في الدنيا فضلت راجل عن ابنها عشان عشيقها هيثق في اي ست في الدنيا ازاي ؟!
قالت دارين :
صعب عليكي مش كدة ؟!
قالت ورد بأسي و وجع :
ليه شايفني حجر و مش بحس ، أكيد صعب عليا و اتوجعتله عشان كدة أنا مصممة ان اسيد الروماني لازم يتعالج
قالت دارين :
غلط يا ورد ، متخليش مشاعرك أنه صعب عليكي و أنك اتوجعتيله ينسيكي أنه بيعمل كل ده عشان بيتحداكي و عايز يكسرك ، عايزة تعالجيه عالجيه بس ابقي اقبليني ده مش جاي عشان علاج يا امي
قالت ورد بسخرية :
ليه هو انتي شايفني كيس جوافة ولا ايه ، انا دكتورة و هيتعالج يعني هيتعالج.
قالت دارين :
ياريت يا شيخة هو حد يكره يمكن يتصلح حاله و يعرف ان ده ابتلاء و ان في ناس بيحصلهم ابشع من كدة و بيكملوا حياتهم زي بابه مكرهش الستات و الكلام ده الراجل كان مدرك ان ديه مش مثال علي الستات كلها لا ده اتجوز بعديها و حب نادين الابصيري جدا و الشهادة لله هي ست كويسة و هي الي ربت أسيد و بقي عنده اخت و دايما بتقول ده ابني يعني لولها كان ممكن اسيد ده بقي سايكوباتي ولا حاجة ، عالجيه يمكن يحس بنعم ربنا ادهاله نعمة الصحة و العيلة و المال يمكن يحس بيها و هو مش حاسس بيها كدة
قالت ورد بوجع :
عندك حق ، صحيح نسيت مش أمي طلعت الانتيم نادين الابصيري ارملة رياض الرماني
قالت دارين بدهشة :
لا بتهرجي ؟!
قالت ورد مأكدة و بسخرية :
و اللة الانتيم بتاع السنيوريتا و عزمنا بعد بكرة عندها علي الغذاء عشان تعرفنا بي ولادها
قالت دارين بدهشة :
يا نهار ، يعني انتي هتروحي عند أسد الغابة ده برجليكي ؟!
قالت ورد بسخرية :
اسمها هنروح يا دارين ، انا مش هروح لوحدي
قالت دارين بسخرية :
و اجي معاكي ليه ؟! هو أنا بنت السنيوريتا و انا مش واخدة بالي و بعدين هي قالت العزومة مفتوحة في ايه يا ورد ، وحش الكون انت خايف و لا ايه ؟؛
قالت ورد بغضب :
لا مش خايفة يا دارين
قالت دارين :
يبقي و خلاص توكلي على الله كدة و روحي إنتي السنيوريتا و يامن معاكي و هو أسيد مش غبي عشان يعمل حاجة قدام عيلته و عيلتك هتعدي يالا انا لازم اقفل عشان عندي شغل
قالت ورد :
ماشي يا دارين ، سلام
ثم اغلقت ورد و امسكت القلادة التي تخص أسيد و بدأت في البكاء و قالت بوجع :
كل ده حصلك يا حبيبي ، اتعذبت كل ده عشان كدة كنت بتقولي متسبنيش و تعملي زيهم
ثم سكتت قليلا و قالت بغيرة :
يعني ايه متعمليش زيهم طب امه و عرفنها لكن مين الثانية ديه ماشي يا أسيد اما وريتك .
ثم توجهت ورد الي الحمام و اخذت حماماً دفي ثم توجهت الي غرفة الملابس و ارتدت ملابسها ثم توجهت الي غرفة الطعام و اكلت الفطور و توجهت خارج الفيلا و ترجلت سيارتها و توجهت الي عيادتها و في المساء عادت من العيادة ثم توجهت الي جناح دون التحدث مع احد توجهت الي حمام لكي تنعم حماماً دفئ ثم توجهت الي غرفة الملابس و اخرجت منامة من الحرير و توجهت الي فراش و اخذت تفصح صور أسيد بدقة كل يوم قبل ان تنام كاعدتها منذ خمس سنوات بعدها اغلقت الهاتف و هي تدعي ان يمر الغذ علي خير و مرور الكرام ثم غفت في ثبات عميق.