روايه جوزي طلقني بسبب اخته (عوده النداله)الحلقه السادسه
رواية جوزي طلقني بسبب اخته (عوده النداله)الفصل السادس
جوزي طلقني بسبب اخته (عوده النداله)الفصل السادس
رواية جوزي طلقني بسبب اخته
روايه عوده النداله
جوزي طلقني بسبب اخته (عوده النداله)
الحلقه السادسه
بقلم هويدا زغلول
علاء
مش أنا والله يا امي أنا روحت لقيتها كده
والله ما عملت حاجه
الام
لازم تروح وتبلغ يابني اه ولازم تعرفهم انك مش
عملت حاجه
علاء
ازاي يا امي أنا بقولك بصماتي علي كل مكان
عندها
الام
واي اللي خلاك تروح يا علاء مانت عارف
إن اللي كان بيكلمك هي عزه تقوم رايح ليها
علاء
المهم أنا لازم اسافر دلوقتي يا امي مش
هينفع اقعد هنا خالص
الام
يابني اسمع كلامي وروح قول اللي حصل
علاء
لا انا مسافر بس فتره لحد ما نشوف
اي اللي هيحصل في الموضوع وفي بيت
ام عبدالرحمن الباب خبط
رقيه
قتلتوها ليه حرام عليكم ازاي تعملوا كده
والله انا ما هسيب حق بنتي
الام
انتي بتقولي اي محدش جه جنب بنتك اصلا
وهي عملت حادثه
رقيه
لا أنا بتكلم علي اللي حصل فيها دلوقتي
بنتي هربت منكم بسبب اسلوبكم معاها
وعملت نفسها ميته علشان تترحم منكم
وفي الوقت ده رؤوف خرج وقال
رؤوف
انتي بتقولي اي يا ست انتي محدش جه جنب
بنتك اصلا ولا نعرف عنها حاجه كل اللي نعرفه
إن بنتك ماتت وفي الوقت ده نزل احمد
احمد
فيه اي يا جماعه بس صوتكم عالي ليه
كده هو حصل حاجه
رؤوف
ملكش دعوه أنت واطلع شقتك حاجه
مش تخصك
رقيه
أنا هروح وابلغ عنكم وعلي اللي عملته
في بنتي
رؤوف
قولتك محدش جه جنب بنتك خالص وبنتك
اصلا ضحكت علينا وفهمتنا أنها عايشه
رقيه
هنشوف الكلام ده في النيابه
رؤوف
هو انتي اصلا عرفتي ان بنتك عايشه ازاي
وانتي كنتي جايه متعرفيش اي حاجه
عنها
رقيه
شي مش يخصك هنبقي نشوف الكلام ده
بعدين
احمد
رايحه فين يا حاجه انا هقف جمبك تعالي
أنا واحد مش برضي بالظلم تعالي معايا
بس وبعدين نشوف هنعمل ايى
الام
اه يا وجع دماغي انا تعبت حرام عليك يا حاج
والله اللي عملته فينا ده منك لله العيال
هتروح في داهيه بسببك
رؤوف
اهدي بس يا امي وكل حاجه باذن الله هتكون
تمام مش عايزك تزعلي نفسك ارجوكي
الام
انت فاهم يعني اي احمد ياخدها فوق
في شقته يعني احنا روحنا في داهيه كده
انت عارف ان احمد عايز يلبسنا اي مصيبه
رؤوف
سبيها علي الله يا امي بس و ربك هيحلها
وفي شقه احمد
احمد
اي يا بت التمثيل ده انتي مافيش منك
اتنين والله وبعدين هو بجد موضوع عزه
ده ولا اي
رقيه
البت دي فظيعه يا احمد بيه ماشيه مع واحد
دكتور انما اي نفسه يولع فيها وهو
اللي قالي أنها ماتت لأنها ماتت في شقته
اديني بقي باقي فلوسي خليني امشي
احمد
اصبري بقي الشغل التقيل جاي ورا
رقيه
شغل اي أنا مينفعش اروح ابلغ انت عارف
إن عزه مش بنتي اروح اقول اي
احمد
وهي الحكومه هتعرف منين بس اللعبه
اللي عملها معاكي انتي هتروحي وتقولي
نفس الكلام اللي قولتي لمرات خالي
رقيه
أنا ادخل قسم لا حد الله ما اعمل كده احنا
كان اتفقنا اجي واقول الكلمتين للناس اللي تحت وبس انما اعمل كده مينفعش خالص
احمد
خالص خالص سبيني أنا اتصرف في الحوار
ده
رقيه
بقولك اي يا احمد بيه هو انت اللي عملت
كده في عزه صح انا عارفه انك مش كنت
بتحبها في الفتره الاخيره
احمد
اي لا طبعا أنا مليش دعوه بموتها وبعدين
اصلا أنا مكنتش عارف انها ماتت وبعدين
امشي بقي من هنا وخلينا علي تلفون ومشيت
رقيه وبعدها احمد بدأ يتفكر يوم ما شاف
رقيه
#فلاش باك
رقيه
مين احمد بيه ازيك عامل اي انت مش فاكرني
ولا اي أنا رقيه اللي كنت شغاله عند جدتك
زمان
احمد
اه اه ازيك عامله اي فينك محدش بقي يشوفك
ليه
رقيه
اهو من يوم ما مامتك مشيتني من البيت
بعد ما جدتك توفت وانا بشتغل
في المطاعم المهم عاملين ايه
احمد
بقولك اي تعالي اقولك حاجه وهجبلك
شغل هتشتغلي مره واحده بس وهتخدي
٥٠الف جنيه
رقيه
انت بتهزر صح ازاي يعني هاخد المبلغ
ده مش فاهمه وأحمد قال ليها
علي موضوع عزه وقال انها تقول انها بنتها
رقيه
لا لا طبعا أنا مقدرتش اعمل كده خالص
ازاي يعني
احمد
قولتك هديكي فلوس كتير اوي بس اسمعي
كلامي وبعدين محدش هيقدر يكشف
الحوار لأن هقولك هتعملي ازاي بالظبط
وهي علشان الفلوس كانت كتير
وافقت
#رجوع
وبعدها احمد نزل عند مرات خالو
احمد
الست مصممه تبلغ بس انا ناوي اديها
فلوس تعيش بيها
رؤوف
شكرا مش عايزين منك حاجه وبعدين
هو انت فاكر أن كل. حاجه سايبه كده اكيد
اللي عمل كده في عزه بكره يقع ويتكشف
احمد
مهي امها ناويه تقول انكم كنتوا بتعملوها
وحش وكنتوا بتفكروا في موتها وهي
عملت المسلسل بتاع أنها ماتت
علشان تبعد عنكم ولما عرفتوا أنها
عايشه قتلتوها
الام
حرام عليك يا بني كل ده علشان البيت
خدو مش عايزين البيت انت اي يا احمد
شيطان
احمد
برضه بتقولي عليا كده يا مرات خالي وانا
بنزل افكر معاكي ننجي عيالك من السجن
ازاي
الام
اسمع يا احمد انا هبيع البيت ليك
ومش عايزه بس تبعد عني وعن عيالي
احمد
عين العقل يا مرات عمي والله وبعدها طلع
احمد شقته واتصل بالتليفون
احمد
الو خالص البيت بقي بتاعي يعتبر بس انت
واثق أن البيت فعلا تحته اثار ........خالص
براحه انت بتزعق ليه مرات
خالي قالت إنها هتسيب ليا البيت
وهكلمك تجيب الرجاله وتيجي أنا مش
مصدق نفسي أن الحلم خالص قرب يتحقق
وقفل السكه موتك يا عزه حل ليا كل المشاكل
وفي شقه ماما الباب خبط
داليا
مين عبدالرحمن اتفضل ادخل هو فيه حاجه
عبدالرحمن
أنا جاي اطمن عليكي من مامتك ومعرفش
انك هنا عامله اي وعلاء عامل اي دلوقتي
داليا
علاء أنا معرفش عنه حاجه هو فيه حاجه
ولا اي طمني ارجوك
عبدالرحمن
هو انتي متعرفيش أن علاء قتل عزه
داليا
ازاي يعني وهي ماتت في حادثه مش فاهمه
حاجه ارجوك طمني أنا قلبي هيقف
عبدالرحمن
عزه كانت عايشه ولسه ميته من يومين
ولقوه ساعه علاء علي السلم عندها
داليا
انت بتقول اي علاء يعمل كده ليه حتي
لو كانت هي عايشه ازاي يعني
عبدالرحمن
اهدي بس ارجوكي أنا مش عايز اشوفك
بالمنظر ده
داليا
اوعي كده انا لازم اروح اطمن عليه وجريت
وروحت بيت حماتي
حماتي
داليا تعالي يا حبيبتي شوفتي اللي حصل
أنا خايفه علي علاء اوي
داليا
هو ليه علاء عمل كده يا ماما بس ليه
ودا نفسه في داهيه
حماتي
ابني مش عمل حاجه والله هي بعتت ليه
رسائل لأنها من فتره وهي
بتكلمه علي اساس انها واحده تانيه وهو
كان متاكد انها هي
داليا
ينهار ابيض أنا كنت واثقه أنه عمره ما يخوني
طيب هو فين انا عايزه اطمن عليه
الام
هو عند خالتو في الصعيد لحد ما يعرف هو
هيعمل اي والنبي يا بنتي اوعي
تسيبي
داليا
أنا جمبه يا ماما وعمري ما هسيبه خالص والله
وبجد انا كنت خايفه عليه اوي وكلمته
من تلفون حماتي
علاء
ايوه يا ماما فيه جديد
داليا
ازاي يا علاء تعمل كده حتي لو مش انت
اللي قتلتها تروح هناك ليه
علاء
داليا والله العظيم انا كنت خايف يحصل
ليا حاجه قبل ما اشوفك والله العظيم
أنا عمري ما خونتك
داليا
مش وقت الكلام ده ارجوك طمني عليك وانا
هنا مع ماما وكل يوم هكلمك اطمن عليك
واي جديد هبلغك والله وفي شقه مني
هند
عجبك اللي عملتي فيه نفسك ده
ازاي تهون عليكي نفسك كده
مني
ارجوكي مش وقته أنا مش قادره لاي
كلام
هند
جوزك الاول طلقك بسبب انك انانيه والتاني
طلقك لانك كنتي وحشه معاه وبدل ما تعدلي
من نفسك كنتي بتفكري تاذي ازاي واديكي
انتي اللي اتاذيتي
مني
بس بقي حرام عليكي انتي مش عارفه
يعني اي عمري ما هكون ام تاني أنا
خالص حياتي راحت أنا فعلا
كنت بحب عبدالرحمن. وعمري ما
فكرت اذي الا لما رماني
هند
انتي السبب يا مني في كل حاجه والله
محدش عمل فيكي كده انتي اللي اذيتي
نفسك ربنا يعوضك علي اللي انتي عملتي
مني
ارجوكي أنا عايزه اروح لحماتك واقول
ليها أنها تسامحني
هند
بلاش هما فيهم اللي مكفهيم والله
ومش قادرين لاي كلام بس الخير
اللي تعملي معاهم انك تبعدي عنهم
مني
ارجوكي سامحني أنا السبب في حرق التاكسي
بتاع جوزك بس والله انا خالص توبت
وعايزه افكر عن ذنوبي
هند
حرام عليكي يا شيخه اسامحك ازاي أنا جوزي
حياته بتروح لانه خسر كل حاجه
شقته وشغله والتاكسي منك لله يا مني
وخرجت هند من عند اختها وكان يوسف
قاعد في الصاله
يوسف
أنا اسف والله يا هند أنا عارف ان عامل
ازعاج لمامتك بس قريب
اوي هنشوف شقه
هند اي الكلام ده أنا جايه اقولك خد الدهب
بيعه وهات تاكسي واشتغل عليه
واكيد ربنا هيعوضك
يوسف
معقول اخد دهبك كمان والله انتي
بنت اصول ومش عارف اشكرك ازاي
علي اللي بتعمليه معايا
هند
انت طول عمرك كنت حنين المهم انا عايزه
تجيب مامتك في الشقه اللي تحت ماما قالت
ليا خدي المفتاح ادي لحماتك لحد ما
رؤوف يجيب شقه
يوسف
هما لسه مش كتبوا البيت ل احمد لما
نشوف اي الجديد ربنا يفرجها من عندو يارب
هند
يارب يا حبيبي وفي شقه ام عبدالرحمن
رؤوف
بلاش تعملي كده يا امي والله لو ربنا
كاتب لينا أن احنا نتحبس هيحصل
الام
وانا عمري ما هقدر اشوفكم كده في
داهيه البيت والله المهم انتو.عندي
رؤوف
والله يا امي أنا متابع القضيه ومافيش
حاجه علينا اللي عمل كده علاء جوزها
مش احنا خالص
الام
لا علاء عمره ما يقدر يعمل كده انا عارفه
كويس
عبدالرحمن
واحنا مالنا هو اللي عمل ولا لا المهم
إن الموضوع بعيد عننا وانتي مش هتسيبي
ألبيت مهما حصل
رؤوف
عبدالرحمن عندو حق يا امي احنا مش
هنسيب البيت لاحمد واحنا اصلا مش
عملنا حاجه
الام
أنا بسيب البيت هروب من المشاكل أنا
مش عارفه احمد مصمم ليه علي البيت
بس خايفه عليكم يا ولادي البيت
يتعوض انما انتو لا
رؤوف
مش هسيب البيت يا امي وانا قد اي مشاكل
ل احمد بقي وعايز اقولك
لو انتي فكرتي في كده انا ممكن اعمل
اي حاجه في احمد انتي فاهمه ولا لا
الام
خلاص خلاص يا حبيبي ارجوك ما لكش دعوه به وانا مش هقول لك ثاني على بيع البيت بس ابعد عن احمد خالص
رؤوف
بس كده سيبي احمد بقي ليا وقريب اوي
كل اللي هو بيعمله ده هيتكشف وبكره
تشوفي يا امي وفي اوضه عبدالرحمن كانت
بيتكلم في التلفون
عبدالرحمن
جدع يا واد خلصت عليها بدون اي بصمات
بس يارب داليا بقي ترضي ترجع ليا بعد ما
علاء لبس التهمه بس جت ليك منين فكره
انك تكلمه من تلفونها دي احنا كنا متفقين
انك ترمي الساعة بس
ولحد هنا تكون خلصت حلقتنا
لقراءة الفصل التالي : اضغط هنا
يُمكنك الانضمام لقناتنا على التليجرام
- (من هنا)
او متابعه علي الفيس الحساب الشخصي
ماجد فادي
- (من هنا)
او متابعه جروب الفيس
- (من هنا)
لقراءة جميع فصول الرواية اضغط على