أخر الاخبار

نوفيلا من حبيبي الفصل الرابع

 


نوفيلا من حبيبي الفصل الرابع

الحلقه الرابعه

#نوفيلا من حبيبي

جاسر بسخريه :لا مش بيتك دا بيتي انا بس

ميري بعند : لا بيتي انا كمان انا اختك

جاسر بغضب: انتي مش اختي انا معنديش اخوات انا امي مجبتش غيري

ميري بعند: بس ابوك اتجوز امي

جاسر بغضب : انتي قولتيها اهو انتي بنت مرات ابويا مش اكتر
والبيت ده بتاعي انا بس

ميري بسخريه : وبتاع ابوك الي هو ابويا دلوقتي

جاسر بغضب: لا البيت ده بيتي وبيت امي الله يرحمها محدش ليه حاجه فيه

ميري بهدوء: طيب هطلع بس قبل اما اطلع انا عايزه اقولك حاجه حطها حلقه في ودانك لينا خط احمر لينا صحبتي وبعتبرها اختي لو حولت تأذيها انا الي هقفلك

جاسر بسخريه : لا واللهي ٠وممكن تبيعها ذي ما بعتي قبل كده

ميري: انا مبعتش يا جاسر انته عارف اني حولت امنع جوازه ابوك من امي بس معرفتش هعمل ايه

جاسر: عارف بس انتي الي مفكرتيش صح

ميري: فكرت ولا لا خلاص اتجوزوا اما ان بعت وخلفت اتفقنا اننا نبوظ الجوازه انا عملت كل الي اقدر عليه اما اني ابيع صداقتي بي لينا دا استحاله جاسر انا بعتبرك اخويا  وبخاف عليك من طيشك ارجع ذي زمان يا جاسر

جاسر بسخريه: زمان  ذي ما قالت ام كلثوم قول لزمان يرجع يا زمان  مفيش حاجه بتفضل علي حاله يا ميري

ميري: اديك قولت مفيش حاجه بتفضل علي حالها وانا عارفه انك عمرك ما هتأذي لينا

جاسر بسخريه : ليه

ميري بخبث: عشان بتحبها يا جاسر جاسر القديم كان بيعشق لينا
جاسر بغضب: جاسر القديم مات

ميري بتحدي: لا عايش النهارده في الامتحان انته كنت هتموت من الخوف والقلق عشان لينا مجتش
بتحبها من ايام الثانويه وانا متأكده انك كل ماده بتحبها اكتر من الاول ليه بتعمل وبضايقه كده

جاسر بغضب: قولتلك جاسر القديم مات

ميري باستفزاز : يعني جاسر القديم كان بيحب لينا اهو

جاسر بغضب: اطلعي بره

ميري : حاضر هطلع بس نصيحه فوق قبل اما حد يأخدها منك

وفي الصباح

يوصل فارس لينا الجامعه

ميري :صباح الخير

لينا : صباح النور

ميري: يلا المحاضرة هتبدأ

لينا : ايوة مش لازم نتأخر

ليلتفتنا الي الخلف

جاسر بسخريه : ما انتوا دحيحه هنقول ايه

لينا بهدوء: ينفع الي عملته امبارح ده

جاسر بسخريه: ومينفعش ليه

لينا: انك تحاول تشوه سمعتي دي المرجله

جاسر بغضب: انا راجل غصب عنك

صوت من الخلف
اسامه : انتوا واقفين كده ليه المحاضرة بدأت

ميري : حاضر يا دكتور هندخل كنا بس بنتناقش في حاجه

اسامه : اتناقشوا بعد المحاضره

وبعد المحاضره

كانت بعض الفتيات يتهمسن

ميري: هو في اي هناك

لينا  : مش عارفه تعالي نشوف

ميري: في ايه يا بنات

بنت : بيقبضوا علي رئيس الجامعه

لينا : ليه

بنت: بيقولوا متورط في تهريب  الاعضاء

يخرج من المكتب مجموعه من القوات وادم

ينظر ادم لي لينا ويجد جاسر واقف بعيد قليلا

ادم : خدوه واسبقوني هحصلكم

العسكري: اوامرك

ادم: اذيك

لينا: الحمد لله

ينظر ادم ناحيه جاسر

ادم  بحده: عمل حاجه

لينا : لا

ادم : متأكده

لينا: هو تحقيق

ادم بحده : لا بس بطمن اظن مش ناسيه امبارح

لينا : اديك قولت امبارح مش النهارده

ادم: والي في خصله بيكررها

جاسر: منور يا باشا

ادم : بنورك

جاسر بغيظ: تحبوا نجبلكوا اتنين ليمون

ادم باستفزاز: يا ريت واللهي لو معندكش مانع يعني

كانت ميري تكتم ضحكاتها

جاسر: نجيبه عايز محاضرة النهارده

ادم بحده: مسمهاش نجيبه اسمها لينا فكرتني صحيح يصفق ادم ليلفت انتباه الجميع

ادم : اسمعوني كويس اي حد هيقول لي لينا يا نجيبه او يتعرض ليها بكلمه واحده هسجنه مفهوم

جاسر بغيظ: هو انته المحامي بتاعه

ادم : لا مش محامي بس لينا هتبقا مراتي

لينا بدهشه: مراتك

جاسر بصدمه: مراتك

ادم : ايوة مراتي فيها حاجه

لينا بعصبيه : انته بتقول ايه امته الكلام ده

يمسك ادم لينا من معصمها

ادم : متعليش صوتك عليا فاهمه وابقي اسالي اخوكي

جاسر : سيب ايدها

يلكمه ادم علي وجهه

ادم : لما اكون بكلم مراتي محدش غريب يداخل

ميري في خاطرها : ولعت احسن😆 اللعبه احلوت

ادم بحده: وانتي يا هانم مش خلصتي محاضرات قدامي اوصلك

لينا بعصبيه وتحاول افلات يدها

: اوعا ملكش دعوه بيا انا استحاله اتجوزك

ادم: لا ان قررت اتجوزك كيفي كده

لينا: انته مجنون بقا

ادم : المجنون ده هيوريك هيعمل ايه

تسحب يد خفيه ميري وتكتم فمها
وتجره الي احد الممرات الفارغه دون ان يشعر احد

لتعض ميري يده

فارس بتوجع: عضاضه

ميري : فارس

فارس: وحشتيني يا عضاضه

ميري بغضب: وحشك قرد ايه الي هببته ده

فارس: ايه

ميري: احنا هنستعبط يا فارس

فارس: مفيش حبيبي مرة ولا كلمه عدله مرة

ميري: حبك برص بعد الي عملته وعايز اقولك حبيبي وكمان بدل ما توقف الخناقه الي بره جي تقولي قولي حبيبي حبتك حيه

فارس: شرشوحه اوي يا ميري

ميري بغيظ: ما اقولك ايه متجننيش الساعه دي

وقبل ان ينطق فارس يسمع الاثنان صوت ضرب نار؟

الحلقه الخامسه

تفاعل عشان انزل حلقه بالليل الساعه ١٠دا لو لاقيت تفاعل 😮

#نوفيلا من حبيبي

يذهب فارس وميري باتجاه الصوت ليجدا ادم  هو من يحمل المسدس
ويرا الخضه والخوف في اعين لينا وجاسر ليذهب باتجاه لينا

فارس بقلق: انتي كويسه

لينا بخوف: الحمد لله

ليلتفت الي ادم الذي كان وجهه لا يبشر بالخير

فارس: في ايه مطلع مسدسك ليه

ادم بغضب: اختك المصونه بتشتمني انا عيله ذي  دي تشتمني تحمد ربنا اني مفضتش المسدس فيها

فارس : ادم دي اختي

لينا بخوف: تفضي المسدس في مين مفكرني هسكتلك

ادم بحده : يا شيخه دا انتي بترتعشي من الرعب اهو جبانه وانته يا سوبر مان لما ضربت الطلقه انته خفت علي نفسك بس دي المرجله كدك القرف

جاسر: عشان كنت متأكد انك مش هتضربها

ادم بسخريه : يا راجل ٠ انا مش هضيع وقتي مع شويه عيال سلام

وقبل انصرف ادم تنادي عليه لينا

لينا : ادم انته كنت بتتكلم جد علي موضوع الجواز

يلتفت ادم اليها

ادم بسخريه : مش ادم المنصوري الي يجبر بنت علي حاجه انا كنت بتأكد من حاجه بس سلام

تنظر لينا اليه بدهشه ولكنها يرحل وسط استغراب الجميع

اما جاسر فكان يفكر بشئ

تمر الايام ولم يعد احد يزعج لينا او يلقبه نجيبه

ميري: مالك يا لينا

لينا : تفتكري ادم كان عايز يتأكد من ايه

ميري: مش عارفه بس تقريبا هو كان عايز يساعدك بدليل ان محدش دلوقتي بيقولك حاجه حته جاسر

لينا : اه هو فين صحيح

ميري: هتلاقيه مع واحده من الي ماشي معاهم

لينا :ربنا يهديه بس تعالي انتي بقا مزعله فارس ليه

ميري : اخوكي ده صعب

لينا بضحكه : بس بيحبك اوي وانتي مبتسكتيش لو قالك كلمه بترديه عشره

ميري : دا الطبيعي

تنظر ميري لهاتفها

ميري: جبنا في سيره القط طلع ينط

لينا بضحكه: ردي علي القط عشان ميخربش

ترد ميري علي الهاتف

ميري: نعم

فارس بضيق: نعم ؟ دي المرة العشرين عشان تردي يا دكتورة

الفصل التالي

تعليقات