المجد للقصص والحكايات
يوميات ملك -ومالك ٦
💐💐كاملة💐💐
لو سمحت الباص هييجي امتا؟
بعد نص ساعة
شكراً
العفو
" اتخبيت في مكان متداري محدش يقدر يشوفني منه بس انا شايفه "
عدت نص ساعة والباص جه والناس بدأت تركب والمكان يتزاحم فقومت من مكاني أركب لقيتو مديني ضهرو.....فرجعت لمكاني وانا بدعي انه ميشوفنيش فضل واقف لحد مالباص بدأ يتحرك فوقف قدامو وركب وفضلت أراقبو لحد ما لقيتو بيفتش كل الكراسي حمدت ربنا إني مركبتش وقتها كان هيلاقيني وياخدني.
مشيت من مكان تاني وكان معايا لبس طلعت طرحه وحطيتها ع وشي أتداري بيها.
-رايحه فين يأستاذه ملك؟
" وقتها كل حواسي وقفت وتثبت في مكاني مقدرتش أتحرك ولا خطوه لفيت وشي ليه....مراد!
- أه مراد يا هانم، فاكره إنك هتهربي مني ده في بعدك يا ملك انتي سامعه.
" هرجع تاني لحياة الجحيم! انا لازم اتصرف واهرب.....جتلي فكره فعليت صوتي وبدأت اشتمو، انت شخص مش محترم انت ازاي تمسك ايدي وازاي تكلمني بالأسلوب ده!
" الناس بدأت تجمع وأنا كنت متطمنه بده.. في اي يا أنسه مالك!
- ساعدوني الشخص ده قليل الادب وبيقولي كلام مش كويس غريبه عن هنا ومعرفش حد فعايز ياخدني بالعافيه بس البلد دي فيها حكومه وكمان رجاله.... ولا اي يا رجاله!
" مراد كان بيبصلي بصدمه ع اللي انا عملتو وانا لسه واقفه والخوف مسيطر ع قلبي إنه يقدر ياخدني.
فوقت من شرودي ع صوت ضرب، مراد بدأ يضربهم بس كلهم اتجمعو عليه ومن كتر عددهم قدرو يسيطرو وبدأو ضرب في مراد.
" بقا يبصلي ويطلب مني أساعدو وهو مش عارف أد اي انا مستمتعه وانا شيفاه بينضرب وبيتردلو جزء م اللي كان بيعملو فيا"
استغليت اني محدش مركز معايا وجريت فضلت اجري لحد ما نفسي اتقطع وتعبت فوقفت ءاخد نفسي ولقيت كُشك جبت منه ميه....كان المكان مفهوش أي باصات فسألت صاحب المحل قال اني عندي تاكسي وكده فبصيت للفلوس اللي في جيبي لقيتها تكمل أجرة التاكس فركبت تاكس وسافرت القاهره"
" نزلت ووقفت في الشارع وأنا تايهه ومتلغبطه ومش عارفه هعمل ايه في بلد أنا عمري ما روحتها قبل كده، رجلي خادتني ولقيت استراحه فقعدت عليها.....كنت حاسه بجوع فبصيت في شنطتي ملقتش معايا فلوس، كان هاين عليا أقوم أمد ايدي لست معديه وفي أيدها أكل، كنت مركزه اوي ع الأكل اللي في ايدها ومعدتي وجعتني لحد ما لقيتها قعدت جمبي وبتمدلي الساندوتش اللي في ايدها وبتطلب مني آكلو، اترددت كتير أخدو بس جوعي أقوي من كسوفي م الموقف وأخدتو وبدأت آكلو بسرعه"
- ع مهلك يا بنتي هتشرقي
" وفعلا قبل ما تكمل كلامها شرقت وبقيت بكُح بصوت عالي ، كان لسه معايا ميه فخرجتها وشربت"
- بصيت للست تاني وشكرتها" شكرا ي مدام"
- ع اي يابنتي انا معملتش حاجه
- ابتسمت وكملت أكل
= انتي شكلك مسافره او تايهه احكيلي حكايتك.
- معرفش ليه قلبي اتقبض وحسيت بخوف.... وحضرتك عرفتي بده إزاي!!
= ابتسمتلي وطبطبت ع ايديا، اهدي الاول انتي خايفه ليه انا مش هخطفك يعني، في ايدك شنطه وباين إني فيها لبس....وانتي قاعده باين ع وشك الخضه والخوف معرفش اي السبب، حتا جوعك اللي أول ما شوفتي الاكل فضلتي مركزه نظرك ليه فده شككني انك مسافره.
- اتوترت وسيبت الاكل وبدأت أرد عليها، انا فعلا كنت مسافره وجايه هنا أشتغل بس الفلوس ضاعت مني والعنوان اللي انا كنت جياه ضاع هو كمان فملقتش مكان اروح ليه فقعدت هنا في الشارع.
" أنا خوفت تبلغ عني إني هاربه ومراد يقدر يلاقيني فلقيت إني ده أنسب حل وهو اني كدبت"
- طيب يا بنتي ما ترجعي لبيتك ولأهلك بدل ما تعيشي في الشارع كده.
= أهلي ماتو...وانا مليش بيت فهدور ع شغل هنا وان شاء الله هلاقي.
- ان شاء الله يابنتي
" مشيت وشكرتها الاول ع الاكل، فضلت باصه ليها لحد ما طيفها اختفي من قدامي....بقينا المغرب معقول هنام في الشارع!
"عدت ساعه واتنين وتلاته لحد ما بقينا الساعه ١٠ والناس بقت تعدي ويبصو ليا.
- تعالي معايا.
= اتلفت للصوت اللي بيتكلم فلقيت شاب وليه عضلات وعينو بندقيه وتجذب من شدة جمالها فتوهت فيهم.
- انتي يا....
= فوقت من سرحاني ووقفت، نعم انت مين وعايز اي؟
- اتكلمي معايا كويس، وبعدين انتي مين أصلا عشان ءاجي بنفسي آخدك بس اعمل ايه ماما اللي بعتاني.
- مين ماما دي
= هشش انا هرنلك عليها كلميها.
" مسك الفون وبدأ يرن ع حد، وبعدها اداه ليا فاتكلمت وأنا مستغربه من كل اللي بيحصل عرفت منها إنها نفس الست اللي كانت معايا الصبح وإدتني أكل فاستغربت هي ليه طلباني أروح ليها....مفهمتنيش أي حاجة في الفون فمشيت جمب المغرور ده لحد ما وصلت لعماره فوققت أدامها
- اطلعي
= لا مش طالعه وأنا ايه يضمني إني في حد!
- انا طالع وهناديلك ماما
= وقفت حوالي عشر دقايق وبعدها لقيت نفس الست نازله ع السلم فاتطمنت وقربت منها
- مطلعتيش مع مالك ليه!
= مالك مين!
- ابني اللي جابك هنا!
= ضربتي دماغي بخفه وأنا ببتسم، معلش يا مدام مش مركزه... بس أه صح حضرتك ليه بعتاه ليا وليه طلبتيني!
- هنتكلم ع السلم يعني، تعالي نطلع الشقه فوق ونتكلم براحتنا.
= حاضر
" مسكت ايدها وبدأت اسندها لحد ما وصلنا شقتها ودخلنا وملقتش حد.
- اقعدي هنا يا بنتي، قوليلي صحيح اسمك اي.
= اسمي ملك يا مدام
- ممكن تقوليلي خالتي عادي بلاش مدام دي
= ابتسمت.... حاضر يا خالتي
- طبعا انتي دلوقتي عايزه تعرفي انا ليه جبتك هنا، لما مشيت من عندك حسيت بوجع ع حالتك وازاي انتي بنت وهتعيشي في بلد غريبه عنك وكمان ملكيش حد هنا فشوفتك من شباك اوضتي لسه قاعده مكانك فمترددتش لحظه ابعت مالك يجيبك، فأنا بطلب منك تعيشي هنا معايا لحد ما ظروفك تتحسن وتلاقي شغل وتقدري تعتمدي ع نفسك ويكون ليكِ بيت تقدري تعيشي فيه.
= وقفت ومسكت شنطتي...أنا بشكر حضرتك جدا ع المساعدة اللي حبيتي تساعديني بيها بس انا مقدرش أعيش ع حساب حد ولا من فلوس مش فلوسي.... وحقيقي اللي عملتيه ده جميله في حقك وأنا بستأذن من حضرتك همشي، لفيت وشي وهمشي بس وقفت لما نادت بإسمي.
- ملك... انا عارفه يا بنتي كل ده وأنا اوعدك أول ما يبقا معاكي مبلغ وتقدري تعيشي لوحدك هسييك تمشي.....انا هطلب منك تساعديني في شغل البيت لاني مبقدرش امشي كتير زي ما أنتِ شايفه وحالتي ع أدي وهيكون في مقابل مبلغ ليكِ تاكلي وتصرفي ع نفسك بيه
" وقفت دقيقة أفكر وأنا بقول لو خرجت من هنا مش هلاقي مكان أنام فيه ولا هلاقي أكل ليا، انا شايفه اني اسمع كلامها وأفضل هنا مجرد وقت وانزل أدور ع شغل واول ما الاقي مكان انقل وامشي"
- مسكت ايدها... شكرا ي خالتي
= ادخلي يا بنتي الاوضه دي وفيها مفتاح اقفلي ع نفسك للصبح
" دخلت الاوضه وفتحت الشنطه أخرج اللبس اللي فيها.... معقول مفيهاش غير دريسين بس وهنام بإيه دلوقتي معقول هنام بلبسي ده!
- مين!
= انا يا بنتي
" فتحت الباب لقيت مامت مالك واقفه وفي ايدها صنيه فيها أكل والايد التانيه عبايه بس باين من شكلها كبيره"
- ليه بس التعب ده!
= أكيد انتي جعانه وده أكل ليكِ عشان تقدري تنامي، ودي عبايه ليا لو معندكيش لبس يعني ممكن تنامي فيها وشاورتلي ع الحمام، وده يابنتي الحمام لو محتاجه تاخدي دوش ولا حاجه.
- أنا فعلا محتاجه بس....بس يعني.
= فهمتك، مفيش حد هنا غيرنا، لإنك زي ما انتي شايفه البيت كله لينا ومالك فوق في شقتو مبينزلش هنا غير قليل....وأبوه مسافر في شغل وليه وقت لحد ما يرجع.
- وحضرتك معندكيش ولاد تاني
= طيب كلي الاول وخدي دوش وتعالي نتكلم
- تمام
" أخدت منها الصنيه وهي خرجت بدأت آكل وفعلا كنت جعانه ومبعرفش أنام ونا جعانه، خلصت أكل واخدت دوش ولبست عباية طنط بس كانت كبيره عليا فلبست اللبس بتاعي تاني وخرجت....ها يا طنط قوليلي بقا.....
- لقيتها قاعده ع الكنبه في الصاله ومغمضه عنيها فعرفت إنها نامت فوقتها ودلتني ع أوضتها بدأت اسندها ونامت وغطيتها وخرجت.
كنت لسه هدخل الاوضه انام فلقيت باب الشقه بيتفتح ومكنتش لابسه طرحه، جريت ع الاوضه لبست طرحه وخرجت .
- ياريت متصحهاش لانها نامت وباين عليها التعب.
= بصلي ومردش ودخل اوضتها يصحيها
- ممكن تقولي انت محتاج ايه وانا هعمله بس متصحهاش سيبها ترتاح
" فخرج فخرجت وراه"
- كنت هدخل اوضتي لان مينفعش اكون في مكان انا وهو لوحدنا
= انتي يا....
-ملك..... اسمي ملك.
=كنت محتاج أكوي لبسي،لان عندي بكره مشوار مهم وللأسف مش بعرف والمكوجي عنده ظروف وقافل وماما نايمه
- أنا فاضيه ومعنديش مانع ممكن تجيبو ليا وأنا هكويه
= دخل أوضه وخرج بقميص وجاكت وبنطلون" أنا أصلاً بكره الكوي ومعرفش ليه قولتله يجيبو وانا هموت وأنام....ياربِ ع غبائي!
- تمام تفضل انت واول ما يخلص هنادي ليك
= لا لما تخلصيه حطيه في الاوضه دي
- تمام
= شكرا
العفو
" طلعت فوق وأنا مستغرب نفسي إني طلبت حاجه من حد معرفوش او غريب عني، فإزاي طلبت من ملك... فوقت ع صوت خبط ع الباب ايه ده معقول ماما صحيت!
- أنا أسفه بس انا ملقتش المكوه فممكن تعرفني هي فين!
= مش هعرف أوصفلك لانك جديده ومش عارفه حاجه في البيت فهنزل معاكي أجيبها لك واطلع
- تمام
" كانت في دولابه فجابها وإدهالي وطلع خلصت كوي ودخلت اوضته سيبت الهدوم ع السرير ودخلت أوضتي نمت"
صحيت الساعه ٨ لقيت طنط واقفه في المطبخ وبتجهز فطار
- صباح الخير يا خالتو
= صباح الورد يا لوكه، عامله ايه دلوقتي
- كويسه والله، المهم حضرتك
= انا بخير يا حببتي
- بتعملي اي بقا اساعدك فيه
= بجهز الفطار عشان مالك بيلبس ونازل وكويس انك صحيتي عشان نفطر كلنا مع بعض
" ابتسمت ليها وبدأت اعمل معاها باقي الأكل وخلصنا وخرجت الاكل رصيتو ع السفره ومالك خرج وهو لابس نفس اللبس اللي انا كويته.... خلصنا اكل، هنزل يا ماما بقا"
- ماشي يا حبيبي، هو انت لقيت المكوجي صلح المكوه؟
= لا بس
- أمال مين اللي كواهم!
= مالك بصلي وانا بصيت للأرض بإحراج واتكلمت انا يا خالتو فسابنا ومشي.
- معقول يا ملك انتي! ومين قالك اني اللبس عايز يتكوي!
= مالك طلب مني وحضرتك نمتي فقولتله ميصحكيش وانا هكويهم
- شكرا ي بنتي
= تشربي شاي
- ماشي
" دخلت المطبخ وعملت ليا أنا وطنط شاي وخرجت، ها بقا احكيلي عندك ولاد وفين لان حضرتك نمتي امبارح ومتكلمناش"
- عندي بنتين بس بره مصر، وحده متجوزه وساكنه هي وجوزها وأختها معاها بتكمل دراستها بره
= بتدرس اي؟
- هندسه بترول
= ماشاء الله ربنا يوفقها
- يارب ي بنتي
البيت محتاج طلبات هنزل أجيبها لانك لسه مش عارفه المكان وانتي اعملي الغدا بس عشان لو مالك رجع بدري .
- حاضر
عدت ساعه وطنط نزلت وانا بدأت اجهز الأكل....سمعت الجرس ففتحت وتوقعت انها خالتي.
- انتي مين!
= انتي اللي مين وبتعملي اي هنا؟
- دي بنت خالتي يا شهد.
مالك!!
- أيوه يا ملك انا جيت، دي بنت خالتي يا شهد واسمها ملك.
= بنت خالتك إزاي احنا بقالنا ٣ شهور مخطوبين مجبتليش سيرة خالتك ولا الأنسه دي يعني!!!
- عادي مش لازم أقولك، وبعدين خالتي وماما كان بينهم مشاكل وملك لسه جايه امبارح لما اتصالحو.
" كنت بسمع كلام مالك لشهد وأنا مستغربه هو ليه بيقول اني بنت خالتو، ودي مين! معقول تكون خطيبتو واللي أنا سمعتو صح!
= في اي يا ولاد صوتكو عالي ليه!
-شهد انتي هنا!
= اه يا طنط هنا
- مسكت ايد طنط وساعدتها وكلنا دخلنا الشقه وطنط فهمت كلام مالك فهي كمان بدأت تكلمني ع إني بنت أختها.
= تشرفنا يا ملك
- الشرف ليا يا شهد وأتمنا كنا نتقابل في ظروف أحسن من كده.
= بهمس وياريت منتقابلش تاني.
- بتقولي حاجه يا شهد!
= لا يا حبيبي سلامتك
- الأكل جهز خليكي بقا اتغدي معانا
" بصيتلي بضيق وسلمت ع مالك ومشيت"
- لو سمحتي يا ماما انا جعان جهزيلي الاكل ع ما أغير لبسي.
= دخلت المطبخ سخنت الأكل وجهزتو في أطباق وبدأت أجهز السفره ومالك جه وطنط قعدت فخلصنا أكل ومالك طلب قهوه فقررت أعملها انا.
- تشربي قهوه يا خالتو
= لا انا داخله اوضتي أصلّي خلصي وتعالي عيزاكي
- حاضر
طب يا تري مالك بيحب القهوة ازاي أحسن حل اسأل طنط
= بحبها مظبوطه
- انت هنا م امتا؟
= من وقت ما كنتي بتكلمي نفسك
خرج وأنا عملت القهوة وإديتهاله ودخلت لطنط اشوفها خبطت ع الباب فسمحتلي بالدخول
- اقعدي هنا
= ده لبس ليكي لانك تقريبا ملكيش هدوم للبيت وابقي اخصميهم من مصروفك
- كتير عليا ده والله
= انتي خلاص بقيتي زي بناتي
- كنت لسه هتكلم فسمعنا صوت مالك بينادي لمامتو
= اي يابني في اي!
- تعالي كلمي ندي وسماح فيديو
" وقفت ع جمب وبدأت اتابع ريأكشن وش طنط وابتسامتها الجميلة م اول ما شافت بناتها، وضحكت مالك اللي زينت وشه وهو فرحان بأهله...... وقتها حسيت بالوحدة وشعور الخوف اتسرسب جوايا ودموعي بدأت تلسع خدي فمشيت م قدامهم بهدوء دخلت اوضتي وقفلت الباب، كان معايا صوره صغيره شامله اهلي انا وماما وبابا فيها.....ومراد!
حاولت اهرب من كل ده بالنوم بس مقدرتش فضلت قاعده لحد ما سمعت الفجر بيأذن قومت اتوضيت وجيت أصلي سمعت صوت طنط وكأنها تعبانه وبتستغيث
وقتها مترددتش لحظه وطلعت لمالك ومن حسن حظي كان صاحي، أخد العربية وشال مامتو وروحنا المستشفى.
- ها يا دكتور ماما كويسه!
= الحمد لله انها جت في الوقت المناسب وإلا كان حصلها جلطه.
- إيه...!
= الضغط علي عليها واتضحلنا انها مخدتش علاجها بقالها كتير ولو مكنتش خدت الحقنه دي في الوقت ده مكناش هنقدر ننقذها، وقتها الدكتور سابنا ومشي.
" بصيت لملك وأنا ممنون ليها ولوجودها والا أمي دلوقتي كانت في مكان تاني! .... أخدت نفسي واتكلمت حقيقي أنا بشكرك من قلبي و...
= الحمد لله إني طنط بخير وجمايلها دي والا كنت هبقا في الشارع
- ليه!
= مشيت من قدامو وأنا وجع الدنيا اتكوم في قلبي من تاني اتطمننا ع مامتو والدكتور قال لازم تفضل أسبوع تحت المراقبه فضلنا معاها للصبح وبعدها مالك طلب مني نمشي فركبت جمبو العربية بهدوء وبدأ يتحرك، مكنتش حاسه بحاجه غير بدموعي اللي نزلت ع خدي اتداوي وجعي معرفش ع نفسي ولا ع مالك ولا ع مامتو!
" كنت اول مره أحس اني قلبي بيوجعني لما مجرد تفكير اني كنت ممكن أفقد أمي، وقتها بصيت ع ملك لقيتها شارده ودموعها بتتساقط زي المطر....حاولت افوقها وتفضفض بس غروري منعني"
- انزلي احنا وصلنا.
= فوقت ع صوته فمسحت دموعي ونزلت
- واقفه ليه ادخلي
= انا همشي
- ليه!
= مينفعش نفضل في البيت لوحدنا
- انا هفضل فوق متخفيش، ومش هينفع اسيبك تمشي لان ماما لما تفوق هتعاتبني انا فعشان خاطر ماما خليكي
= تمام" دخلت بعد ما مالك إداني فون صغير وقت ما ينزل هيعرفني عشان اجهزلو الاكل ومفيش حاجه هتجمعنا.
- صليت وقررت أنام ففوقت ع صوت الجرس ، لبست حجابي وخرجت لقيتها شهد.
= بتهيألي خالتك في المستشفي ومالك لوحده في البيت، لسه مصممه تفضلي هنا!
- مينفعش امشي غير لما اتطمن ع خالتي
= في حاجه اسمها موبايل اديني رقمك وانا هطمنك عليها بنفسي
- لو سمحتي يا تدخلي يا تمشي بس انا هفضل هنا لحد ما خالتي تطلع واتطمن عليها بنفسي!
= يعني ده آخر كلام عندك!
- ايوه
" محستش غير بالقلم اللي سمعتو وقتها بصيت لقيت مالك ضرب شهد قلم لما شدتني م ايدي جامد وحاولت تخرجني ورما الدبله في وشها وطردها هي"
- انتي كويسه!
عملت فيكي حاجه! أذتك! ردي عليا ساكته ليه!
" عقلي مش قادر يستوعب اللي حصل ليه مالك عمل كل ده عشاني! مفروض انها خطيبتو واكيد بيحبها ووقت وهتبقا مراتو فليه اتصرف معاها كده وليه دافع عني مع اني معرفوش غير من أيام ومفيش حاجه بتجمعنا!
- مسك ايدي وجاب علبة الإسعافات وبدأ يحطلي مرهم مكان ما شهد كانت ماسكه ايدي بشده فإيدها علمت ووجعتني، معقول انا سامعه صوت دقات قلبي! وليه بتعلا في وجود مالك ودي اول مره تحصل معايا، فضلت شارده فيه وانا مش حاسه غير بصوت انفاسي اللي بتعلا وتهبط في وجوده مفوقتش غير وهو بيقولي بقيتي أحسن!
- اه تمام شكرا
" سيبتها وخرجت طلعت فوق وأنا مستغرب من اللي عملته، كل ده شهد عملتو وحاولت تطردها لانها غيرانه عليا منها طب انا ليه ادايقت لما شوفتها ماسكه ملك بشده وضربتها واديتها الدبله! .....لا ده انا رميتها في وشها!
قررت اول ما ماما ترجع هخليها تمشي ملك من هنا، انا عايزها تبقا بعيده عني....بعيده اوي.
- الايام بتعدي وكل اللي بيجمعنا انا ومالك بتصل بيه وقت الفطار والغدا وبيخرج معرفش شغال فين ولا بيعمل ايه!
= محتاجه ازور طنط اتطمن عليها.
- أنا رايح اجهزي وهستناكي تحت
= تمام" دخلت لبست وروحنا المستشفى اتطمنا ع مامت مالك وفضلت معاها لحد ما مالك جه ياخدني ودعنا طنط ومالك اتفق معاها يجي ياخدها بكره"
= ركبت جمبو العربية وأنا لاول مره احس بالراحه كده!
" وصلنا فنزلت ودخلت الشقه شويه ولقيتو وجايب لينا أكل.
- ده أكل لو خايفه مني فممكن آخد أكل ليا وءاكل فوق
= لا.. قصدي مش خايفه" اخدت الاكل من ايده وسيبت باب الشقه مفتوح، جهزت الاكل لقيتو في البرندا فأخدته وبدأنا ناكل.
كان الجو حلو ونسمة الهوا دافيه بتدخل ع القلب تطهرو من الوجع اللي جواه.
- ملك انتي كويسه؟
= وقتها بصيتلو بانتباه واستغربت سؤاله ، ليه السؤال ده!
- في حزن في عينك من يوم ما جيتي هنا وأنا ملاحظها وملاحظ بوجعك اللي ديما بتداريه.
= وانت بتفهم في لغة العيون!
"= حط ايدو ع شعرو وابتسم.... يعني مش اوي.
-اتطمن انا كويسه
= تمام هطلع انا بقا.
" مكنتش عيزاه يمشي رغم اني من شويه بس كنت خايفه منه، فاتكلمت ممكن نتكلم لو معندكش مانع!
= متاكده!
- أها
اتكلمي
- مين شهد وليه اتصرفت معاها كده رغم انها خطبتك!
= انتي جاوبتي نص السؤال وانا هجاوب النص التاني.....انا كنت بكلمها وقولتلها بتعب ماما وقتها سألتني اذا كنتي مشيتي قولتلها انك في الشقه وانا فوق، متوقعتش انها هتيجي او هتتصرف بالطريقة دي فلما لقيتها قدامي وبتشدك بالقوه دي مترددتش لحظه بالقلم اللي اديتهولها وانهي كل حاجه بيننا، احنا اتخطبنا من ٣ شهور بس وكانت زميلتي في الشغل فلقيتها مناسبة خطبتها، لما قولتلها بتعب ماما مهتمتش ولا حتا قررت تزورها في المستشفي هي أه حبتني بس أمي عندي أهم كنت مستني أحس بالخوف في صوتها او بحبها لامي بس ده محصلش، وكنت اتمنا تكون نفس اللهفه اللي انتي كنتي خايفه بيها ع أمي برغم انكو مبيجمعكوش غير وقت قليل بس خوفك عليها كان ظاهر حتا دموعك لما كنا في العربيه.
_وانتي بقا احكيلي مين هي ملك!
-حكايتي طويله وممله.
= فاضي وهسمعك وصدقيني مش همل
ابتسمت وبدأت احكي" أنا ملك من ٣ سنين بس كانت عيلتي متكامله وأهل وحب كبير بيننا، وقتها ماما عملت حادث سير وماتت في ساعتها.....فضلت شهرين في صدمه عصبيه حتا معيطش ولا نزلت دمعه لحد ما بابا في مره فوقني وبدأ يقولي كلمه لسه فكراها....فوقي يا ملك أمك ماتت ومش هترجع صدا الكلمه فضل يزن في وداني لحد ما بدأت أصرخ وأكسر كل حاجه حواليا وقتها ملقتش غير حضن بابا أترمي فيه، فضلت اكتر من ٦ شهور لحد مااتعودت ع غياب ماما بس حضن بابا كان بيدفيني بعد تعب طول اليوم كان بابا يطبطب ع قلبي وياخدني في حضنو بدأت ارجع لطبيعتي تاني وحياتي اتحسنت عن الاول كتير، لحد ما مراد ابن عمي جه وطلب ايدي مترددتش انا وبابا لحظه ووافقنا واتخطبنا شهرين لحد ما جالي شات ع الواتس بينو وبين بنت....كان الكلام ميتقريش من قذارتو، حكيت لبابا كل حاجه ولغا خطوبتي من مراد....بابا تعب وخاف عليا من مراد فسكنا في بيت بعيد عنه لحد ما صحيت من النوم ع حلم دمرلي حياتي وحولها لجحيم...... بابا مات وسندي وضلي إختفا، أعمامي حضرو الجنازة وطلبو مني أعيش معاهم رفضت وفضلت لوحدي في البيت، وفي يوم سمعت الباب بيخبط لقيتو مراد، خوفت أفتح بس فضل واقف لحد ما محيت الخوف واستبدلتو بقوه باينه ع ملامحي بس انا من جوايا مرعوبه ويمكن أكتر.
- عايز اي
= اجهزي عشان المأذون جاي وهنتجوز
- انت عبيط انت بتقول ايه مستحيل اتجوزك
= اسمعي الكلام بالذوق وإلا
- وإلا ايه يا مراد
= بابا
" لما لقيت مراد ع الباب خوفت ورنيت ع عمي وحكيتلو والحمد لله قدر يوصل في الوقت المناسب ضرب مراد قلم وخدو ومشي"
- كنت متأكدة انه هيرجع تاني بس مكنتش اعرف انه هيرجع بالسرعه دي، دخلت انام لقيت ضل حد مختفي ورا الستار.... كان مراد وحاول يتهجم عليا ووقتها كتم نفسي، فعضيت ايده و فضلت اصرخ لحد ما خاف ومشي....طلبت من أخته تيجي تعيش معايا وفعلا جت وعدا ع الموضوع ده شهر وكان عندها شغل فمشيت، وبعد ٥ ساعات الجرس رن فبصيت من العين السحريه لقيت مراد لبست وجهزت لبس في شنطه صغيره وقررت أهرب من باب المطبخ، بس هو مسبنيش وفضل ورايا لحد ما كان هيرجعني معاه بس انا اتبليت عليه والناس اتلمت عليه وضربوه وبعدها لقيت نفسي هنا.
- كل ده حصل ليكِ
= الحمد لله يمكن أحسن حاجه اني لقيت مامتك والوقت اللي قضيتو معاها حسيت بحنانها وحقيقي انا حبيتها كإنها أمي. ربنا يخليها ليك
- يارب...هطلع بقا والصبح هروح أجيب امي
- تمام
" انا من قلبي حزين ع اللي ملك مرت بيه وأتمنا يكون ليها حياه مبهجه وتستمتع بيها، وربنا يعوضها بزوج صالح يحبها ويعوضها عن أهلها"
" ليه حكيت الحقيقة لمالك! خايفه مراد يوصلي بس انا متاكده اني مالك عمره ما هيأذيني وساب شهد عشاني....او يمكن عشان خاطر مامتو!
- يلا يا أمي عشان ترجعي بيتك
= وحشتني، أمال ملك مجتش معاك ليه!
- في البيت مستنيانا، اي ده هو باب الشقه مفتوح ليه!
- مش عارف يا ملك
= هي راحت فين يا ابني مش انت قولت هي هنا .
سايبها هنا يمكن في اوضتها، هخبط عليها.
- ملك
-ايه يا ماما حصل اي
" لقيت ملك مرميه ع الأرض وفي دم نازل من جسمها فشيلتها ونزلت ع المستشفى.....ترولّي بسرعه
- ملك لازم تقوم
= خدوها ع أوضه وبدأو يفحصوها وانا واقف بتفرج من إزاز الاوضه وحاسس بنار بتاكل في قلبي.
- في اي حد يفهمني!!!!
= هي كويسه متقلقش ولما تفوق هنفهم منها ايه اللي حصل لان ده حادث وبلغنا القسم وجاي في الطريق.
- حمدالله على سلامتك يا أنسه ملك
= الله يسلمك
- عايز اعرف اللي حصل ومين عمل فيكي كده؟
" شاورت ع مالك انا قريبة مالك واهله وعايشه عندهم في البيت من فتره وهو كان جاي ياخد والدته من هنا لانها بقالها اسبوع هنا تعبانه سمعت الجرس فقولت اكيد مالك وخالتو فلما فتحت لقيت
- مراد!!!!
= انتي فكراني مش هوصلك ده انتي بتحلمي
" كان مراد ابن عمي وخطببي السابق وكان معاه شهد خطيبة مالك السابقه
شهد!!!
كملي يا أنسه ملك
" تتهجم عليا في وجودها وهي قاعدة وبتضحك واترجيتها تساعدني لحد ما جريت ع المطبخ ومسكت سكينه وهددتهم بيها وقتها محستش بنفسي غير وفي حديده نازله عليا ومن وجعها مقدرتش اقاوم ووقعت في الارض وفوقت لقيت نفسي هنا.
- ممكن مواصفاتهم
" بدأت اوصف شكل مراد ومالك بدأ يوصف شهد"
كان في فتح في راسي خيطوه وكتبولي ع علاج وخرجت بعد يومين"
- اول ما قابلت مامت مالك حضنتها وكنت مرتاحه اوي في حضنها، تعرفي انك وحشيني اوي يا خالتو
= خالتو اي بقا قوليلي يا ماما
سمعت صوت من وراهم واحنا عماتك
ندي و سماح
قربت منهم وحضنتهم
=وانا مليش م الحب جانب!
-أكيد حضرتك بباهم
=صح ومن النهارده...لا من دلوقتي إحنا اهلك ومالك طلب ايدك ها موافقه!
- بصيت لمالك لقيتو مبتسم بتوتر ومستني رأيي.
موافقه وجريت في حضن مامت مالك وسمعت الزغاريد واتخطبت انا ومالك واتفقو كتب الكتاب هيبقى بعد اسبوع
- ملك اجهزي عشان هنروح القسم
= ليه
- مسكو شهد ومراد ومحتاجين نروح عشان نعرف ليه ده حصل!
" قومت لبست ومشيت انا ومالك وصلنا القسم فدخلنا"
- اقعدو لحد ما نجيبهم م الحجز
= ليه يا مراد تأذيني وازاي وصلتلي!
- انا كنت عايزك ليا عشان كنت بحبك وكنت هتغير عشانك، ووصلتك عن طريق شهد
= وانتي يا شهد عرفاه منين وازاي!
- انا ومراد فضلنا مرتبطين ببعض سنه ولما عرفت انه خطب بعتلك اسكرينات عشان تسيبو بعض وفعلا ده حصل بس وقتها مراد اعترفلي انه محبنيش وانه بيحبك انتي وقتها مالك كان معايا في الشغل وأعجبت بيه وفعلا اتقدملي وتخطبنا بس مراد كلمني وقالي انك هربتي مجاش في بالي انتي خالص لحد ما جه اليوم اللي كنت رايحه لمالك اتأسفلو عشان يرجع لي وقتها سمعتكو وانتو بتحكو وجبتي سيرة مراد ربطت الأحداث ببعضها وعرفت انك انتي اللي مراد يقصدها فكلمتو واتفقنا ييجي يخطفك وبكده هتبعدي عن مالك وهيكون ليا ومراد هيتجوزك بس لما خبطتك بحديده فكرتك موتي فهربنا وقدرو يوصلو لينا.
اتحكم عليهم بالسجن
وانهارده كتب كتابنا مبروك يا حبيبتي
الله يبارك فيكي يا ماما
عايزك.....دخلت الاوضه وراه ولقيتو فاتح دراعاتو فابتسمت وجريت اتكومت في حضنه
- بتحبيني!
= بصيتلو باهتمام، اقرأ عيوني وانت تعرف.
- دول بيقولو انك بتموتي فيا
= ابتسمت..صدقهم
- وانا عيوني مبتقولش حاجه!
= انا فاشله في موضوع العيون بس بسمع كويس
- طب بحبك.
" عوضتني عنهم وبِك اكتفيت"
#يوميات ملك -ومالك ٦
رأيكم يهمني لاني تعبت فيها
لو عجبتكم القصة متنسوش تعملو 10 ملقات تشجيع لنالكي نستمروعمل متابعه هنا 👇
👈 ماجد فادي 👉
عشان يوصلكم كل جديد 😍