القائمة الرئيسية

الصفحات

اسكريبت مش هتجوز بلطجي كاملة

 


اسكريبت✨❤️كامل

_بس انا مش عاوزة اتجوزك انا مش هتجوز بلطجي.


لقيته قرب عليا وحط المطوة علي رقبتي وابتسم وقال.

_بس البلطجي هيتجوزك ياست البنات.


_مش بحبك سبني بقا في حالي.


لقيته غمزلي وضحك وقال_يا لهوووي عليكي لما بتتعصبي بتبقي عاوزة تتاكلي كدة يابطل انتي.


_ااااف

_بس اي ده بطل الكون هتبقا مراتي.


_وده اسمه اي بقااا.

_اسمه جواز بالاجبار يا وحش.


يعني اي اتجوز بلطجي يعني هيبقا قليل الادب يعني ماسك المطوة طول الوقت لو قولتله لا هلاقي المطوة داخله من هنا طالعه من الناحيه التانيه ياااماااما الحققيني .


_ماله البلطجي يا ست إيمان بيحبك حد لاقي.

_بيقولي يا بطل.

_بيقولي يا وحش الكون ياساارة.

_ بيقولي عاوزة تتاكلي ياسسااارة ياللي منك لله .

_سيبك من كل ده الواد بيحبك يا فقريه.


_يلا كتب الكتاب يابت .

_كتب كتااااب مييين يا حجه كتب كتاب مينيا خلق .


لقيت سارة داخله عليا وفي أيدها طبق ترمس وبتقولي _كتب كتابك يابطل الكون.

_عااااااااا اطلللعيي برااااااا.


انا اي اللي عملته في حياتي بس عشان اتجوز بلطجي ياربي ده محدش قالي كلمة عدله عليه يالهووي يا شمااته طنط عفاف فيا كانت عاوزة تجوزني ابنها المحاسب في البنك واتبترت قال يعني هيجيلي حد احسن واهه جالي زين البلطجي يا شمااته الغلاويه الصفرا احلام جارتي .


لقيت رساله جايه علي موبايلي من رقم غريب 


"صباح الفل عليكي يابطل النهاردة هتبقي مراتي جهزي نفسك هاا😉"


بيغمممز ليييييه الحيوووان...


_يابت يلا البسي العريس وصل ...


_حاضر يا ماما حاااضر.


دخلت البس لبست فستان ابيض كانت ماما جيباه وحطيت ميكب سمبل لقيت سارة داخله الاوضه ..


_اي يابت الجمال ده ليه الحق الراجل يقولك الكلام ده يا قممر انتي .


_شكلي حلو؟

_ققممررر.


طلعت برا الاوضه كانوا كتير قاعدين وكان هو قاعد وماسك المطوة في ايده وبيهز في رجله بصلي اول ما بصلي قلبي دق نظرته غريبه ياتري هو فعلا بيحبني ولا اي لقيته جاي عليا 


خوفت ورجعت لورا بس ابتسمت لما لقيته قال..


_وانتي بقا هتقعدي معانا بالحلاوة دي وكل الناس دي قاعده .

_ليه مالي شكلي حلو صح .


لقيته قرب لودني قربه خلي جسمي اتهز وقلبي فضل يدق جامد لقيته بيقول_ماهي المشكله انك حلوة اووي وانا مقدرشاهلي حد يشوفك وقممري انتي استني وشوفي انا هعمل اي.


لقيته وقف قدامي وقال بصوته كله .


_يلا كل الرجاله اللي هنا تنزل وياريت الستات كمان.


ضحكت عليه ده شكله بيغير بقاا وشكلنا هنتسلي ...


_ما بلاش تضحكي يا عسوليا عشان مرتكبش جريمه دلوقتي ..


ابتسمت وقولت _يلا .

_يلا يا رووح قلبي من جوة يابت دانتي اللي جوة ولا حد غيرك.


طريقه كلامه سرسجي اووي بقا انا يتقالي الكلام ده ..


بارك الله لكما وبارك عليكما وجمع بينكما في خير....


لقيته قام وقف ومسك أيدي وماشي بياا.

_في اي مش المفروض تحضني الاول وتبوس راسي ولا الحاجات دي معدتش عليك ..


لقيته قرب مني وقالي_لا مانا خايف اتهور لو عملت كدة هتهور اكتر يرضيكي.

_لا لا خلاص استني اسلم عليهم ..

_ايمان انتي سلمتي عليهم خمس مرات .

_ماهي السادسه تابته.

_يعني مش التالته..

_تؤتؤ السادسه.

_لا يلا .

_كب استني عشان ممكن مشوفهمش تاني عشان البيت بعيد وكده.

_ايمان احنا بيتنا في الشارع اللي ورانا دقيقتين وتوصلي.


اتنهدت _يلا يازين يلا .


روحنا شقتنا كانت لطيفه علي زوقي اووي انا بحب الحاجات دي الشقه لونها فانيليا لاتيه لون هادي زي ما بحبه وعاملي مكتبه صغيرة فيها رواياات  كل حاجه كانت لطيفه حبيت الشقه لا وقعت في غرامها بجد .


قولت بصوت عالي _الله بجد حبيتها اووي.

_هي اي .

_الشقه !

_عقبال صاحب الشقه .


اتوترت هو كلامه ع طول بيوتر.


_فين اوضتي .

_اهي.


لقيته فاتحلي حضنه هه بيهزر ده ولا اي .


_فين اوضتي يازين مش هنام معاك في نفس الاوضه .


لقيته اتكلم بكل هدوء_ليه..


_عشان انا اصلا مش موافقه بيك وانت غصبتني علي الجوازة دي انت ع فكرة مش راجل وطلقني بقاا.


لقيت وشه حمر والمطوة في ايده بالله انا خايفه لقيته بصلي بكل هدوء وبعدين راح فتح اوضه ودخل شنطي فيها وقال.

_اوضتك اهي اتفضلي..


هو زعل ولا اي طب طب اقوله اي مش بحب ازعله .


_زين 


لف بصلي بس شكله زعلان .

_زعلان؟

_انتي زعلتيني؟

_بص بقولك اي لو زعلان اتفلق 


قولت كده ودخلت بسرعه الاوضه أيوة الواحد يخاف علي نفسه ده  معاه مطوة لو نشلها هتيجي فيا بالله .


نمت نمت نمت كتييير صحيت الصبح  ببص جمبي لقيته قاعد علي الكرسي وباصصلي خووفت قومت نطيت بسرعه ..


_عاااا انت بتعمل اي هنااا.


لقيته فضل باصصلي شويه وبعدين قام ومشي وسابني كده.


قومت ومشيت وراه

_انت يااخ يابيه يا جدع.


برضو سابني ومشي ودخل المطبخ وقعد يعمل الفطار وبعدين جه ومسك أيدي وقعدني علي الطربيزة بتاعة الاكل وفضل يأكلني وانا زي الهبله بفتح بوقي وهي بيبتسم بس بالله ابتسامته حلوة اووي واخدت قلبي .


_اانت بتعمل اي.


مسح طرف شفتي وقال_بأكلك .

قلبي كان بيدق بقربه مني .


_طب بس خلاص متأكلنيش .


لقيته ضحك جامد .

_ايمان حبيبي انتي خلصتي الاكل .

_ها يخربيت جمال ضحكة امك يا جدع ..


لقيته ابتسم وقال.


_حاسبي لتحبيني اصلك بقيتي تتكلمي زيي.


اتوترت_لا متخافش مش هحبك.

_لا جامد يا بطل خلي بالك بقا من قلبك أصله شكله وقع..


جه باسني من خدي وبعدين قالي في ودني ..

_انا عندي شغل مهم دلوقتي خلي بالك من نفسك ماشي يابطل.


_ماشي .

لقيته ضحك وقال...

_مش بقولك قلبك وقع يا جمييل..


مشي وسابني  فضلت قاعده لوحدي مش عارفه اعمل ااي  قومت اصلي استخاره وأشوف حياتي اكملها معاه ولا اي .


صليت حسيت نفسي مرتاحه لما صليت جبت المصحف وقريت فيه فضلت ادعي معرفتش ادعي غير ربنا يهديك يازين كنت بعيط وانا بقولها حاسه اني محتاجه أنه يتغير عوزاه احسن شكلي حبيته ولا اي   ...


خلصت وببص ورايا لقيته واقف عينيه فيها دموع قلبي وجعني جريت عليه ..

_مالك يا زين بتعيط ليه ..


لقيته مسك أيدي ودخلني الاوضه بتاعته لقيته معلق صوري صور ليا واحده وانا باصه علي حد ومبتسمه وصورة تاني وصور كتير اووي بس مش واخده بالي بصيت عليه لقيته باصصلي ومبتسم..


_عارفه حبيتك من اول مره شوفتك فيها حبيت ضحكتك  حبيت تلقاءيتك حبيت حب الناس ليكي فاكرة الواد محمود اللي كان بيعاكسك .


_اها فكراه 

_شوفتيه تاني 

_لا عملتله اي.

ضحك_عملت معاه الصح أصل محدش يبص عليكي واسيبه يا غزال...,عارفه لما جيت اتقدمتلك كنت جاي اتقدم عادي عشان حبيتك بس عارف انك مش هتصدقيني كل الناس بتقول عليا بلطجي ونصاب واي حاجه وحشه بس خليهم يشوفوا براحتهم مش لازم اصححلهم طالما انا غير كده بس ممكن متمشيش وتسيبيني بالله انا بحبك.


دخلت الاوضه وسيبته مكسوفه من نفسي يعني كل ده بيحبني وانا مش حاسه بيه بصراحه انا مني لله والله ...


عدت الايام وهو اتغير بقي حنين اوي أو هو اصلا حنين من زمان بس مكنتش شيفاه ، كل يوم يقومني من النوم ويشيلني ويقعدني علي الاكل ويأكلني وبيخرجني وبيجبلي بلالين وبيجبلي اللي عوزاه طلع طيب ولطيف ويتحب وانا الصراحه حبيته هو مفيش منه اصلا وماله البلطجي مفيش زيه بالله...


_الو يابت ياسارة عامله اي.

_كويسه ياللي مبتسأليش كده يابت تعملي معايا كده حتي مش قادرة تديني رنه حتي .

_معلش ياختي.

_المهم شوفتي الواد ابن طنط عفاف جاي يقول شوفتوا اللي مرضيتش بيا شوفتوا ربنا عطاها اي ..


_يالهوي مبحبهوش أبدا ولا هحبه الواد ده جاته القرف هو اصلا ميتحبش..


ببص ورايا لقيته واقف كان معاه بلالين وبوكس شوكولاته .


قفلت مع سارة وجيت أجري عليه عشان احضنه واشكره علي البلالين لقيته بيبعد ورمي الحاجه ...


_مالك يا زين .

_هو انا متحبش طب ليه محبتنيش والله انا بحبك .


_لا يا

_امشي ياايمان امشي.

لقيته سابني ومشي ونزل فضلت أجري وراه كان سابني ومشي .


طب اعمل اي دلوقتي والله بحبه فضلت مستنياه كل يوم استناه عدي يوم اسبوع اسبوعين 


كنت نايمه حلمت أنه واقف بيعيط قولتله مالك يا زين مالك لقيته بصلي وقالي متسبنيش كان في حته ضالمه روحت شديته في النور روحت قولتله مش هسيبك راح قالي طب هاتي حضن ضحكت واحلي حضن لييك يا زين.

صحيت علي صوت الباب بيتفتح قومت بسرعه أجري عليه لقيته هو فرحت اووي .

_زين 


لقيته بصلي كده زي ما يكون مصدوم..


_افتكرك مشيتي .

_مقدرش امشي واسيبك وع فكرة مكنتش بقول عليك انت اني مبحبكش كنت بقول علي ابن طنط عفاف اللي بيتريق عليا  عشان مرضتش بيه واتجوزت بلطجي..


شوفت الفرحه في عينيه لما قال_بجد يعني بتحبيني.


رديت بتلقائية_اها بحبك وبموت فيك كمان .


لقيته ضحك وقال _قولتلك قلبك وقع وهتحبيني.


ضحكت_وانا حبيتك تعرف حلمت بيك .

_بجد حلمتي بأيه.


_حلمت اني حضنتك.

_طب ما تجيبي حضن بقاا 


والحضن لو حتي خيال  بيدفي....تمت علق ب٢٠ كومنت  ومتابعه لصفحتي الشخصيه

تعليقات