أخر الاخبار

رواية بنت الأصول الفصل الثامن عشر بقلم عمر يحيي

 

المجد للقصص والحكايات

المجد للقصص والحكايات

 رواية بنت الأصول

 الفصل الثامن عشر 

بقلم عمر يحيي 

#رواية 

#بنت_الاصول

#البارت_الثامن_عشر






_

====== ====== ====== ======

نكمل عند عادل حيث يجلس بالشركة يخطط المكائد ..... وليس للعمل كعادته ..... الواد ده شكله هيموت ابوه بجلطة? .....


عادل

ها يابني انتا عملتوا ايه ....


الشخص

كله تمام ي باشا نفذنا زي ماحضرتك أمرت بالحرف الواحد .....


عادل 

بس أوعى يكون مات ..... أقتلك فيها .....


الشخص 

بصراحة ياباشا في واحد من اللي معايا ضربه على دماغه ضربه شديدة ومش عارف اذا كان مات ولا لسه عايش .....


عادل 

الله يخرب بيوتكم انا مش قولتلك مش عاوزه يموت يا غبي ..... طيب اتنيل اختفي دلوقتي حالا لحد مانعرف ان كان عايش ولا ميت .....



_ _

◇■□●○◇■□●○◇■□●○

فلاش باااك .....

عادل 

انتا يابني اسمعني كويس بص انا عاوز الواد شادي ده يتأدب حبيتين فاهمني .....


أحد رجاله

انت تؤمر يا باشا اعتبره انتهى من الدنيا نهائي .....


عادل 

لا .... لا بص افهمني أنا مش عايزه يموت انا بس عايز أشد ودنه شدة تقيلة شوية انتا فاهمني ولا لا .....


رجله

تمام فهمتك ياعادل باشا اعتبر الأمر خلص زي مانتا عايز بالظبط .....


عادل 

تمام يالا نفذ اللي قولتلك عليه الليلة وما تخالفش اوامري نهائي .....


وعادل بعد ما خلص المكالمة بيكلم نفسه ..... عشان تعرف ازاي تلعب مع الكبار ياكابتن شادي .....



_

***** ***** ***** *****

عند شادي خلص شغل بالشركة وروح على بيته ..... ووصل البيت لاقى امه الأستاذة علا مستنياه .....

شادي

مساء الخير ياماما .....


مامته

مساء النور ياحبيبي ..... يالا اطلع خد دوش وغير هدومك وتعالى عشان نتغدى سوا ...... انا مجهزالك اللي تحبه .....


شادي

حاضر ياست الكل ..... اه نسيت ..... ماما انا هاخرج شوية مع صحابي عشان رايحين فرح واحد زميلنا من أيام الدراسة واحتمال أتأخر ......


الام

طيب ياحبيبي عقبالك لما افرح بيك ياقلب ماما .... 


شادي 

ان شاء الله ياحبيبتي ..... 


واخد دوشه وغير لبسه ..... ونزل لقي مامته محضرة الغدا ...... فقعد عالسفرة جنب مامته ..... وباس ايديها .....تسلم ايديكي ياست الكل ..... 


مامته 

بالهنا على قلبك ياقلب ماما ......



وخلص غداه وخرج ..... وركب عربيته وفي الطريق اتعرضتله عربية وفيها شوية عيال بلطجية ..... وزنقت عليه وكانوا أربعة فقطعوا طريقه ...... ونزل واحد من اللي فيها ...... في ايه ايه ياعم انتا مش تفتح وتمشي على مهلك .....


شادي وقف ونزل من العربية في ايه ياجماعة انا ماشي بطريقي عدل انتوا اللي دخلتوا وزنقتوا عليا وكمان قطعتوا طريقي .....


راح واحد داخل عليه انتا شكلك نانوس عين ماما واعمى ما بتعرفش تسوق ..... فاتعصب شادي وجر الواحد ده خناقه وتخانق معاه وضرب شادي بوكس بوشه .....


فشادي رد عليه طبعا ببكوس زيه بس شديد ..... واشتعلت الخناقة واتلموا عليه هما الأربعة وضربوه كتير اوي ..... وواحد منهم راح مسك شومه خشب جابها من تحت كرسي العربية وضربه على دماغه فوقع عالارض فاقدا الوعي وينزف ففكروه مات فجريوا بسرررعة وسابوه مرمي في الطريق وهربوا .....


بعد شوية صغيرة واحد ماشي بعربيته في المكان ده شاف حد مرمي على الارض على جنب الطريق ..... اتردد يوقف ليكون قتيل ويشيل هو الليلة زي ماهو معروف عندنا ? ..... لكن لما شاف دراعه بيتحرك وقف ونزل يشوف في ايه لقاه غايب عن الوعي بس لسة عايش فاتصل بالاسعاف وبعدها اتصل بالشرطة وجت الاسعاف والشرطة وراحوا بيه على المستشفى .....


_

•••••••• ••••••• •••••••• ••••••••

بااااك .....

عند ام شادي بشقتهم الفخمة قلقانة وبتكلم نفسها ..... ياترى انت فين يابني ..... ده الساعة عدت واحدة وانت لسة ماجتش ..... دي مش عوايدك تغيب عني كده ياحبيبي ..... ياترى روحت فين ياقلب امك ..... واتصلت عليه و على صاحبه علي كتير ..... لكن علي رد بالآخر .....

ام شادي

الووو .... ايوا ياعلي يابني شادي معاااك .....


علي 

لا مش معايا يا طنط .....


الأم 

ازاي ده مش انتوا روحتوا الفرح مع بعض يابني .....


علي 

لا يأمي انا ماروحتش عندي شوية مشاغل فما قدرتش اروح ......


ام شادي 

بس شادي اتأخر اوي يابني ..... ودي مش عوايده .....


علي

ماتقلقيش ياطنط دي تلاقي السهرة حلوة وطولت فاخدهم الوقت .....


الأم 

بس باتصل بيه يابني مابيردش عليا نهائي .....


علي 

تلاقيه مش سامع جرس التليفون من صوت الموسيقى العالي انتي عارفة فرح بقا وهيصة يا طنط ..... انتي ارتاحي وماتخافيش عليه اكيد شوية وهتلاقيه داخل عليكي ..... وعالعموم انا هاتصل ب مصطفى صاحبي هو اكيد معاه بالفرح يمكن يسمع ويرد وهبقى اطمنك ....


الام 

طيب ياحبيبي ..... ربنا يطمن قلبك يابني .....


وعلي قفل مع طنط ام شادي واتصل على صاحبه

مصطفى

الووو ..... مساء الخير ياعلي ....خير يا بو حسن ......


علي 

شادي معاك يا مصطفى ..... أصله اتأخر و أمه قلقانة عليه جدا ..... 


مصطفى

لا مش معايا ..... ده ماجاش الفرح اساسا .....


علي 

ازاي ده ......اومال راح فين يعني .... وجاله شك قلق من جواه .....


مصطفى 

مش عارف والله دا انا حتى اتصلت عليه كتير لما جيت الفرح وما لاقيتوش موجود ولا جه وماردش عليا نهائي .....


علي 

طيب خلاص انا هاتصرف يالا سلام ..... وقفل معاه و اتصل على موبايل شادي مرة تانية قال يمكن يرد فاتصل كذا مرة وبعدين واحد رد .....


علي 

ايوا ياشادي انتا فييين يابني .....


الضابط 

ايوا استاذ علي انا الضباط فلان ..... ؛ الاستاذ شادي فى مستشفى ...... ؛ انتا تقربله إيه .....


علي

ظابط .... !!! ،،،، ظابط ايه ومين ولييه ...... ومستشفى ايه دي ولييه ...... هو شادي حصل معاه ايه ......


الظابط 

اهدى حضرتك عشان افهمك انتا تقربله ايه .....


علي 

انا صديقه ووزميله بالشغل حضرتك .....


الظابط 

طيب ممكن حضرتك تشرفنا عند علي بالمستشفى .....


علي 

اكيد طبعا يا فندم ..... بس هو شادي كويس طب عامل ايه بالوقت .....


الظابط 

هو كويس بالوقت وخرج من العمليات من شوية .... بس انصحك ما تبلغش امه او حد بحالته حاليا ..... اتحجج بأي حاجة حاليا .....


علي

انا جاي بالوقت حالا مسافة السكة ..... ماتقلقش حضرتك مش هاقول لحد عن حالته حاليا ..... وقفل معا وبعدها راح اتصل على ام شادي .....


الام ايوا ياعلي يابني شادي رد عليك .....


علي 

ماتقلقيش يا طنط شادي كويس ..... هو مع دوشة الفرح ما عرفش يرد عليكي بس شكله هيبات النهاردة عشان الطريق والليل .....


الأم 

قلقت وحست ان في حاجة ..... لأن شادي مش من عوايده يبات بره ويسيبها تحت أي ظرف .....



_ _ _

◇■□●○◇■□●○◇■□●○

عند الدكتورة شمس ب فيلتها وروحت البيت بعد ماخلصت العملية 


دكتورة شمس

يا دادة ...... حضري الاكل هاموت من الجوع .....


الدادة 

حاضر يادكتورة حالا والاكل يكون جاهز .....


د / شمس

مساء الخير للكل ..... وراحت مرمية عا الانتريه ..... اوووووف النهاردة اليوم كان صعب اوي كله عمليات ومرضى .....


الأم والاب 

ربنا يقويكي ويوفقك ياحبيبتي ..... ويعوضك خير ....


الام 

بس يابنتي هتفضلي كده ..... انا وابوكي عايزين نفرح بيكي يابنتي بقا .....


شمس

ان شاء الله ياماما قولي يااارب .....


الأب

ياحبيبتي وانا كمان نفسي افرح بيكي قبل ما أموت ....


شمس

بعيد الشر عليك يا بابا ربنا يطول بعمرك انتا وماما يارب ..... بس بصوا والنبي وحياتي عندكم نتكلم في الموضوع ده بعدين ..... انا هاطلع بالوقت اخد شاور واغير هدومي على مالاكل يجهز .....


ماما 

طيب ياحبيبتي ..... لما نشوف اخرتها معاكي 



_ _ _ _

◇■□●○◇■□●○◇■□●○

علي وصل المستشفى ..... ودخل يجري عالاستقبال وطلع لقسم الرعاية جري عالسلم .....

علي

اهلا حضرتك ..... ايه الاخبار .....


الظابط 

اتفضل ياعلي باشا استريح .....


علي

طيب اطمن على شادي الاول ايه اللي حصله بالظبط مرة .....


الظابط 

يافندم هو كويس والدكتور النباطشي جاي أهو اسأله .....


علي 

المريض اللي جوه اخباره ايه يادكتور .....


الدكتور

هو كويس بس لسه بالعناية المركزة ..... وعلى فكرة هو هيفضل كده لمدة يعلمها ربنا ...... لانه اتعرض لضربة شديدة على دماغه فاثرت على مناطق الاستشعار تقريبا بس الحمد لله مش اوي والا كانت أودت بشلل لا قدر الله .....


علي 

ضربه ..... !!! .... ضربة ايه دي حضرتك مش فاهم .... هو ايه اللي حصل بالظبط ..... ؟


الدكتور 

الحالة اللي قدامنا تبين إن الموضوع خناقة كبيرة ..... واظنها مدبرة ..... ده مش حادث سير ولا حاجة ......


الظابط 

استاذ علي ...... من فضلك عايز اعرف منك بعض المعلومات عن صاحبك وهل له أعداء او مشاكل مع حد معين ..... لو تعرف حاجة من فضلك ما تخبيهاش .....


علي 

حضرتك ..... شادي ده نسمة انسان قمة في الأخلاق ومحبوب من كل الناس وبيساعد الكل وما بيتأخرش عن حد فمن المستحيل يكون ليه اعداء او كارهين بالمرة .....


الظابط 

بس ياباشا زي ما قال الدكتور .... دي حادثة مدبرة او خناقة بفعل فاعل وفيها جناة واكيد ليهم رابط صلة بحد حرضهم على كده ..... والمعمل الجنائي هيحدد ده اكتر بعد ما يرفع البصمات ويوضح اخبار العركة دي .....


علي 

انا لو اعرف حاجة اكتر من كده هبلغكم ..... وياريت حضرتك تكثفوا التحريات وتوصلوا للجناة دووول .....



الظابط 

تمام يا علي باشا وانا مستني لقاء تاني ل حضرتك واي معلومات منك ...... سلام 


سلام ياحضرة الظابط .... وعلي راح بص على صاحبه وهو على سرير العمليات ودموعه نزلت على صاحبه ..... ودمه فار وبقا بيغلي من جواه ونفسه يعرف مين اللي عمل كده عشان يشفي غليله .......



_ _ _ _ _ 

◇■□●○◇■□●○◇■□●○

عند أحمد و هدى بالفيلا ..... هدى قامت من السرير ....


أحمد

ايه ياقلبي رايحة فين خليكي نايمة وانا هاجبلك اللي انتي عايزاه .....


هدي 

رايحة الحمام ياحبيبي .....


أحمد 

طيب استني اجي اساعدك .....


هدى 

تساعدني في ايه انت بتهزر يا أحمد ..... انا داخلة الحمام ..... انتا سامع باقول ايه .....


احمد 

وماله هاساعدك برضه ياحبيبتي☺️ .....


هدى 

هههههههههه والله انت مجنون ? .....


أحمد 

طبعا مجنون بيك يامجنني انتا ? ......


هدى 

طيب يا مجنون ليلى .....


أحمد 

لا مجنون هدى ? ..... ياهدهدتي انتي بحبك امممواه ?..... 



_ _ _ _ _ _

◇■□●○◇■□●○◇■□●○

روح علي عالبيت عشان ينام ساعة ولا ساعتين ونام بصعوبة ..... وبالصبح خرج من الفيلا بدري قاصد منزل طنط ام شادي عشان يقولها على حالة ابنها فما ينفعش يخبي عليها اكتر من كده وهي كده كده بالنهاية هتعرف ...... ووصل بعربيته قدام العمارة ونزل طلع في الأسانسير ..... وخبط عالباب وفتحتله طنط علا .....


مامة شادي

ايه ياعلي ...... شادي ماجاش لحد بالوقت لييه ..... مش قولت بات عند صاحبه وهيرجع والصبح جه وما رجعش .....


علي

طنط تعالي بس نقعد شوية هنتكلم كلمتين وهطمنك حاضر بس من فضلك اسمعيني بهدوء وبعد كده هاخدك لعند شادي ......


طنط علا

ايه ياعلي فيه ايه قلقتني يابني ...... وهتاخدني عند شادي فين انا مش فاهمة حاجة ......


علي 

شادي بالمستشفى ياماما حصلت معاه مشكلة كده بس الحمد لله جات سليمة وقدر اخف من قدر .....


مامة شادي 

ايه ?...... مستشفى ايه ?..... يامصيبتي? ..... ياضنايا يابني? .... انا كنت حاسة فيه حاجة? ..... بس كنت بكدب نفسي ..... طب هو حصله ايه وعامل ايه بالوقت طمني عليه يابني? ..... بس يالا خودني عنده بالوقت? ....عايز اشوف ابني حااااااالا ? ......وقعدت تصرخ وتنادي شاااااادي ..... ابنيييي?? ......


راح سندها ونزلها واخدها للمستشفى ودمعتها على خدها وبتدعي في سرها ان ربنا يحفظلها ابنها ..... وهو ساكت ما بيتكلمش وبيتوعد في سره اللي عمل في شادي كده ووصلوا عند شادي بالمستشفى .....


علي وام شادي وصلوا المشفى وسألوا على غرفة شادي .... والام كانت في حالة صعبة مابطلتش عياط من وقت ماعرفت ان ابنها بالمستشفى ......


علي 

اهدي ياا ماما شادي كويس اكيد ماتقلقيش بالوقت الدكتور يخرج من عنده ويطمنا ..... 


الام 

يارب وفضلت تعيط وتدعيله ..... 


خرج الدكتور وطمنهم على حالته ومنعهم يدخلوا عنده حاليا .....


اما هما فراحوا ل شادي بغرفة العناية ......


الام

اول ماشافت ابنها انهارت ووقعت على الارض ونقلوها لغرفة مجاورة وعطوها مهدئ ونامت .....


علي

سابها مع الممرضة وراح يسأل الدكتور لوسمحت هو شادي حالته ايه بالظبط ......


الدكتور 

هو حالته مستقرة دلوقتي وان شاء الله بكرة هننقله على غرفة مجهزة بالرعاية ..... بس هيفضل كده فاقد للوعي .....


علي 

شكرا يادكتور اروح اطمن أمه زمانها فاقت ...

وراح علي علشان يطمن ام شادي على ابنها ....



_ _ _ _ _ _ _

◇■□●○◇■□●○◇■□●○

عند نجلاء بالشركة بتاع ماهر باشا زيان ..... 

نجلاء

بابا لوسمحت في شوية اوراق لازم توقيع حضرتك عليهم ......


ماهر باشا

تمام يانوجا هاتيهم يالا ..... اهم حاجة انك راجعتيهم ......


نجلاء 

بابا ممكن اتكلم معاك شوية .....


الأب 

اكيد طبعا ..... خير في ايه ياحبيبتي .....


نجلاء

هو حضرتك مصدق ان ابنك عادل اتغير بجد .....


الأب 

الحقيقة لأ ..... بس انا قولت يبقى تحت عيوني احسن ......


نجلاء 

عارف بصراحة يا بابا انا خايفة يورطنا في مصيبة تاني من مصايبه .....


الأب 

ربنا يستر يابنتي ..... هو لحد دلوقي ماشى مظبوط ومتمني فيه خير ان شاء الله .....


نجلاء 

طيب أسيبك انا بالوقت وأروح انا اكمل شغلي بقا .....



_ _ _ _ _ _ _ _

◇■□●○◇■□●○◇■□●○

عند عادل بمكتبه ..... اتلقى اتصال من أحد اعوانه .....

عادل 

الوووو ..... ايوا يازفت حصل ايه شادي مات ولا ايه .....


الشخص

لا يا باشا لسة عايش ماتقلقش .....


عادل 

طيب والشرطة عملت ايه .....


الشخص 

لسه بيحققوا يا باشا ومستنيينه يفوق علشان يسألوه .....


عادل 

طيب غور الوقت من وشي وبلغنى بأي جديد .....


الشخص 

تمام ياباشا ..... واغلقوا الخط سويا .....



_ _ _ _ _ _ _ _

◇■□●○◇■□●○◇■□●○

عند حازم باشا الشريف بشركاته .....

حازم الشريف

هنروح الليلة زيارة ل علم الدين باشا .....


فارس

ليه خير في حاجة يا باشا .....


حازم باشا 

لا في شغل ما بينا ..... وعازمنا لعنده هنسهر معاهم شوية ونتكلم بالشغل .....


فارس

شغل ايه ده ياباشا ..... ماقولتيش عليه قبل كدا ......


حازم

لما نروح هتعرف كل حاجة يا فارس .....


فارس 

طيب لما نشوف ايه الشغل المفاجئ ده يا معالي الباشا .....


حازم جهز نفسك عالساعة ٨ مساءا كده ..... تمام يابني ....


فارس 

تمام يا بابا ..... وبسره لما نشوف ايه اخرتها معاك ياباشا .....



_$$$

يا ترى ايه اللي هيحصل مع أحمد وهدى .....

وياترى ايه اللي هيحصل من شادي برضه وامه .....

وياترى هيعمل ايه علي عشان يوصل للجناة المسؤولين عن حالة شادي .....

وياترى نجلاء وأبوها السيد ماهر هيعرفوا بألاعيب ومصايب عادل الشرير ......

وياترى هدى واحمد هيعرفوا باللي حصل مع شادي وهيعملوا ايه ......

وياترى ايه قصة الدكتورة شمس ووالدها ومين اخوها .....

وياترى ايه اللي هيعمله عادل لما عرف بأخبار شادي وان الشرطة بتبحث عن الجاني وهل سينكشف ام لا .....

وياترى حازم باشا الشريف وابنه فارس هيزوروا مين ولييه وهيحصل معاهم ايه ......

؟ ؟ ؟ ؟ ؟ ؟ ؟ ؟

هذا وأكثر ما سنعرفه الحلقة المقبلة ان شاء الله ..... فانتظروناااااا .......

والسلام عليكم ورحمة الله تعالى وبركاته 

تحيااااااااتي الطيبة لكم ❤? .........



(للنشر والإعلان والتواصل معنا)

                (اضغط هنا)



#بقلمي 


#عمر_يحيى

 الفصل التاسع عشر 

تعليقات



حجم الخط
+
16
-
تباعد السطور
+
2
-