ستعجبك

سكريبت كامله انانيةعشق بقلم سولييه نصار

 المجد للقصص والحكايات 

سكريبت كامله انانيةعشق بقلم سولييه نصار


سكريبت كامله انانيةعشق 

بقلم سولييه نصار

سكريبت كامله


بقلم سولييه نصار
-انا عايزاك تتجوز مايا يا فارس .
قالتها حماتي فجأة ...اتصدمت وانا ببصلها ...أنا توي شهور عدتي علي جوزي اللي مات خلصت وعايزاني اتجوز اخوه!!هزيت راسي ولسه هعترض لقيت مروة مرات فارس قامت وهي بتقول:
-ايه اللي بتقوليه ده عايزة تجوزي جوزي لواحدة تاني مفكرتيش فيا ليه ...
-استني انتي يا مروة ..
قالها فارس وهو باصص لمروة اللي عينيها دمعت وبصتلي بك*ره وقال فارس:
-ماما حضرتك عارفة أنه مينفعش صح ..
بصتله حماتي وقالت:
-لا يا فارس مينفعش غير كده ...انت اللي لازم تربي ابن اخوك ...
وقفت وقولت:
-وانا روحت فين يا طنط أنا اللي هربي ابني ومحدش قال لحضرتك اني عايزة اتجوز وانا مش هتجوز بعد محمود ابدا متقلقيش ...
-وانا مضمنش يا مايا ...أنا عايزة حفيدي يبقي جمبي والطريقة الوحيدة انك تتجوزي فارس
بصتلها بصدمة مكنتش قادرة اصدق اللي هي عايزاه ...حاولنا أنا وفارس ومروة نكلمها ونفهمها بس رفضت كليا ولأنها مريضة استغلت مرضها وبسبب كده رضخنا ليها ووافقنا!!!
.....
-طلقني يا فارس
قالتها مروة هي وبتبكي
-مروة اهدي بس
-اهدي ازاي وانت جاي تقول إن فرحك بكرة علي أرملة اخوك ....لا مقدر مشاعري ولا عاملي اعتبار ...طلقني واعمل اللي انت عايزه ..بس ابوس ايديك متعذ*بنيش اكتر من كده
مسكها فارس وقال بحزن:
-انتي شوفتي اللي حصل ...امي لما رفضنا تعبت ودخلت المستشفي...أنا مش عايز اخسر امي يا مروة ابوس ايديكي افهميني ...
بصتله مروة بحزن وقالت:
-طيب بس بشرط
-اشرطي
-متلمسهاش
-حاضر ومش هبات عندها اصلا تمام كده
ابتسمت مروة وقالت:
-تمام
مسكت ايد فارس وقالت :
-اوعي يا فارس في يوم تك*سرني لو حسيت في يوم أن حبك قل ومبقتش عاوزني قول علطول وانا هختفي ...بس اوعي تك*سرني ...اتجوزها يا فارس أنا اهو بتنازل مرة تانية عشانك انت وبس
........
مرت الايام واتجوزت أنا وفارس وزي ما توقعت مقربش مني ولا كان بيبات عندي اصلا وده الي حد ما كان مريحني ....علاقتي بمروة اتوترت ...حاولت كتير اقرب وابرر ليها اني بعمل كل ده عشان حماتي بس هي كانت رافضة تماما كانت بتعاملني بجفا ...مرت الأسابيع وبدأت اتعامل مع فارس اكتر واكتر واكتشفت قد ايه انسان مثقف ومخه كبير كان مختلف عن محمود جوزي الله يرحمه ...كان بيحب القراية زيي وده خلانا نتكلم كتير وبدأت اتعلق بيه ...حاولت ابعد وانكر مشاعري بس مقدرتش ...عشان كده قررت اهرب ...اخد ابني وامشي من هنا او ينفذ شرطي  ....
في يوم جالي فارس وجاب هدية لابني مراد قربت منه وقولت:
-ممكن اتكلم معاك شوية ..
-ماشي اتفضلي عايزة ايه ..
-مراد حبيبي روح دخل هديتك جوا.
سمع مراد كلامي وراح يدخل هديته
-خير يا ام مراد قلقتيني
التحفظ في كلامه ضايقني وحسيت بالغيرة لانه بيحب مروة للدرجة دي ...
-انا عايزة اطلق ...
سكت وقال بهدوء :
-فيه حد ضايقك  ...أنا ضايقتك ولا حاجة ؟!!
دموعي نزلت وصرخت فيه:
-انت ليه مش حاسس بيا ...
-فيه ايه
قالها بقلق فمسكت ايده وقولت:
-انا حبيتك يا فارس .بحبك ومش قاردة اعيش كده فإما تحبني زي مروة او هاخد ابني علي ومش هتشوفوا وشي !!
يتبع

الجزء التاني

♥️شكرا لتفاعلكم السكر♥️بقلم سولييه نصار♥️
-انا بحب مروة مراتي يا ام مراد  ...مقدرش اك*سرها بالطريقة دي عارف انه حقي تبقي مراتي فعليا وعارف اني حارمك من حقك الشرعي لكن أنا اديت وعد لمروة اني عمري ما هك*سرها ومقدرش أعمل كده
حسيت بالقهر وقولت :
-يبقي خلاص بقا من حقي اخد ابني وامشي ..ده ابني وانتوا ملكومش حق فيه
بصلي بصدمة وقال:
-انتي بتلوي دراعي
-ايوة يا فارس أنا مراتك وليا حق فيك ...اختار تديني حقي لاما مش هخليك لا انت ولا الست الوالدة تشوفوا مراد ...أنا مش مضطرة استحمل الوضع ده ..
معرفش كان مالي أنا كنت برمي نفسي عليه بس حبيته وبقيت بغير عليه اوووي ليه يحبها هي ...دي حتي مقدرتش تجيبله اولاد ...
-ايه حصلك انتي مش كده ...قولتلك مقدرش ابقي معاكي لاني بحب مروة ..وانا مبيتلويش دراعي يا مايا عايزة تمشي امشي وربنا يسامحك علي اللي هتعمليه لكن أنا مش هك*سر مراتي ..
وبعدين سابني ومشي ....
قعدت علي الأرض وانا ببكي كنت مق*هورة اني قللت من نفسي. . متضايقة اني اترفضت وانه مقدرش يحبني .. ليه مش قادر يحبني ليه ....أنا متعلمة اكتر  منها  واجمل منها واقدر اخلف كمان وهي لا ...فيها ايه زيادة عني عشان يحبها ....كر*هتها في الوقت ده عشان فارس حبها وانا لا.  ..مسحت دموعي وقررت أعمل حاجة ....
.....
-كانت مروة واقفة في شقتها بتطبخ لما جه فارس من وراها وحضنها
-خضتني يا عم
ابتسم فارس بحنان وقال :
-انا بحبك
-وانا كمان وديت الهدية لمراد
سكت فارس وقال بعد شوية وهو بيحاول يغير الموضوع :
-ما تيجي نسافر يا مروة
-نسافر فين
-اي حتة المهم نبقي مع بعض نغير جو شوية ونرتاح من الضغط ...
بصتله مروة ومسكت أيده وقالت:
-موافقة يا حبيبي ..
-طيب جهزي شنطة صغيرة لينا تمام ....
.......
كنت قاعدة مع حماتي لما جه فجأة فارس ماسك أسد مروة  عشان يتكلم معاها من غير يبصلي :
-امي أنا ومروة بكرة مسافرين
حسيت ان الكلمة وقعت علي قلبي زي الجبل ...مسكت نفسي بالعافية وعيوني دمعت بس لقيت حماتي بصتلي بخب*ث وقالت:
-وماله سافروا يا حبيبي بس مش واجب برضه واحد مراتك التانية معاك ومراد يعيني هما من موت محمود حبيبي الله يرحمه مخرجوش
حسيت ان مروة اتضايقت فقولت :
-لا يا حماتي مش عايزة ازعجهم باين ان مروة مش عايزة
بصتلي مروة بصدمة فابتسمت ليها ببرود وحسيت اني كسفتها ...
بصتلها حماتي وقالت بحزم:
-لا ازاي تروحي معاهم يا مايا انتي وابنك حرام فسحوا العيل الصغير ده وانتوا مراته زيها ولا ايه يا مروة هانم
سكتت مروة بس فارس بصلي بتحدي وقال :
-وانا مش هاخدها يا امي للأسف حجزت تذكرتين بس
وبعدين اخد مروة ومشي
بصيت لحماتي بغضب وقولت:
-شوفتي اهو ...مفيش فايدة
ابتسمت حماتي وقالت:
-الصبر بس
........
جه الليل وجالي فارس وكان مراد نايم ...وطلب يتكلم معايا ...
-عايز ايه
قولتها ببرود فبصلي وقال:
-بعد ما اجي من شرم  هنتطلق وهتأخدي حقوقك كلها وتقدري تتجوزي وتعيشي حياتك أنا مش همنعك ...
دموعي نزلت وقولت بصوت مخنوق:
-بس أنا بحبك انتي
بصلي بحزن. قال:
-انا آسف أنا بحب مراتي ولسه هيمشي مسكت فيه وحضنته وقولت:
-مستحيل اسيبك أنا بحبك وهخليك تحبني!!
الجزء التالت♥️شكرا علي تفاعلكم السكر♥️بقلم سولييه نصار♥️
-ابعدي كده
زعق فيا فارس وهو بيز*قني ...بعدين مسك دراعي وقال:
-فوقي من اللي بتعمليه ده مش هحبك بالطريقة دي بالعكس هح*تقرك اوووي ...
دموعي نزلت فطبطب عليا وقال:
-انا عارف اني ضايقتك وانا اسف علي اللي عملته ..بس انا بحب مراتي والله مقدرش اخسرها أنا آسف والله انا مش شايف غيرها عارفة أنك اتظل*متي بجوازه زي دي واهو أنا بحررك وملكيش دعوة بأمي أنا هتصرف معاها ...
-بس أنا عايزاك انت
-وانا مش شايفك الا اختي سامحيني...ومتقلليش من نفسك ...اتجوزي اللي يحبك واللي يقدرك ...ده حقك يا مايا وان كان علي امي متقلقيش أنا هقف معاكي ...
وبعدين سابني ومشي ...قعدت علي الانتريه وانا منهارة رفض*ني للمرة التانية ...وده ك*سرني اوووي كنت متغاظة كبريائي اتجرح عشان رفضني وكنت ناوية اعمل المستحيل عشان يبقي ليا ....
......
فارس ومروة راحوا شرم وقعدت أنا في البيت حزينة ومقهو*رة فكرت كتير اسمع كلام فارس ونتطلق بس حماتي مسمحتش بكده قعدت تزن علي دماغي اني أحق بفارس واني أنا اللي هقدر اجيبله الابن اللي نفسه فيه ...حاولت كتير اعارضها  بس هي عرفت تقنعني ...عرفت تقنعني أن مروة متستحقش فارس ابنها واني احسن من مروة بكتير ...اقنعتني أن مروة واحدة مش كويسة واخدة حقي وانا سمعتلها ....
....
مرت تلات ايام ورجع فارس ومروة وكانت حماتي خلاص كرهتني في مروة...كان باين أنهم مبسوطين اووي ...هما فرحانين وانا مقه*ورة عشان كده قررت أنا اكون سعيدة كمان ده من حقي صح ...قررت اسمع كلام حماتي واعمل اللي قالتلي عليه ...
......
جالي فارس بالليل كنت نومت مراد بدري وجهزت نفسي ...قلبي كان بيدق جامد اول ما شافني اتوتر وقال:
-هجيلك وقت تاني
بس مسكت أيده وقولت :
-لا وقت تاني ايه نتكلم ونخلص كل حاجة دلوقتي ...
حط عينيه في الأرض وقال وهو بيناولني ورقة وقال:
-ده حقك في ورث اخويا الله يرحمه ...والشيك ده يبقي المؤخر ...بكرة نروح المأذون ونطلق. ..
ابتسمت وانا بقول :
-طب اشرب العصير ميصحش كده   ..
اتوتر وشرب العصير وبعدين قام بسرعة وقال:
-هعدي عليكي بكرة عشان ...
قربت منه جامد وقولت :
-خليك معايا النهاردة
وحضنته وحسيت أنه بدأ يدوخ وبعدين....
........
تاني يوم
صحي فارس من النوم مفزوع لما لاقاني جمبه ...اخد هدومه ولبسها وطلع برة البيت ....
بعد ما مشي فتحت عيني وابتسمت بسعادة كنت فرحانة اووي أن اخيرا اخدت حقي من جوزي ....
.......
-كنت فين يا فارس
قالتها مروة بشك وعيونها مدمعة
اتوتر فارس وقال:
-نمت عند امي تحت  اسف يا حبيبتي
-بجد مبتكذبش عليا
-بجد يا حبيبتي
قالها فارس وحضنها وهو بيفكر في الورطة اللي وقع فيها ...
......
بعدها فارس بعد عني نهائيا وبطل يجيلي مكنتش عارفة ايه مصيري معاه ...افتكرت أن بعد اللي حصل هيحن  بس العكس حصل تماما لحد في يوم قررت اواجهه...كان هو ومروة قاعدين مع حماتي في الصالون قربت منهم وانا ماسكة اوراق وقولت وانا عاملة نفسي مكسوفة:
-انا حامل !!


الجزء الرابع❤️

شكرا علي تفاعلكم السكر♥️بقلم سولييه نصار♥️
-انتي كدابة
قامت مروة وصرخت وهي بتبكي ...ابتسمت حماتي بخبث فقام فارس بتوتر ومعرفش يقول ايه ...
-التحاليل اهي
قولتها وانا بوريها التحاليل
مسكت التحاليل وقعدت تبص فيها وهي بتعيط ...رمتها علي الارض ومسكت فارس وقالت:
-دي كدابة صح ...قول يا فارس ... ...انت ملمستهاش صح ؟!
انهيارها اثر فيا وحسيت قد ايه انا واحدة ر*خيصة بس حبي ليه عماني ...كلام حماتي اثر علي عقلي واقنعني أن فارس يبقي من حقي أنا بس ...
مروة كانت لسه بتصرخ في فارس أنه يتكلم وهي بتبكي ...رغم كل حاجة كانت متمسكة بكلمته هو بس
-انطق يا فارس انت وعدتني انك مش هتلمسها ايه اللي حصل ...
قامت حماتي وقالت لمروة ببرود:
-وليه ميلمسهاش إن شاء الله دي مراته زيها زيك ....انتي فاكرة نفسك ايه ...ده انتي حتة عيل معرفتيش تجيبيه واحنا مستحملين قر*فك ما تتلمي وتحترمي نفسك يا حلوة ومتعمليش فيها المظلو*مة...مايا مراته زيك ومش من حقك تمنعيه عنها ...
جريت مروة علي شقتها فبصلي فارس بحزن وبص لأمه وقال:
-بتمني انك تكوني مبسوطة انك دم*رتي حياة ابنك يا ماما ...افرحي لاني دلوقتي بقيت تعيس ...

وبعدين طلع وسابنا ....كنت مصدومة من النظرة اللي في عينيه..كان كأنه مات فعلا ...اتك*سر...وساعتها عرفت اني اتماديت ....حسيت اني صغرت قدام.نفسي ....ياربي انا ايه اللي عملته وازاي عملت كده ..
.......
جري فارس ولقي مروة بتلم هدومها ...مسك ايديها وقال:
-انتي عارفة أنها كذابة ..
زقته مروة وقالت:
-عارفة انها مش حامل بس كونها تقول الكلام بالثقة دي يبقي انت لمستها ...
سكت فارس فمسكته مروة من هدومه وقعد تزعق فيه:
-ليه يا فارس ليه انا قولتلك اليوم اللي تحس أن حبك قل طلقني لكن متك*سرنيش بالشكل ده د..أنا نار قايدة في قلبي ومش مستحملة ..انا بمو*ت يا فارس ...كنت واثقة فيك اكتر من نفسي وانت كسرتني وكسرت الثقة دي ...ك*سرت حتي ثقتي في نفسي أنا بسببك استحملت كلام وتلميحات كتير بس خلاص بعد النهاردة لا ...طلقني
-ايه
بعدت مروة عنه وقفلت شنطتها وقالت:
-ورقتي توصلني لبيت بابا ...
حاول فارس يمنعها ولكن مشيت ...كنت مصدومة وانا بشوف مروة طالعة من شقتها وفارس بيجري وراها ...وقفت قدامي وهي بتقول :
-مبروك يا مايا قدرتي تاخديه  ....مبروك لانك ك*سرتي فرحتي ودم*رتي بيتي...
وبعدين قربت من حماتها وقالت وهي بتعيط:
-اهو هسيب ابنك يا حماتي خالص مش مضطرة تستحملي واحدة مبتخلفش ارض بور ...وهمشي وعمري ما هرجع...
بصت لفارس وقالتله؛
-عمري ما هرجع
دموع فارس نزلت ومشيت مروة...
ابتسمت حماتي بتريقة وقالت:
-اهي غا*رت ملكة الدراما ...
-اسكتي ...اسكتي
زعق فارس فاتنفضت أمه ...قرب منها ودموعه ماليه وشه وقال:
-انتي دم*رتي حياتي ...عمري ما هسامحك ...
-يا حبيبي انت الكسبان دي ارض بور
ضحك فارس وقال:
-الحقيقة يا امي العزيزة أنا الأرض البور هو انا مش هي أنا العقيم مش مروة !!
الجزء الاخير♥️شكرا علي تفاعلكم السكر ♥️بقلم سولييه نصار♥️
-يعني ايه الكلام ده يا فارس
-يعني يا امي أنا العقيم مش مروة ....
سكت شوية وقال بحزن:
-لما روحنا عملنا التحاليل طلعت أنا اللي عقيم بس مروة رفضت أننا نقول ده لانك عارفة أن ابوها اكيد هيعمل المستحيل عشان يطلقها مني عشان كده جابت العيب فيها واقنعتني اني اسكت وسكت ...كنت جبان وسكت وسيبتها تستحمل كلامك اللي يس*م البدن ...استحملت نظرات الناس وكلامهم ...وكان كل يوم بيزيد حبي ليها ...تعرفي أنا مستهلهاش  ...فعلا مستهلهاش
وبعدين بصلي وكان عايز يتكلم بس سكت في آخر دقيقة ...ومشي ...
قعدت علي الانتريه وانا ببكي كل لما افتكر نظراته ليا ابكي ...هو اكتشف لعبتي ورغم كده موجهش كلام ليا بس كنت عارفة اني نزلت من نظره ...بصيت لحماتي المصدومة وقولت:
-انا ازاي سمعت كلامك ...ازاي دم*رت اتنين كانوا بيحب بعض بالشكل ده ...ازاي اكون بالبشا*عة دي ...انا مش كده ولا عمري كنت كده ازاي بس سلمت دماغي ليكي ...
-اخرسي يا بنت انتي ...عاملة نفسك بريئة ...لا يا حبيبتي انتي كنتي معايا وانا وانتي اللي خططنا مع بعض
-لا انتي اللي خططتي
ضحكت حماتي وقالت:
-وانتي سمعتي الكلام مرفضتيش فمتعمليش نفسك بريئة لأننا طبخناها سوا
-ودلوقتي مبسوطة لما دم*رتي حياة ابنك ومراته ... مبسوطة بك*سرة قلبه تفتكري ربنا هيسامحنا ...
سكتت حماتي فمشيت من قدامها ...روحت لبيتي وقعدت ابكي علي اللي عملته ندمت اووي اني اتبعت حماتي ود*مرت فارس ومراته وقررت اصلح اللي عملته مهما حصل ...
....
بعد اليوم ده فارس ساب البيت ومشي ...أمه انه*ارت وحاولت تستعطفه بمرضها  بس هو صمم ومشي ...ساب البيت وساب وراه فراغ كبير اوووي ...حماتي ندمت علي اللي عملته وحاولت ترجعه بس هو رفض ....كان متد*مر ...غياب مروة حط*مه اوووي  ...قلبي كان بيو*جعني عليه عشان كده قررت اعمل حاجة ....
......
-عايزة ايه
قالتها مروة ببرود لما روحتلها بيتها
-ممكن تسمعيني بس
-اسمع ايه جاية تشمتي فيا صح بعد ما اخدتيه مني ...بس اطمنك أنا ميهمنيش ومسألة وقت ونتطلق وحلال عليكي
-انا مش حامل
قولتها فجأة
ابتسمت وقالت:
-طب ما انا عارفة اكيد هو قالكم السبب ...
بصيت في الأرض وقولت:
-واحب اقولك كمان أن فارس عمره ما لمسني
بصتلي بصدمة فهزيت دماغي وقولت :
-محصلش حاجة في اليوم ده هو بس نام عندي بعد ما اخد المنوم وحتي لو كان فايق مكانش هيحصل حاجه...عارفة ليه لانه فعلا بيحبك يا مروة هو محبنيش ولا هيحبني انتي مالية قلبه .. لما اعترفتله بحبي قالي أنه بيحبك انتي بس ومش هيحب غيرك ...
دموع مروة نزلت فمسكت ايديها وقولت:
-فكري متضيعيش حد بيحبك للدرجادي يا مروة ياريته حد يحبني الحب ده كله...
........
بعد كلامي مع مروة كنت اخدت قراري خلاص ...هطلق من فارس...وفعلا تم الطلاق واخدت ابني وروحت بيت اهلي ...مروة بعد محايلات رجعت لفارس وعرفت أنه سكن بعيد عن أمه ...مقدرش يتعامل معاها زي الاول ...حماتي ندمت علي اللي عملته واعتذرت كذا مرة  بس هو مكانش قادر يسامح ....أما أنا قربت من ربنا وقعدت ادعي انه ربنا يسامحني ويجبر بخاطري ...
بعد سنتين ....
كانت حاجات كتير اتغيرت ...مروة وفارس تكفلوا بطفل وبقيت بزورهم دايما ...الحساسية اللي بيننا اتشالت وقدرت اتخلص من حب فارس ...وكمان فارس سامح والدته بس رفض يرجع يعيش معاها ...شاف أن البعد افضل .... أما الحب فأنا لقيت فعلا اللي يقدرني زي ما قالي فارس وهو موقفش في طريقي بالعكس ساعدني كتير ...لحد ما قدرت اتجوزه ووافق كمان أن ابني يبقي معايا ...
....
في ليلة فرحي ...
كنت قاعدة في الكوشة جمب كريم جوزي وانا مبسوطة لما جات حماتي وفارس ومروة وباركولي...انبسطت أن العلاقات رجعت زي الاول اه صحيح فيه توتر بينهم بس بيحاولوا يشيلوه ....
كنت سعيدة اووي ماسكة ايد مراد ابني وباصة لجوزي بسعادة....جوزي اللي لقيت فيه كل المواصفات اللي عايزاها ...الإنسان اللي قدر يخطف قلبي ويقنعني بيه بعد شهور ...مسكت أيده وقولت:
-شكرا انك حبتني ♥️
ابتسم كريم وقال؛
-انا المفروض اقول كده يا عمري بحبك،♥️
تمت
حبيت أن النهاية تكون سعيدة للكل ...حبيت ادي فرصة تانية لكل اللي موجود عشان اي إنسان يستحقها

تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -