ستعجبك

رواية زواج عنيف الفصل الثاني عشر 12 بقلم منار مجدي

 رواية زواج عنيف الفصل الثاني عشر 12 بقلم منار مجدي

رواية زواج عنيف الفصل الثاني عشر 12 بقلم منار مجدي


رواية زواج عنيف الفصل الثاني عشر 12 بقلم منار مجدي


رواية زواج عنيف البارت الثاني عشر


رواية زواج عنيف الجزء الثاني عشر


زواج عنيف

رواية زواج عنيف الحلقة الثانية عشر

حمزه بصدمه:ها

ملك تمام وكملت نوم

حمزه:هى قصدها عليا انا لا لا اكيد مش انا هى عارفه انى بحب رغد.

ملك كانت صاحيه وسمعته فأضايقت وسابته ولفت وشها الناحيه التانيه

بعد فتره كبيره وصلت الطائره إيطاليا

حمزه:على الفندق يالا

ملك بسخرية:فندق فندق ايه هنروح بيتى

حمزه:عندك بيت فى إيطاليا

ملك:طبعا تعال تاكسى تاكسى

السائق:إلى أين.

ملك:ال*******.

انطلق السائق لحد عماره كبيره اوى

ملك:تفضل اشكرك

السارق:هذا رقمى حين تحتاجين لسائق انا بالخدمه

ملك:بالطبع يا.

السائق:ديف.

ملك:أو ديف اسم لطيف اشكرك عمت مساءا

حمزه:بتتكلمى ايطالى كويس اوى

ملك:محدش قال انى جاهله يالا.

حمزه:انتى كويسه ليه متغيره

ملك:مش متغيره يالا

ركبو الاسنسير وضغطت الدور ٥٠

ملك بصيت قدامها بشرود


 


 


 


 


 


 


 


حمزه بإستغراب:ملك حاجه حصلت ضايقتك يعنى.

ملك:لا انا بس تعبانه من السفر شويه متشغلش بالك بيا صحيح اتصلت برغد تعرفها انك وصلت زمانها قلقانه عليك.

حمزه ابتسم:لا هى مش بتقلق عليا

ملك:بجد اصلى لما كان يعنى طارق يسافر وله حاجه كنت بفضل قلقانه لحد ما يكلمني عليه

حمزه:قديمه اوى انتى الزمن اتغير.

ملك بصوت واطى:الزمن اتغير بس طريقه الحب عمرها ما تتغير ورغد مستحيل تكون بتحبك

حمزه: بتقولى ايه

ملك:وله حاجه (بصوت واطى) انا مش هينفع اقولك ده لازم انت تحس ده لوحدك الفتره الجايه هوريك إلى بيحب بيعمل ايه

حمزه:حاسك بتبرطمى ممكن تقوليلى بتقولى ايه مش بحب تبقا عاملزى الاطرش فى الزفه.

ملك ابتسمت بسخرية:متركزش معايا ساعات بتجنن شويه

حمزه:انتى على طول مجنونه اصلا

ملك:ماشى ماشى مردوده

حمزه ضحك:اهو كده رجعتى طبيعيه

ملك لنفسها:الاهبل مش حاسس بحاجه

وصلو

ملك مسكت أيديها وشديته:تعال شوف البيت

دخلو الشقه كانت واسعه اوى وكبيره وفيها ديكورات تحفه مطبخ امريكي وبار وصاله كبيره اوى وشاشه كبيره وحيده ازاز كبيره بتطل على ايطاليا كلها بمعالمها وبلكونه كبيره اوى واوضتين كبار ومطبخ وحمام.

ملك:ده كله على زوقى

حمزه:راقى جدا

ملك ابتسمت:قصدك أن زوقى راقى مش كده

حمزه:اه خلاص اعترف زوقك حلو

ملك بصوت واطى:زوقى حلو عشان اختارتك

حمزه:بتقولى ايه

ملك:تعال اوريك الأوضه إلى هتنام فيها.

حمزه:بجد يعنى هنام على سرير زى البنى أدمين

ملك:عشان تعرف انى جدعه

حمزه:انتى أجدع واحده عرفتها

ملك:ايه رأيك

حمزه:تحفه عارفه زوقك قريب من زوقى

ملك ابتسمت:يمكن فى تشابه بينا.

حمزه:فعلا.


 


 


 


 


 رواية زواج عنيف الفصل الثاني عشر 12 بقلم منار مجدي


 


 


ملك:طيب هسيبك ترتاح انا اوضتى إلى جمبك تصبح على خير

مشيت وسابته

حمزه:جميله اوووووى.

رمى نفسه علي السرير ونام.

دخلت ملك أوضتها

ملك:لازم خططتى تنجح هوريك يا حمزه هخليك تيجى وتقولى حقى برقب*تى والا مبقاش انا ملك السيناوى.

رمت نفسها على السرير وهى مكرره أنها هتغير فى نفسها حاجات كتير عشان تناسبه

(ده مش حب لما احاول تغيرى نفسك عشان حد ده مش حب صدقينى كل ده مش هيفيد بحاجه غير انك هتخسرى نفسك خلينا نشوف بطلتنا هتعمل ايه)

تانى يوم صحيت ملك بدرى واخدت دش جميل ولبست هدوم اول مره تلبسها كانت مستغربه نفسها بس قالت كده احسن عشان أعجبه ورشت برفان رقيق جدا وانثوى لبست هيلز رغم أنها بتكره بس لبسته وعملت شعرها كحكه فوضويه وحطيت لمسات بسيطه من المكياج بصيت لنفسها وهى مبتسمه بس شافت نفسها وهى صغير ومعيطه ولبسه فستان الاميرات وكانت بتقول مش عايزه البس الهبل ده تانى انا مش اميره انا مش اميره.

أضايقت وكانت هتغير

الباب خبط.

ملك:ادخل.

دخل حمزه:ملك كده هنتأاااا.

ملك ابتسمت لما حسيت انها عجبته:حمزه انت هنا

حمزه:انتى ملك

ملك ضحكت برقه: أيوه يا سيدى انا هى يالا هنتأخر

ملك غير ت رأيها هى حبت نفسها لما حسيت انها عجباه

(الحب صعب اوى ساعات بيخلينى نتخلى عن شخصينا ونشكل نفسنا عشان بس نعجب إلى بنحبهم بس هل احنا كده هل ديه السعاده إلى بندور عليها فى الاخر هنخسر نفسنا عشان كده إلى يحب بيحب شخصيتنا زى ماهى متحاوليش تغيرى من نفسك عشان اى حد عشان ده مش حب)

وصلو الشركه وكان يوم عمل حافل والكل اعجب بشخصيه ملك الجديده الرقيقه وبشوشه دة حتى مضربتش حد وله اتعصبت على حد فى حين حمزه قاعد ومستغرب هى متغيره ليه مينكرش أنه بيضايق لما بتضحك مع اى حد بس مش فاهم ملك بتعمل ايه

ملك بفرحه:حمزه


 


 


 


 


 


 


 


حمزه ابتسم وكأنه اول مره يسمع منها اسمه جميل اوى لما بتنطقه وهى مبسوطه

حمزه:شكل فى اخبار كويسه

ملك وهى بتدوخ وتطنطت:مش هتصدق انا عملت ايه كلمت صاحب الشركه الايطاليه المشهوره شركهZS إلى صاحبها مش هتتخيل شب مصرى زينا وبدأ مشواره زينا انا امبارح منمتش فضلت اعمل ابحاث لحد ما لقيت رقمه وعرفت كل حاجه عنه هو بيحب يشجع الشباب إلى زينا وقال هيستثمر معانا لما كلمته وعجبه كلامى ومشروعنا جدا انا مبسوطه اوى ييييي.

حمزه:وانا كمان لازم نحتفل

حمزه تليفونه رن

حمزه:ألو يا حبيبتى.

ملك وشها قلب

حمزه:لا يا حبيبتى فى الشركه بشتغل اه تمام حاضر هجيبلك كل إلى بعتيه متقلقيش ههه.

ملك:حمزه يالا.

حمزه:روحى انتى يا ملك انا جاى وراكى.

ملك أضايقت اكتر وخرجت

حمزه:حاضر يا حبيبتى

ملك قعدت على مكتبها تفكر هل هى غلطت لما حبت حد بيحب واحده تانيه حاسه انى عامله زى العقربه إلى بتلف حوالين راجل متجوز لحظه لحظه انا مراته مش هى صح بس بس هو أول يوم قال أنه مش بيحبنى وأنه بيحب واحده تانيه وانا كمان متوصتش يعنى يا ربى ايه الحيره ديه .

حمزه:يالا يا ملك

ملك:لا انا عايزه ابقى لوحدى دلوقتى نبقا نحتفل بعدين دلوقتى انا خلصت شغل هنا عن أذنك.

حمزه:رايحه فين

ملك:هتمشى شويه القفل بتاع الباب ببصمتك متنساش سلام.

حمزه:اجى معاكى

ملك:لا عايزه ابقى لوحدى سلام.

حمزه:س سلام

حمزه:انا متأكد فيكى حاجات متغيره انت اكيد فى حاجه حصلتلك مش عايزه تقوليها

عند ملك كانت ماشيه وباصه فى الارض اتكعبلت قلعت الهيلز بزهق ومسكته بإيديها وبقيت ماشيه وهى متلغبطه مش عارفه مش فاهمه تعمل ايه تستسلم وله تحارب وله تعمل ايه فضلت تمشى لحد ما وصلت قدام بحر قعدت على الشط تتفرج عليه وتحكيله

ملك:سمعت ان لو الواحد قال مشاكله للبحر هيرتاح هل لو حكيتلك هتريحنى.

لحظات من الصمت

ملك:انا مش فاهمه حاجه قلبى بيقولى حاجات وعقلى بيقولى عكسها اعمل ايه انا متلغبطه.

مسكت رأسها بإيديها


 


 


 


 


 


 


شخص:الى اعرفه ان الواحد لازم يمشى ورا قلبه.

ملك بصيت للبحر بصدمه:البحر بيتكلم

الشخص بضحك

ملك بصيت وراها

قعد جمبها:شكلك احلى على الطبيعى على فكره

ملك:اسفه مش فاكره حضرتك.

زياد:زياد زياد سيف صاحب شركه

ملك بمقاطعة بابتسامه:ZS

زياد:بالظبط اتشرفت يا انسه

ملك:ملك ملك السيناوى

زياد:اتشرفت بيكى

ملك بصيت للبحر:انت كمان بتيجى تقول مشاكلك للبحر

زياد بص للبحر:ساعات بس انا معنديش مشاكل كتير

ملك:يبقا مش بتحب إلى بيحبو بس الى بيبقا عندهم مشاكل

زياد بص عليها بابتسامه:وانتى بقا بتحبى

ملك بتنهيده:مش عارفه مش عارفه الى حاسه بيه ده صح وله لا.

زياد:طيب احكيلى يمكن اقدر اساعدك

ملك بصيت ليه بتفكير

زياد: متقلقيش سرك فى البحر اعتبرينى زى البحر

ملك بضحك:مش بيقولو سرك فى بير

زياد بضحك:لا بحر البحر أوسع

ملك بتنهيده:تمام بص يا سيدى

زياد بص ليها باهتمام

ملك:انا الأول كنت بكره او لا مش عارفه بس الاكيد مكنتش بحبه لانى كنت مرتبطه بس حبيبى خانى وهو وقف جمبى وساعدنى لحد ما حسيت اني…..

زياد:بتحبيه

ملك هزيت راسها


 


 


 


 


 


 


 


زياد بتفكير:اممم بصى هو إلى انتى بتحسى بيه ده ليه اختيارين لاما بتحبيه لاما ممتنه ليه فأشرحيلى بتحسى بايه لما بيقرب منك.

ملك بتفكر اخر مره حاول يقربلها:كهربا شعور غريب فى نفس الوقت جميل ونفس ذات الوقت مرعب اوى.

زياد بضحك:كنتى خايفه تحبيه وانتى اصلا حبتيه من اول ما شوفته مش كده

ملك:لا طبعا ازاى انا كنت

زياد:مرتبطه بس حبيتيه وده خلاكى مرعوبه.

ملك:يعنى انا بحبه طب هو مش بيحبنى وبيحب واحده تانيه وقايلى وانا مكنتش معترضه بس دلوقتى مبقتش طايقه بس انه يكلمها فى التليفون ببقا نفسى اقوم اجيبه من الجاكت كده واضربه بوكس فى وشه وفى عينيه الزرقا .

زياد بضحك:باين انك عنيفه اوى.

ملك ابتسمت:باين اوى.

زياد:ايوه بس عنف جميل.

ملك بضحك:شكلنا هنبقا صحاب حلوين

زياد:لا مش بصاحب حد انا.

ملك بصيت ليه بصدمه:قالي عنى انا هموت واصاحبك يعم روح

زياد بضحك:بس هصاحبك انت عشان عجبتينى يعم لحظه انتى قوليلى ياعم.

ملك بإحراج:متحرجناش يا زوز بقا

زياد ضحك:عارفه وحشنى اوى طريقه المصريين في الكلام

ملك:والا انت ايه اوعى تكون ايطالى

زياد بضحك:لا مصرى اطمنى

ملك بضحك: ريحت قلبى

ملك بقيت تبص للبحر وهى مرتاحه نسبيا

ملك:هو انا لو غيرت من نفسى حاجات بسيطه عشان الى بحبه ده غلط.

زياد:لو بتغيرى نفسك عشان انتى شايفه نفسك محتاجه تتغيرى يبقا عادى لكن لو بتغيرى نفسك عشان بس تعجبيه يبقا لا.

ملك بتفكير :انا طول عمرى شايفه أنى لازم اتغير ماما كمان قالتلى كده قبل كده لازم اتغير.

زياد قام:انا خلاص كده يومى انتهى انهارده لازم امشى

ملك ضحكت:باى باى سندريلا

زياد بضحك:عشان يعنى مشيت قبل نص الليل انا راحل عملى بصحة بدرى جدا اعمل رياضه وارجع اغير واشوف شغلى حياتى عمليه مش فاضى للسهر والكلام الفاضى ده

ملك:مصيرك تقابل إلى تغيرك يا زميكس

زياد:مين انا زياد سيف مستحيل بتغير عشان اى حد

ملك:لما نشوف يالا يا برو👊


 


 


 


 


 


 


زياد ابتسم وقرب قبضته لقيتها الصغيره العنيفه 👊

مشى زياد وبعد فتره قامت ملك هى كمان واتصلت على ديف يجى ياخدها وروحت

ملك دخلت وحطيت الهيلز على جمب وهى بتدندن

حمزه بعصبية:ايه اخرك كده وهدومك مبهدله ليه

ملك بسخرية:ايه التحقيق ده لا انا صاحيه بدرى مش فاضيه عايزه انام تصبح على خير

حمزه مسك أيديها جامد:لا لحد هنا واستوب انا استحملت كتير.

ملك بزهق:عايز ايه يا حمزه

حمزه:عايز اعرف كنتى فين

ملك: ليه

حمزه:نعم يختى

ملك:عايز تعرف كنت فين ليه انت هتخكم عليا وله ايه

حمزه:ايوه أحكم عليكى انا جوزك وليا الحق أحكم عليكى.

ملك بتنهيده:كنت فى البحر خلاص

حمزه بصدمه:بس كده

ملك:بس كده دلوقتى عن أذنك تصبح على خير

مشيت لاوضتها ولفت بابتسامه

ملك بابتسامه: حمزه

حمزه مبلم:ها

ملك:تصبح على خييير.

حمزه:اه وانتى من أهله

ملك:أن شاء الله .

دخلت وقفلت الباب وراها

حمزه:ديه لازم تشوف دكتور نفسى اكيد فى حاجه فى دماغها ديه فيوزتها ضربت

ملك فى الاوضه غيرت ولبست بيجاما بناتى لاول مره هوت شورت وبلوزه نص كم بصلى عليها دبدوب وفردت شعرها الطويل

ورمت نفسها على السرير

ملك:انا بنت لازم اتعود ألبس زى البنات مش ولد


 


 


 


 


 


 


ملك فضلت تتقلب على السرير بس معرفتش تنام مسكت مجله وقعدت تقرا فيها لحد ما حسيت بالجوع خرجت بصيت حواليها ملقتش حد انسحبت للمطبخ

ملك:لو شافنى دلوقتى وانا قاعده جوه التلاجه كده هيقول عليا طفسه هههه.

بفضلت تاكل وهى واقفه التفكر تاكل ايه تانى لحد ما دخل عليها وفى ايديه تفاحه بس وقعت منه فى الارض اول ما شافها

ملك بصيت تحت رجلها لقيت تفاحه وطئت واخدتها

ملك بفرحه:الله تفاحه كنت. فين يا غاليه

حمزه:احم

ملك لفت رخصه:بتعمل ايه هنا دلوقتى قصدى لسه منمتش خلاص خلاص متجاوبش اصلا اسئله سخيفه بس سؤال مهم التفاحه ديه بتاعتك.

حمزه هز رأسه من غير ما يلاحظ

ملك خطبتها فى بقها:يبقا تلزمنى انا يالا تيكير يا بيبى

جت تمشى مسك أيديها

ملك:مالك.

حمزه قرب منها

ملك بصدمه من قربه:حمزه بتعمل ايه

حمزه افتكر اخر مره وبعد تانى :امشى من قدامى دلوقتى يا ملك انا مش كويس

ملك:مالك تعبان

حمزه:لا كويس خلاص روحى نامى

ملك:متأكد

حمزه:ايوه متأكد روحى

مشيت ملك كان خطوه وبعدين رجعت بصيتله وقالت يتبرع كلها حنيه:حمزه انت بجد كويس.

حمزه ابتسم:متقلقيش

ملك:طيب تصبح على خير

سابته ودخلت اوضتها

حمزه حط أيده على قلبه وبعدين اتنهد ومشى

ملك ابتسمت لما افتكرته وهو قريب ليها ووشه فى وشها بس الابتسامه اختفت لما بعد ليه بعد هيا ممنعتهوش.قامت مفزوعه


 


 


 


 


 


 


ملك:لحظه لحظه انا بغريه مش كده لا يا ملك ديه مش اخلاقك بغريه لا لا اكيد لا انا اصلا مكنتش اعرف أنه صاحى هعرف منين أنه خارج يا ربى ملك انتى هتتغيرى عشان نفسك لكن مش هتغريه فوقى لنفسك بقا.

تانى يوم صحيت ولبست بدله زيتى على بادى ابيض كب وهيلز اوف وايت وفردا شعرها وحطيت البرفيوم بتاعها الجميل الهادى

خرجت وهى بتلبس ساعتها:حمزه جهزت

حمزه:هو انتى ليه لبسك اتغير

ملك:ها.

حمزه:ليه غيرتى طريقتك.

ملك:مغيرتش انا بس بلبس كده هنا ده نظام لبسى هنا في ايطاليا كل مكان وليه استايله

ملك لنفسها بسخريه:هه حجه ديه وله كدبه يا ملك بقيتى بتعملى حاجات هبله كتير

حمزه:طيب يالا بينا المستثمر جاى النهارده يشوف الشركه

ملك:اه عارفه يالا.

بعد فتره فى الشركه الكل متوتر وأعضائه مشدوده

دخل زياد بهيباه المعتاده لمكتب الاجتماعات قامت ملك بفرحه وهى بتسلم عليه وحمزه كمان

بعد اكتر من ساعتين

ملك بابتسامه:يعنى اتفقنا

زياد:اكيد طبعا

ملك:اشطا

حمزه:ملك اشطا وهنا.

ملك بإحراج:اوبسى

زياد ضحك وهو بيقوم وبيقفل زرار الجاكت:عادى مفيش بينا الكلام ده احنا صحاب مش كده 👊.

ملك ضحكت :اكيد برو👊.

حمزه بصدمه:ها


 


 


 


 


 


 


ملك ضحكت:احنا صحاب ايه

حمزه بضيق زق ايديها من بعض:طيب طيب اتشرفت جدا بحضرتك يا استاذ زياد

زياد:اكيد طبعا بالمناسبه ديه يا انسه ملك انا عازمك انتى وأستاذ حمزه نسهر سوا عشان نحتفل

ملك:مش كنت انسان رياضى نشيط

زياد بابتسامه :ماخلتص بقا الإنسان بيتغير كل يوم

ملك ضحكت:اشطا يا برو نتقابل الساعه سبعه مثلا

زياد:بقولك نسهر يا بنتى خليها الساعه ٩

ملك بضحك:لا متأخر اوفر الصراحه.

حمزه كان بيبصلهم بضيق ومتعصب اوى

زياد مشى

ملك وهى بتطنطت:اخيرا اخيرا بدأنا ننجح

حمزه بعصبية شدها من دراعها لمكتبه وقفل الباب جامد وزقها للحيطه من العصبيه كان نفسه الغاضب بيضرب فى وشها

ملك:مالك يا شبح هايج علينا ليه

حمزه:تعرفيه منين يا ملك

ملك:قابلته امبارح على البحر

حمزه بضيق:عشان كده اتأخرتى مش كده

ملك:ايه انت قصدك ايه يا حمزه باشا.

حمزه:خلتيه يلمسك صح يا ملك عشان كده متغيره عايزاه يعجب بيكى مش كده انسى يا ملك حتى لو اعجب بيكى هياخد الى عايزه ويرميكى رميه الكلا*ب عشان ده مش حب يا ملك مش حب ارجع لنفسك.

ملك غضب الكون كله اتجمع فى دماغها وحسيت بسخونيه رهيبه وخلاص هتنفجر و……


يتبع …

لقراءة الفصل التالي : اضغط هنا

للتواصل 👇👇👇👇

يُمكنك الانضمام لقناتنا على التليجرام

  1.  (من هنا)

او متابعه علي الفيس الحساب الشخصي

 ماجد فادي

  1.  (من هنا)

او متابعه جروب الفيس

  1.  (من هنا)

الرواية من كتابات الكاتبة منار مجدي

ونوفرها لكم كاملة للقراءة والتحميل pdf على موقعنا

لقراءة جميع فصول الرواية اضغط على (رواية زواج عنيف)


تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -