اسكريبت...كامل
-انتي مش بنت!
=اتكلمت بعياط:والله ماعرف
-ضربها بالقلم:بتستغفليني انا!! افتكرتك غير باقى البنات ده انا حبيتك وتضحكى عليا
=بصتله بدموع:يا احمد صدقني انا مغلطتش مع حد ومعرفش ازاى ده حصل
-اتكلم بزعيق:مسمعش صووتك انتى فاهمه عشان مدفنكيش مكانك
=كملت بعياط:وحياتك عندى ماعملت حاجة يأحمد صدقني
"قام وهو بيقفل زراير قميصة ورجع بصلها بطرف عينيه بقرف"
-انتي طالق يا تمارا وخرج
"انكمشت على نفسها وفضلت تعيط وهي مش فاهمه ده حصل ازاى"
"كل يوم بتفتكر نفس السيناريو بنفس أحداثه فاقت على صاحبتها..."
_بت يا تمارا
=بصتلها ايه يا مريم
_روحتي فين يبت
=مفيش مفيش
_طب شوفى هتطلبي ايه
=اى حاجة
_طب اتنين نسكافية وشوف الباقى يطلب ايه
"كنت قاعدة مع صحابي شلة الكلية بقالى سنة ونص مشوفتهمش من يوم ماتطلقت كنت حابسة نفسي لحد ما كلموني واتحايلوا عليا انزل شوية قولت كفاية سجن لحد كده وقررت انزل كان كل نظرات الناس ليا نظرات تقتل نظرات الاتهام للعروسة اللى مكملتش ٥ ساعات جواز بس حاولت أتجنب نظراتهم اللى كانت بتحرقني..خرجنا ورجعت البيت وطبعا مسلمتش من الكلام.."
بابا: مالسة بدرى ياحلوة "مسكني من الطرحة" كنتى فين مش مكفيكي اللى عملتيه فينا ومنعرفش انتي غلطتي مع مين
ماما:ما تسيبها فى حالها كفاية بقي
اتكلم بابا بزعيق:اخرسي خالص انتي اللى بوظتيها
رديت عليهم بزعيق:كفااية بقي كفاااية ارحموني"سبتهم ودخلت الاوضة" يارب ارحمني كفاية عذاب لحد كده
"عملت مج نسكافيه وقولت اقعد ف بلكونة اوضتي شوية"
-بسبس
=....
-بسبسبسبس
=.....
"لقيت زلطة اتحدفت فى البلكونه كانت هتكسر المج بصيت اتجاه الرامية بعصبية"
=اتكلمت بعصبية:انت متخلللف ازاى تعمل كددده فهمني
-ابتسم ببرود:انتي اللي طرشة اعملك ايه
=زعقت بعصبية ايه قلة الذوق ديه انت ميين اصلا
-سند على البلكونة وحط ايده على خده بهيام:بدر اسمي بدر
=اتكلمت بانفعال:انشالله يبقي اسمك هلال هو انا هتجوزك!!
-اتكلم بحب:هيييح يسمع من بوقك ربنا
=بصيت بقرف:ايه الاهبل ده
"دخلت وسبته منكرش اني اتبسطت بكلامه بس قليل الذوق.. انت بتدق ليه دلوقتي!"
---------------------------------------------------------
ام احمد:بقولك ايه يبني انا عايزة اشوف عيالك قبل ماموت
ابتسم احمد:انا برضه كنت جاي افاتحك فى نفس الموضوع
اتكلمت امه بفرحة:بجد ياحمد اخيرا يا حبيبي ومين بقي يا قلب امك
ابتسم:سميحة ياماما
زغرطت:ولولولولولوي يالف مبروك سميحة انا اللى مربياها وبنت خالتك مبروك يا حبيبي.
كانت تسمعهم سميحة من خلف بابها وتكلمت بخبث: واخيرا ياحمد بقيت ليا اخيرا يا حبيبي اللى كنت بحلم بيه حصل وخلصنا من تمارا
ام احمد: سميحة يا سميحة
خرجت سميحة ببراءة مصطنعة:ايوة يماما
ام احمد:احمد عايز يتجوزك قولتي ايه
سميحة بخبث:ايه ده يماما مش قادرة اتكلم من كتر الكسوف
ام احمد:يعني موافقة
ابتسمت سميحة بخبث:اللى تشوفوه
ام احمد:على خير الله يولاد نكتب الكتاب يوم الخميس.
-----------------------------------------------------------
"علاقتي انا وبدر اتطورت بقينا صحاب اهله متوفيين وعايش لوحده بقي مالى حياتي بيسمعني ويفهمني كل يوم بنستني بعض في البلكونة ونحكي لبعض عن تفاصيل يومنا قولتله اني انفصلت...بس مقدرتش اقوله السبب واحترمت انه مسالنيش..بس ده اتاخر النهاردة ياترى فين لقيت فوني بيرن.."
تمارا:الو
-انزلى تحت مستنيكي
تمارا:في ايه؟
-انزلى بس
تمارا:ماشى باي
"لبست بسرعة وقولت لبابا واحدة صحبتي تعبانه هشوفها ونزلت بصلى وابتسم.."
تمارا:فيه ايه يابدر انت كويس
اخد نفس:تمارا انا بحبك..
"احساس غريب قلبي دق جامد سخونية غريبة فى جسمي وبالذات في قلبي جسمي كانه مسكه كهربا احساس حلو!❤️..كان باصصلى وهو متوتر معرفتش انطق يمكن موقفى المرادى يختلف عن احمد لما قالى انه بيحبني معرفتش اعمل حاجة غير اني جريت وسبته"
"بصيت باستغراب كنت حاسس انها بتحبني كل حاجة كانت بتقول انها بتحبني هي جرت ليه معقول اكون اتهيالى انها بتحبني!..رجعت البيت وانا جارر ورايا خيبة امل كبيرة فتحت الشباك لقيت شباكها مقفول اتاكدتلى شكوكى بس..انا مش عايز اخسرها.. تاني يوم سمعت صوت بلكونتها بيتفتح طلعت بسرعة.."
بدر:تماارا..بصي بصي انا اسف والله كاني مقولتش حاجة انا كنت فاكر ان..انتي يعني اسف والله
"بصتله وسكتت عقلى بيقولى كفاية وقلبي بيقولى اديه فرصة كنت لسة هرد لقيت الفون بيرن دخلت وسبته بسرعة بس مكنتش متوقعة الاتصال رديت بارتباك.."
=الو
احمد:تمارا تمارا انا محتاج اكلمك بسرعة
اتكلمت باستغراب:فيه ايه ياحمد
احمد بعصبية: اتعمل علينا لعبة يا تمارا انا جايلك وقفل
"فضلت في حالة ذهول ياترى حصل ايه وفيه ايه وليه احمد بيتاسف شوية والباب خبط فتحت.."
احمد:تماراا ان انتي.. انا ظلمتك بس سامحيني كنت اعمي
=بصتله بذهول وانا مش فاهمه حاجة:مش فاهمه فهمني فيه ايه
جه بابا على صوتنا: فيه ايييه..احمد!! جاي ليه
احمد:تمارا بنتك معملتش حاجة غلط
=زعقت بصوت عالى ما تفهمني ازاى
احمد:هفهمك
Flash back:
"كنت فى اوضتي انا وسميحة وكانت فى المطبخ لفت انتباهي صوت المسدجات الكتير اللى بتتبعت فتحت فونها لقيت واحدة صاحبتها بتقولها "ايه يا موحة الحلاوة ديه طلقتي البت وخدتي جوزها وكمان اقنعتيه انها خاينه لا بجد شابووه"
روحت المطبخ وانا مش شايف قدامي مسكتها من شعرها وضربتها بالقلم وقولتلها على اللى شوفته..
احمد:ازاى حد زيك بالقذاارة ديه
سميحة بعياط:انت بتقول
احمد بعصبية:بقول الحقيقة
سميحة:انت اتجننت!!
احمد بزعيق اتجننت لما اتجوزتك كنت اعمييي انطقي عملتيها ازاى قد كده بتكرهيها
سميحة بزعيق وغل:ايوة بكرهها مش بكرهها بس لو قدرت اقتلها هقتلها اخدتك مني خدت حبك وهو ملكيي خدت حنان مامتك ملقتش قدامي طريقة غير اني اعرفك انها واحدة مش كويسة لا تصلح زوجة يوم عيد ميلادى كنت عازماكم وعازمة كل صحابى حطتلكم حبوب هلوسة في العصير ومشيت صحابي كلهم وقفلت عليكم الشقة وحصل اللى حصل وكل واحد قام ناسي كل حاجة حصلت ابتسمت بشر وفعلاااا صدقت أنها مش بنت وطلقتها وبقيت حبيبي انا قربت منه بهمس انت حقي ياحمد
احمد:انتي ايه ياشيخة شيطاانه انتي اللى مينفعش تبقى ام ولا زووجة انتي طالق وسبتها ونزلت
Back:
"مكنتش متخيلة حد يطلع بالشر ده كله معقول! مسحت دموعي اللى نزلت غصب عني..لقيته مسك ايدى"
احمد:عارف اني غلطت فى حقك سامحيني انا اديني فرصة نبدا من جديد
"فضلت بصاله شئ جوايا بيقولى ارجعيله اهوه جالك احمد اللى كنتى بتموتى فيه وشئ تاني بيقولى انتي حبيتي بدر وهو كمان بيحبك متسيبهوش.."
جرس الباب رن بصتله وروحت افتح:بدر!
بدر:تمارا انا جيت عشان اقولك...
اتكلمت بسرعة ووجهت كلامي لاحمد:اقدملك ياحمد بدر خطيبي
احمد بذهول:خطيبك!!
=ايوة كملت ومسكت ايده مخطوبين بقالنا اسبوع عقبالك وربنا يسعدك مع شخص تانى
احمد اتكلم بيأس:ويسعدك يا تمارا عن اذنكم ومشي.
"كنت حاسة بعلامات الذهول على وش بدر بس قولت اعمل الشئ الصح او بمعني اصح اللى هيريحني"
بدر: انتي قولتي ايه يا تمارا!
=لفيتله ضهرى واتكلمت ببتسامه اللى سمعته ولا مش عايز خلا...
بدر:هششش ده انا لما صدقت
*بارك الله عليكما وجمع بينكما في الخير*
"احلى جملة سمعتها...حسيت قلبي فرحان فرح محستوش قبل كده حنية ولطف من ربنا بيا مفوقتش غير وانا فى حضنه ونفسه حاسة بسخونيته على راسى❤️طلعني من حضنه وبصلى.."
-مكنتش اتخيل يجي اليوم وتبقى فيه حلالى
=بحبك
-ايه!! عيدي كده تاني
=بدررر
-قلب بدر
بدر بيحبك والله❤️.
تمت
علق ب١٠ كومنتات ومتابعه لصفحتي الشخصية