المجد للقصص والحكايات
يوميات لولو وشوشو
الحلقه الثالثه
بقلم هويدا زغلول
لولو :هيدي بقولك اي عايزه منك خدمه
هيدي :معيش فلوس
لولو :فلوس اي يا جعانه انتي
هيدي :امال عايزه اي انجزي
لولو :في حد جاي بكره ومينفعش
يجي شقتنا
هيدي :ليه ماسحين الشقه
لولو :ه ه ه سكر من يومك
هيدي:امال ليه مش فاهمه
لولو :اصل اللي جايه عندنا واحده
عايزه تخطبني لاخوها
هيدي :بجد الف الف مبروك
لولو:مهو انا اللي غلطانه اقول لهيدي علي حاجه
هيدي :متفهمني الحوار احسن
لولو :,بوصي يا ستي انتي عارفه
أن شوشو اختي
هاين عليها تنزل تجبلي اي عريس من الشارع
هيدي :يا شيخه فرحيها بيكي بقي
لولو :مش هتخطب بالطريقه دي
المهم خالتو بعتا زملتها في
الشغل تاخد حاجه من عندي
هيدي :وبعدين
لولو :هتطلع عندك وانتي بقي قولي
اي حاجه عني علشان الجوازه مش
تكمل وانا اكون برا الحوار
هيدي :يا صلاه النبي
لولو :والنبي يا هيدي بالله عليكي
هيدي :مش عارفه إخرتها اي
وفعلا راحت
سوزي:مساء الخير
لولو :مساء الخير تعالي اتفضلي
سوزي :انا جايه
لولو :منا عارفه تعالي تعالي
ثواني بس معلش اصل نسيت
مفتاح شقتي جوا تعالي نطلع عند صحبتي فوق عقبال ما افتح الشقه
لولو :مساء الخير يا هيدي
هيدي :مساء الخير تعالو
لولو :معلش بس زملتي جايه تاخد
حاجه ونسيت مفتاح الشقه تحت هحاول افتح الشقه واجبلك الحاجه
سوزي :طيب تعالي بس انا عايزه
اقعد معاكي شويه
لولو :جايه عالطول وبصوت واطي
اتصرفي
هيدي :عيني اتفضلي يا حبيبتي
سوزي :انتي صاحبه لولو من زمان
هيدي :جدا من قبل ما يجلها يعني
تخلف عقلي
سوزي:ينهار اسود تخلف
هيدي :هي تبان هاديه بسي مجنونه والله تلاقيها وافقه عامله تكلم نفسها وشويه تجنن علي الموجودين وتعض في الناس
سوزي :ينهار اسود تعض الناس
هيدي :حتي أهلها نفسهم يعني يجوزها بسرعه علشان يخلصوا منها
سوزي :وجايين يدبسوني انا صح
هيدي :هو انتي عندك عريس ليها
سوزي :شوفتي الخيبه
هيدي :اهربي بجلدك احسن
سوزي :كتر خيرك وربنا
لولو:اتفضلي الحاجه اي
سوزي :من بعيد اياك تقربي ليا اوعي كده وكلامي مع خالتك هي ناقصه
لولو :هي مالها
هيدي :المفروض يتعمل ليا تمثال
لولو :, هو كويس أنها مشيت بس عملتي اي وتلفون لولو رن
لولو :ايوه يا شوشو اي بتقولي اي يا هييييييدي