حصريآ علي موقع
المجد للقصص والحكايات
الكاتبه مريم سمير
روايه
احببته رغم عقله
القصه الجديده مين متابع
_افندم!! اتجوز واحد عقله عقل طفل عنده 17 سنه!!
=طب ممكن تقعدي اشرحلك
_اندر ايدج انتوا بتهزروا
=يبنتي اقعدي بقى
_قعدت فيه اي بقى!!
=ابني عمل حادثه، الحادثه دي أثرت على المخ، رجع ل عمر 17 سنه بجسم واحد عنده 27 سنه، هو بتعالج دلوقت
_طب يحاج هو بيتعالج، عاوزين تجوزوه لي بقى؟
=الدعم النفسي اهم حاجه، وانا وأمه مش في البيت دايما، بنحتاج يبقى معاه حد علي طول ياخد باله منه
_خدامه يعني
=العفو يبنتي، صدقيني هتكوني خدمتيني اكبر خدمه في حياتي هفضل طول عمري مدين ليكي ب اي حاجه تعوزيها، بس ارجوكي وافقي
سكتت شويه وبصيت لماما لقيتها ساكته، رجعت بصتله تاني
_طب ممكن تديني فرصه افكر؟
=اكيد انا مش هفرض عليكي حاجه، بس فكري كويس، دا ابني الوحيد، يلا السلام عليكم
_عليكم السلام، نورت
=الله يباركلك يبنتي
مشي وانا قعدت على الركنه، ماما جمبي واحنا الاتنين ساكتين
_هو اكيد محتاج حد جمبه
=إيه!!
_مش هيعدي من الي هو فيه وهو لوحده
=مريم متقوليش انك...
_أنا موافقه يماما
=بردو!!
_أنا لو مكانه كنت هحتاج حد معايا، ان شاء الله هيخف، هبقي سبب من الأسباب الي ربنا جعلهاله عشان يرجع زي الاول
=طب فكري كويس، احسن تندمي
_محدش بيعمل خير وبيندم يماما، انا اتربيت على كده ودا الي هعمله
يمكن طيبتي بتوصل لحد الغباء ساعات بس انا بحبها اوي، بحب طيبتي وان ربنا جعلني حنينه دي احلى ميزه فيا، بتهيقلي الإنسان مش محتاج الا حد طيب حنين يطبطب على قلبه ويآنس وحدته، محدش محتاج حد بيحسبها بالقلم والرقه، متيجوا نعيشها بقلوبنا ومنحسبهاش ونسيبها تيجي بظروفها ونرضى ب اي حاجه من ربنا واكيد هتبقى خير لينا، جربوا اعملوا زيي كده يجماعه!!
_ألو
=ايوه يبنتي، فكرتي؟
_ايوه
اتنهد=وقولتي اي؟
_موافقه يعم الحاج
بتهيقلي كنت حاسه بفرحته وانا بكلمه في الفون، مش شيفاه بس حاسه قد اي هو فرحان لما سمع كلمه موافقه، لو كنت اعرف انها هتفرحه كده كنت قولتها من زمان والله
_طب عندك مانع تيجي تشوفيه قبل كتب الكتاب
بلعت ريقي=كتب كتاب!!
_اه ،انتي رجعتي في كلامك ولا اي
=لا لا، معنديش مانع
_نص ساعه والعربيه تكون عندك
قفل وانا قولت لماما، بابا مسافر بس ماما قالتله من اول ما باباه جه قالتله وهو وافق، بس مقالتلوش حالته الصحيه قالتله الاجتماعيه
لبست ولقيت عربيه كبيره جدا بتضرب كلاكس تحت البيت
_أنا جالي صداع يعمو
=انتي مريم هانم؟
_الاه!! انا مريم اه
=طب اتفضلي معانا
_ايدا هتخطفوني؟ ادوني فرصه اصوت حتى يقولوا قاومت
=احنا تبع عماد بيه
_عماد بيه، اه اه تمم
فتحلي باب العربيه من ورا
_ودي اخرها فين دي؟
=ورا
_طب ولي كل دا؟ العربيه ام كرسيين قصرت معاكوا في حاجه!! يالله يالله، داخله اهو
دخلت والحمد لله وصلت، ما شاء الله عربيه جميله وفيها اكل، من الي بشوفها في الأفلام ايوه هي، كان حلمي العربيه المتر دي بس يلا وسعت مني شويتين تلاته اهو
وصلت بيت أو استنوا فله فله
وقفت قدامها فاتحه بوقي
_اتفضلي يهانم
=وربنا خطفني
_خلصتي
=ايوه
_اتفضلي بقى
دخلت كان بيت يخطف القلب من اول نظره، اول قصه حب تنشأ بين انسان وفله بجد مش كلام والله، قعدت وجت شغاله تسألني اشرب اي
_كركديه ساقع
=افندم؟
_معندكوش!! ازاي دا مشهو اوي، قهوه طيب؟
=تحت امرك يهانم
فجأه باباه جه وسلم عليا وقعد
_عمري مهنسالك الجميل دا، طول منا عايش
ابتسمت وبصيتله
_كوثر نادي على أحمد بيه
كانت ماشيه وانا اتخيل هي تمشي وانا اتخيل لو برسمه مش هعمل كده، بعد شويه لقيته جه، هو دا؟ احلفه كده، سبحان الله ربنا مش بيدي كل حاجه، بس يخربيت جمال الله وكيل مش إليك حل
قعد وحط رجل على رجل
_هي دي العروسه؟
=..
أحببته رغم عقله💙
مريم سمير💙
تابعوني هنا المجد للقصص والحكايات
البارت الثاني____ والثالث
( احببته رغم عقله )
_هي دي العروسه؟
=ايوه يبني
_حلوه جامد
=طب انا هسيبكم مع بعض خمسه كده
_متجيش
=إيه!!
_لا ولا حاجه
عماد بيه مشي وانا فضلت قاعده ساكته، طب اتكلم مع دا ازاي دا !!
_هتخلصي تتكلمي ولا اي، عندي إيجار كوره كمان نص ساعه
=كوره!!
_اه كوره
=اه، مريم اسمي مريم و..
_وبطل اوي الصراحه
=بطل! فيه حد لسه بيقول بطل!! يلا اهي مراهقه متاخره، انت عندك كام سنه؟
_17، اول واحد هتجوز في صحابي
اتكلمت بهمس= مهو المفروض متتجوزش في سنك دا اصلا
_بتقولي حاجه؟
=لا ولا حاجه
_وأنتي عندك كام؟
ضحكت ومعرفتش ارد اقوله 23؟
_طب انا لازم امشي بقى، سلام
=مع السلامه، متتأخرش
_لا مهو مش تحكمات منك ومن الحاج، قولت سلام قولي سلام وبس
=سلام يا.. انت اسمك اي؟
_احمد
ايدا حمش؟ هو فعلا مخ واحد معداش سن الرشد، اتعامل معاه ازاي دا، والأهم من كده اعامله ك واحد عنده 17 ولا 27 بحلاوه أمه الي مشوفتهاش على حد دي!! و.. رايح يعلب كوره!! ايدا احنا جوازنا كمان كام يوم! ولا يبني يحبيبي انت مشيت اصلا؟ طب في رعايه الله
_ها يبنتي؟
=خضتني والله اتخضيت، انتوا جايين تجوزونا ولا تموتونا؟
_معلش بقى الحماس واخدني شويه
=ايوه واخدك بعيد يحاج، ممكن توديني للدكتور بتاعه، أو استنى ثواني ممكن عنوانه؟
_طب ماجي معاكي؟
=ماجي دي تبقي خالتي
_اي؟
=بقول يعني اني عاوزه اسأله كام سؤال كده على الماشي
_طب العربيه هتوصلك، اقعدي لغايه مكتبلك العنوان
=تمم
مشي والشغاله جت
_القهوه يهانم
=هو في اي بقى يجدعان متخضونيش انا على تكه وربنا
_معلش يهانم، اتفضلي القهوه
=شكرا تسلم ايدك
خدت منه العنوان والعربيه وصلتني ومشيت وقفت قدام العياده مش عارفه هبدأ الكلام منين او هقول اي حتى!
طلعت العياده واستنيت دوري
_اهلا يدكتور
=اهلا اتفضلي، اقعدي
_لا انا مش عيانه، انا جايه في استفسار
=عن أي بالظبط؟
_عن حاله احمد عماد
=دي أصعب حاله عندي
_ربنا يطمنك
=انتي مين بقى؟
_المفروض ابقى مراته
=اه انتي!! كويس انك جيتي
_مهو انا جايه عشان اعرف اتعامل ازاي طيب؟ كشخص بالغ عنده 27 سنه ولا مراهق عنده 17!! طب لو اتعملت كأنه مراهق دا هيأثر عليه ويخليه كده على طول؟ منا مش فاهمه حاجه والله
=طب ممكن تقعدي
_هو انا لسه مقعدش؟ ايدا بجد، احمم قعدت
=بصي احمد عمل حادثه اتصابت فيه خلايا المخ ورجع بيه ل عشر سنين قدام، العلاج بتاعي بيجيب استجابه بس بطيئه جدا عشان هو بيرفض العلاج كتير، محتاج حد معاه عشان يعدي الي هو فيه دا
_فهمت، طب العلاج دا في بيته مش كده؟
=ايوه
_طب والمواعيد؟
=مره بالليل
_شكرا يدكتور مش عارفه اقولك اي
=انا الي بشكرك، انتي بجد انسانه، محدش وافق يعمل كده، انتي بتضحي عشان غيرك، هتلاقي الخير دايما عشان قلبك
ابتسمت ومشيت روحت البيت، كان فيه راحه جوايا للموضوع، كنت مرتاحه، حاجت جوايا بتقولي لازم تعملي كده
_مريم
=نعم يماما
_باباكي عاوز يشوفك فيديو على التليفون
=ماما اوعي تقوليله على حاله أحمد
_لي رافضه انه يعرف؟
=عشان هيرفض مفيش اب هيوافق، عشان خاطري يماما اوعي تقوليله
_طيب، مش هتطلعي تكلميه؟
=طالعه
ازيك يحبيبي عامل اي
_الحمد لله يعروسه انتي اخبارك اي
=كبرتك وبقيت عروسه اهو، لا ووقعت وقعه حلوه
_يعني مرتاحه؟
=اوي يبابا، كان نفسي تبقي معايا
_سامحيني يبنتي، كان نفسي ابقي موجود معاكي في يوم زي دا بس الظروف
=مسمحاك، انت على طول معايا
_هتعيط اهي طول عمرك عيوطه زي امك
*سمير!!
_حبيبه قلبي يا ام مريم
فضلنا نضحك ونتكلم لغايه بليل، مر يومين والحاج جه قال ان كتب الكتاب يوم الخميس! بعد بكره؟ بتهزروا
_بس انا مجبتش اي حاجه لسه!!
=عندك مانع تعيشي معانا؟
ابتسمت_لا طبعا، بس لسه فيه فستان هيجي و..
=كل دا هيبقى عندك، العربيه تحت عشان توديكي الفله فيه فستان هناك يريت يعجبك
استأذنت من ماما ونزلت معاه، روحت الفله، مش عارفه لي كنت عاوزه اشوفه وكانت عيني بدور عليه
كنت قاعده ولقيت الشغاله جت
_اتفضلي
=اي دا كركديه ساقعه!!
_ايوه ، عماد بيه سأل طلبتي اي المره الي فاتت ولما عرف ان طلبك مش موجود جبهولك
ابتسمت=شكرا
_مريم يبنتي
=ايوه يحاج
_الفستان فوق في اوضه احمد الي هتبقى أوضتكم، اطلعي قسيه، كوثر تعالي وريها الاوضه فين
=حاضر يبه
طلعت معاها وشاورتلي على الاوضه، دخلت ولقيت فستان محطوط على السرير، كان جميل بالشكل!! لونه لون السما، كانت تفصيلته حلوه اوي، عيني بتطلع قلوب وهموت واصوت يجماعه، اعملكم فضيحه دلوقت طيب؟
قيسته وفضلت واقفه قدام المرايا، كنت بضحك زي الهبله، مريم الي مستحيل حد يتخيل انها تتجوز هتتجوز!!
وسط كل دا الباب فتح
_هو الشراب فين يا كوثر و.. اي دا!!!!
بصيتله وفضل متنح وواقف مكانه
_انتي حقيقه؟
=ولا خيال هاتوا الشربات قوام يعيال يلا على..
_اسكتي كده
=الاه!! انت بتقرب لي!
_بدور على الشراب
=هو هيبقى ورايا مثلا؟
_مش ممكن!!
=اه قذاره، انت قذوره كبيره انت، خطوه كمان وهرقع بالصوت
حط ايده على بوقي بسرعه و...
يتبع💙
حببته رغم عقله💙
💙البارت الثالث
حط ايده على بوقي وقرب مني اوي فجأه الباب خبط وهو بعد بسرعه
_ست هانم البيه بيقولك الفستان عجبك؟
=دا وقته يكوثر؟
_في اي يبيه انا جيت في وقت ميصحش؟
=انتي اختياراتك في الأوقات زي حظي اوعي يكوثر من وشي اوعي
ضحكت وهو خرج بس قبل ميخرج وقف على باب الاوضه
_على فكره الفستان حلو جامد اختاريه
مشي وانا واقفه، هو اي الي بيحصل!! طب اتعامل ازاي وشكله حلوه اوي كده، طب ينفع نتعامل بالشكل ونسيبنا من العقل طيب؟
_ست هانم
=ها
_البيه بيسألك الفستان عجبك؟
=اه اه جميل، هغير ونازله
_تمم يهانم بعد اذنك
=اتفضلي
خرجت وقفلت الباب وانا قدام المرايا وبفتكر الي حصل من شويه، المشهد دا بيحصل في أفلام مش في حقيقه لا، كان بدي اضربه بالقلم ب thank God كوثر جت
غيرت وخدت الفستان ونزلت تحت
_اي رايك؟
=جميل اوي، متحرمش منك
_الله يخليكي يبنتي ويسعدك، مبروك
=الله يبارك فيك
_كوثر هاتي شنطه عشان نحط فيها الفستان
=حاضر يبيه
قعدت وهو جه قعد قدامي
_ازيك؟ انتي هنا، جيتي امتى؟
=لا يشيخ والي حصل فوق و..
*اي الي حصل فوق يبنتي!!
_اه اه قصدها على الشراب، تصدقي نسيت
=مش مصدقاك لاء
ضحكت لما شوفته خايف اقول لباباه وسكتت
_أنا قايم اقعد في الجنينه
=لا متسبنيش معاه بالللله عللللليك
_بتقولي حاجه يمريم؟
=لا يحاج مستغناش
خرج وانا فضلت قاعده ولقيته بيقرب
_يبني انت بتتنفس قله ادب؟ مكانك يبني مكانك، وابعد شويه
=لسه يومين وكلمه ابعد تتلغي خلاص
_اه دا انت جامد اوي ولذوذ جدا متقولش كده تاني بقي
غمز =اي يوحش الكون متهدي
_يبني انت فاكر ان انت كده روش اي معاكسه تالته ابتدائي دي!!
=معجبتكيش ؟مع انها جايبه مع البت الي ماشي معاها
_نعم يروح خالتك؟ بص انا هخلي عقلي يترجمها انها مش بتعرف تمشي ف انت بتمشي معاها ودا عشان مكسرش وقتي
=اي دا في اي
_يبني بقى ارحم امي العيانه، بتمشي مع بنات يا أحمد، شربت بانجو ولا لسه يا أحمد!!
=انتي مكبره الموضوع اوي، عادي يعني كل صحابي بيتكلموا
سكتت قبل مجاوب وافتكرت حالته
_بس مينفعش احنا خلاص هنتجوز
=منا معتش هكلمها
_في سنه كام دي؟
=في تانيه ثانوي
_كوثر هاتي الكيسه خليني امشي
=كيسه!!
خدت الشنطه واستأذنت من الحاج ومشيت، هو اي دا هيجنني، طب هو تعبان وعارفين البت اتهبلت؟ فعلا مرحله المراهقه دي أخطر مرحله لا وهتعامل معاه كمان، بجد شابوه مريم
روحت نمت من كتر التعب، عدوا اليومين بمنتهى الهدوء مكنش فيهم شي يذكر الا ماما طول مهي راحه وجايه ترقع زغروطه!! طب عززيني طيب حسسيني انك صعبان عليا فراقي مثلا
_ماما هي القله دي مفيهاش ميا لي؟ مش قولنا ميت مره نملي القلل؟
=لا دي القله الي هكسرها وراكي لما تمشي
_جاوبيني بصراحه لقياني عند كنيسه ولا جامع ولا جوا مزبله ولا حكايتك اي معلش!!
حب الام يجماعه مهم جدا ربنا يديمه
الحاج جه وخدني انا وماما الفله في عربيته، جه خدنا من الصبح عشان ماما تشوف الفله ونقضي معاهم اليوم
_اطلعي يبنتي فضي شنطه هدومك في الدولاب
=حاضر يحاج
طلعت كنت جايبه هدوم كتير، باين ماما بتعوض انننا مجبناش حاجه فجيبالي محل هدوم!!
_انتي جيتي؟
=لا لسه
_ظريفه اوي
=منا عارفه، تسمح برا؟
_افندم!!!
=هحط هدومي جوا الدولاب
_طب متحطيها!!
=كيفي انك تطلع برا
_على الله حكايتك بقى
=احمد العوضي لو قدامك هيكهرب نفسه والله
_بذمتك منا حلو؟
=لا خالص على فكره
_دا انتي فيكي كذب الإبل
=الله يكرمك
_وربنا اقوم ادور على الشراب اقسم بالله
=احمد انت محدش يعرف يهزر معاك يا أخي!!
_ايوه كده اتعدلي
=منا اتعدلت اهو، ممكن تطلع بقى لو سمحت
_طالع اهو، مين الجامده الي جايه معاكي دي؟
=انا بنت الجامده اه
_مامتك؟ بتهزري باين انها اختك مثلا
=حاسه انك بتعاكس امي سيكا، مش عاوزه أظلمك وابقى متأكده انك بتعاكسها
_لا اتأكدي واظلميني
=برا يعم برا كده، مخلاص بقي دا انت محترم جدا
ضحك_طالع اهو
طلع وانا ابتسمت وطلعت هدومي حطيتها
_الغدا جاهز يهانم
=نازله
نزلت وكنت قاعده جمبه
_متاكل يبني؟
=طيب هاكل اهو
همست_احمد مالك مش بتاكل لي؟
قرب من وداني اوي وهمس=مش بعرف افصص السمك
ابتسمت_هعملولك انا
كنا بناكل سوا، بتهيقلي عمري مشوفت باباه مبسوط كده، وانا مكنتش عارفه مالي، بس فيه شعور مش عارفه اترجمه، بس شعور حلو!!
_المأذون جاي، اطلعوا اجهزوا يولاد
انا وهو =حاضر
طلعنا اوضتنا وقعدت على السرير
_انت هتلبس اي؟
=بابا جايب بدله
_الله طب روح البسها
=وانتي تلبسي الفستان مش كده؟
_ايوه، بس هستني لما تخلص
=طب انا داخل اغير في الاوضه دي
_خلاص ماشي، بس ممكن تيجي توريني نفسك؟
=ممكن
خرج وهو ماسك البدله وهي متغلفه، ممكن اشوفها طيب؟
عدي خمس دقايق ولقيت الباب بيتفتح، شوفته الحاجه الي مشوفتوش في حلاوتها؟ هو كان كده والله من غير مجامله، كان احلى حاجه عيني وقعت عليها، فضلت مبلمه ومبتسمه وهو قرب ووقف قدامي
_مريم
=..
_مرييمم!!
=ها ،نعم
_مش عارف اعمل الجلافطه، اقلعها؟
=لا استنى هعملهالك، شكلك حلو اوي بيها
كنت واقفه قدامه بعملها بفرق الطول الي مش كبير بينا وانا مركزه فيها وهو مركز فيا، كنت حاسه بيه، كانت نظراته طفوليه بس بتخلي الواحد يتكسف، دور وشك الناحيه التانيه كده بالله عليك
_كده يبقى خلصنا
ميل عليا وطبع بوسه على خدي، وقفت مبرقه ومش عارفه اتحرك وبصاله
_شكرا، انا نازل خلصي وتعالي
نزل وانا لسه في مكاني، يجماعه والله انا في روايه مش معقول كل موقف بينا احلى من الي قبله!! هو باسني وربنا متربي
لبست الفستان ونزلت، كان باصصلي أكنه اول مره يشوفني بيه، وانا كنت بنفس كسوفي في المره الي فاتت، طب بذمتكم دا عقل واحد 17 سنه ازاي بس!!
"بارك الله لكما وبارك عليكما وجمع بينكما في خير "
سمعت الجمله كنت فاكره انه هيبقى شعور عادي، عشان جواز صالونات وكده، بس مش عارفه كنت فرحانه لي! يمكن عشان فرحه باباه وفرحه ماما، يمكن
المأذون مشي وودعت ماما، هي اه ماما بتهزر كتير بس انا متأكده ان مفيش أغلى مني عندها
_هتيجي صح؟
=هجيلك بكره ان شاء الله، انتي بتعيطي لي؟
_عشان مش عاوزه اسيبك في البيت لوحدك
=هبقي كويسه متخافيش
كنت حضناها وانا بعيط وهي بتعيط، جه في اللحظه دي
دي احمد ووقف جمبي
_انتوا عيله عيوطه؟
ضحكت=شويه
_المفروض تفرحي انك خلصتي منها
=نعم!!
*هي اه مصيبه بس مفيش أطيب منها
_فعلا مفيش أطيب منها
ابتسمت وهو ابتسم وبصلي
ماما مشيت وانا قعدت شويه مع الحاج واحمد طلع الاوضه
_اطلعي انتي بقى يبنتي الجو ليل
=هقعد معاك شويه كمان
_لا اطلعي يلا، وانا هخش انام
=ماشي يحبيبي، تصبح على خير
_وانتي من اهله
طلعت وفتحت باب الاوضه و...
يتبع💙
مريم سمير💙
احببته رغم عقله💙
🔖 علشان يوصلك اشعار باقى الاجزاء القصه علقي ب20 ملصق
👈 ملحوظه
لن يصل الجزء الرابع الا بعد تعليق ب 20ملصق ومتابعه ليا هنا 👈المجد للقصص والحكايات
البارت الرابع
احببته رغم عقله💙
طلعت وفتحت الباب ووقفت مكاني لما لقيته بشرب ويسكي!!
_أحمممد انت بتعمل اي؟
=م مش بعمل حاجه
_طلع الي ورا ضهرك
=..
_لو سمحت طلع الي ورا ضهرك
طلع الكوبايه قدامي وانا ربعت ايدي وبصتله وهو كان حاطط وشه في الأرض
_ينفع كده؟
=صحابي هما الي..
_بردو صحابك!! صحابك ناس مش كويسه معتش تعرفهم تاني
=..
خد نفس_وبعدين الحاجات دي حرام يا أحمد، عاوز تغضب ربنا يعنيي؟
=اخر مره والله، بس متقوليش لبابا
_متخافش مش هقوله بس توعدني انك متشربش تاني، انا عارفه انها اول مره
=اوعدك
ابتسمت وخد منه الكوبايه ورميت الي فيها
_تسمح برا؟
=هو انتي كل لما تشوفي وشي تقولي كده؟
_معلش هغير هدومييي
=..
_يبني اطلع خمس دقايق وخش
=هطلع هطلع
طلع وانا فكيت الطرحه لقيته دخل تان
_أحمممد!!
=..
_مش قولتلك هغير؟
=..
_يبنييي!!
=..
_متنطق حسسني انك حي طيب
=شكلك حلو اوي بشعرك
بصيت في المرايا وبعدين بصتله
_متشكرين يسيدي
=العفو يحلوه
خد الفون بتاعه وطلع، هو شكل راجل بس تصرفات طفل، بس احلى حاجه فيه حنيته وضحكته، يمكن مشوفتش حد برئ كده وقادر يضحك عليا بنظره من عيونه بالله مينفع الي بيحصل دا
نديتله وكنت غيرت ولبست بيجامه
_حلوه دي؟
=ايوه حاجه سكره
_روح يشيخ الله يكرمك
=نعممم!!
_يسترك؟
=..
_هسكت هسكت
جه قعد جمبي على السرير وكان ماسك فونه
_جاوبني بصراحه بنخوني دلوقت ازاي؟
=بخونك اي، هو انا عارف غيرك؟
_امال ماسك فونك لي، اقفله نتكلم سوا
قفله واستربع وحط ايده الاتنين على خده، لعبت في شعره
_والله انت قمر
=وانتي كمان
_ربنا يخليك، ها؟
=ها اي؟
_اتكلم
=انتي عندك كام سنه؟
_23
=ايه؟ أكبر مني!! مش باين عليكي
ابتسمت_اكبر منك اه
=واتجوزتيني لي؟
_عشان انت انسان طيب وكويس
=مش بتحبيني يعني؟
_لا ازاي بحبك طبعا، مش انت جوزي وشويه وهتبقى صاحبي باين
=لو بقينا صحاب ف انتي هتبقي اجمل واحده صحبتها
ابتسمت_طب انا بحب صاحبي ميعرفش بنات غيري ويصاحب الكويسين مش الي ماشي معاهم دول
=والله يمريم معدت بكلم بنات وصحابي هبعد عنهم حاضر
_يبقى احنا صحاب من دلوقت
=طب اي؟
_ايه!!
=انا بحضن صحابي الجداد على فكره
_الطموح حلو
ضحك وفتح درعاته، مش عارفه لي روحت نحيته وبقيت في حضنه، حضنه دافي وجميل، يمكن دا احلى حضنه اتحضنته في حياتي
بعد عني وهو مبتسم
_تعرفي، انا كمان حبيتك
=انا اتحب اصلا
_النرجسيه وخداكي بعيد
=ربنا يكرمك يبني والله، ممكن بقى صاحبتك تطلب منك طلب؟
_اي طلب
قومت من مكاني ورجعته تان
_ممكن تاخد العلاج دا
=طعمه وحش يمريم ومر اوي
_عشان خاطري انا، وهجيب عصير نشربه بعدها، اجيبلك مانجا؟
=اشطا مدام مانجا فماشيي
خد العلاج وجبت العصير وفضلنا نتكلم، نتكلم كتير اوي، كنت كل لما اتكلم بتلقائيه يضحك، ضحكته يجماعه اقسم بالله ألطف مفيه
نمنا من غير منحس، صحيت الصبح لقيته جمبي، يمكن من اكتر الحاجات الي كان نفسي فيها انه يبقى لطيف، ازاي أساعده يتعالج من حاجه جميله كده!!
خرجت من الاوضه ونزلت تحت
_كوثر
=نعم يهانم، الفطار هيجهز حالا
_لا لا، عوزاكي تاخدي اجازه النهارده، وخدي دول خليهم معاكي
=ربنا يخليكي يست هانم
_قولي مريم احنا قريبين في السن
=حاضر يمريم، شكرا اوي
_العفو
مشيت وانا دخلت المطبخ وعملت فطار، وربي يبخت بيا يبنيي
طلعت وانا ماسكه الصنيه
_الاستاذ الي لسه مصحاش
=صحيت اهو، هو انا هشوف القمر دا كل يوم على الصبح كده؟
_لا بتتطور المعاكسه عجبتني
ضحكنا وفطرنا سوا
_هو دا اكل كوثر؟
=لا، أكليي
_تسلم ايدك
=الله يسلمك
_مترديش تاني بقى
معروف عني اني مش بحب اتكلم كتير بس معاه ما شاء الله لكاكه، عرفت عنه كل حاجه، حتى أسراره، على طول بيقولي اني اكتر واحده بيستريح معاها في الكلام، بيتكلم معايا من غير خوف، من غير تظبيط في الكلام، بيتكلم على طول وبس، منكرش انه اول حد دخل قلبي الي كنت قافله عليه بقفل وحالفه ميفتح الا للي يحبه ويطمنله، واتفتح لأحمد، مهما كانت حالته بس انا حبيته
_راحه فين؟
=مش هقولك
_مريم انا لو سألتك تاني هتقوليلي عادي
=اي دا في اي
_راحه فين يمريوم؟
=راحه للدكتور
_هاجي معاكي
=كان على عيني
_يبقى هطلع البس وأجيلك
خد مني صفات كتير، زي الحاجه وعكسها والتطنيش ل اي حاجت تضايقه، وبعد عن صحابه، بقيت انا كل صحابه ودي حاجه مفرحاني أوي عشان انا مش هأذيه وعمري مهضره
_أنا جاهز
=حلو اوي الطقم دا
_منا لبسته عشان بتحبيه
ابتسمت=يبقى نمشي عشان اتثبت
سوقت العربيه وروحت للدكتور
_ممكن تستناني هنا؟
=هدخل معاكي
_أنا جبتك معايا عشان متزعلش، اقعد استناني عشان مزعلش، وهعزمك على مانجا
=انا اصلا بحب استنى برا
ضحكت ودخلت للدكتور
_اهلا يدكتور، هو أحمد حالته مش بتتحسن لي؟ مع اني بديله العلاج في مواعيده، بقالي شهرين بس مفيش اي تحسن!!
=للأسف يا مريم
_للأسف اي!!
=احمد لازم يعمل عمليه في المخ، العلاج مش هيجيب معاه اي استجابه
_أيههه!!!!
يتبع💙
احببته رغم عقله💙
مريم سمير 💙
علشان يوصلك اشعار باقى الاجزاء ✍️ علق ب 20 ملصق
👈 ملحوظه
لن يصل الجزء 5 الا بعد تعليق ب 20ملصق ومتابعه لصفحتي من هنا 👈 ماجد فادي فضلا وليس أمرا
البارت الخامس...... قبل الأخيرة
=احمد لازم يعمل عمليه في المخ، العلاج مش هيجيب معاه اي استجابه
_أيههه!!!!
=انا اسف
_انت قولت انه هيتحسن بالعلاج
=المخ مفهوش استجابه للعلاج لازم عمليه، يا اما هيفضل كده على طول، هاخد منك الرد خلال الأسبوع دا
_بعد اذنك
خرجت وانا دموعي في عيني، اول مشوفته مسكت ايده ومشيت
_مريم
=نعم
_مش هتجيبي المانجا؟
بزعيق=لا وبطل شغل عيال بقى
شد ايده من ايدي وخطوته بقت سريعه عني وركب العربيه، ركبت وهو كان ساكت على عكس طبيعته، كنت بعيط وبمسح في دموعي بسرعه
لقيته بيسحب منديل وحطه قدامي وهو لسه باصص قدامه ومش بيتكلم، مسكت المنديل ومسحت عيوني ووصلنا البيت وهو طلع قبلي
_حاج
=كنتي فين يبنتي؟
_ك كنت عند الدكتور
=وقالك اي؟
_قالي انه.. انه
=فيه اي يمريم؟
_ان احمد لازم يعمل عمليه في المخ
=إيه!!
حاولت ابقى قويه ومدمعتش_متخافش دي عمليه بسيطه خالص نسبه النجاح فيها مؤكد واحمد هيرجع بعدها طبيعي
ابتسم=بجد؟
_ايوه بجد، هروح اعمل عصير لأحمد بعد ازنك
=اتفضلي يبنتي
كان فرحان اوي وانا هموت واعيط، وكاتمه العياط جوايا، دخلت عملت عصير مانجا وطلعت
اول مشافني لف وشه الناحيه التانيه
_مش عاوز تشرب مانجا؟
=..
_متزعلش مني، دا انا حتى بحبك
=..
لقيت نفسي بعيط من غير محس_ انت زعلان مني؟ متزعلش انا اخر حاجه اقصدها اني ازعلك او ازعقلك والله
لف وشه وجسمه بسرعه، ووقف قدامي وخد مني الصنيه حطها على الكوميدينو
_معتش تعيطي، معتش زعلان
=..
_خلاص يمريم والله، انا اسف معتيش تعيطي
حضنته وفضل يطبطب عليا، لسه حضنه الحاجه الي بتواسيني وبتطمني
بعدت عنه بالتدريج
_مش هتشرب العصير؟
=ازاي وانتيي الي عملاه، بس معتيش تعيطي، اضحكي ضحكت حلوه على فكره
ابتسمت _مش احلى من ضحكتك
مسح دموعي =كده بقيتي جميله اوي، معتيش تعيطي انا جمبك اهو قوليلي على طول الي مزعلك وانا هبقي على طول معاكي
_على طول؟
=على طول
شرب العصير وقعد على السرير
_هعمل غدا
=اجي اساعدك؟
_انت حرقتلي الفراخ المره الي فاتت
=مش انتوا طالبنها مشويه؟
_يجدع
=هنزل معاكي اساعدك
_تعالي يلا
مش عاوزه يجرالك حاجه في العمليه دي، مش هستحمل والله مستحمل، للدرجاديي حبيتك! يمكن انت فعلا تتحب، طب فيها أي تفضل كده؟ بس مينفعش ابقى انانيه باباه عاوزه كويس وزي ما كان، مع ان مفيش احسن منه دلوقت والله، يرب تعدي العمليه على خير
_خلصنا؟
=خلصنا، هطلع الاكل لباباك وانت طلع الصنيه اوضتنا
_حاضر
طلعت الاكل للحاج وروحت اوضتنا
_حلوه؟
=اه يا أحمد تسلم ايدك السلطه تجنن فعلا
_والله لو أتعرض عليا لجنه تحكيم توب شيف ميلزمني
=كنت عارفه ان الغرور هياخدك، والله كنت عارفه
خلصنا اكل ونزلت الأطباق وطلعت اقعد معاه
_مريمم
=ها
_تعرفي، انتي أقرب حد ليا، عمرك مطلبتي مني حاجه، على طول بتعملي الي يريحني، عوزانيي بضحك على طول، بقيت اتكلم معاكي من غير مفكر في الكلام، بقيت بحب اشوفك، وقلبي يوجعني لما تعيطي، عاوزك فرحانه وبتضحكي دايما، عاوزك على طول قدامي، عاوزك على طول تحضنيني وتحسسيني اني مهم عندك، اول مره اكون مهم عند حد من صحابي، بقيتي انتي كل صحابي وعارف اني بعدت عن التانيين ودا لمصلحتي، عاوزك على طول تلعبي معايا وتجبيلي مانجا، عاوزك تتكلمي معايا على طول، عاوزك على طول صاحبتي الي مليش غيرها، عشان كده انا بحبك، بحبك اكتر حد في الدنيا
=انا كمان بحبك اويي وعوزاك جمبي على طول
_دا انتي عيوطه يبه
=الاه!!
كل يوم كان بيعدي ومش عارفه هقوله امتى على العمليه، كلمت الدكتور
_ايوه يدكتور، احنا موافقين على عمليه أحمممد
=كويس انك رديتي بسرعه، طب العمليه هتبقى يوم الخميس الجاي
_بعد بكره!!
=ايوه فيه مشكله؟
_لا، لا لا مفيش مشكله
=ان شاء الله العمليه تنجح
_يرب
قفلت معاه يعني معتش ورايا غير بكره ولازم اقول ل أحمد!!
_مريم
=جايه جايه اهو
دخلت الاوضه وقعدت جمبه
_مالك؟
=عاوزه اقولك على حاجه
_قوليلي على حاجه
=انت واثق فيا صح؟
_اكيد واثق فيكي
=طب ممكن تعمل عمليه بعد بكره
_عمليه!!
=عمليه صغيره عشان تبقى كويس
_كويس!! هو انا مش كويس؟
=لا كويس، بس عارف العلاج الي بتاخده المر دا
_ايوه عارفه اه
=بعد العمليه الصغيره دا مش هتاخده تاني ابدا
_بجد والله؟
=اه والله
_يبقى اعملها، مش انتي هتبقي معايا؟
=ايوه هكون معاك
_يبقى انا مش خايف
فضلنا نتكلم، بقى كلامي ليه جزء مهم في يومي وهو بقى الجزء الأهم في حياتي، يمكن ربنا عمل كده من الاول عشان عارف اني هحبه في الاخر
عدي اليوم الي بعده عاديي وجه يوم العمليه
_يلا بينا؟
=هلبس الكوتش ثانيه واحده
لبس وخلص ونزلنا
_احنا ماشيين يحاج
=مش عوزاني اجي معاكي لي يبنتي؟
_دي عمليه بسيطه مش محتاجه يعني وهتابع معاك في التليفون وان شاء الله نرجع وهو كويس
=ربنا يطمننا
ابتسمت وركبنا العربيه وروحنا المستشفى، لبس هدوم العمليات وقعد في الاوضه شويه عما الدكتور يجي
فضل باصصلي وكان خايف، مسكت ايده وبصيتله وابتسمت
_متخافش انا معاك اهو، مش انت بتقولي دايما متخافيش يمريم وانا معاكي؟ احنا مع بعض يبقى منخافش من ايي حاجه
ابتسم وجمد ايده على أيدي وحضني وهو قاعد وانا قاعده جمبه، اتمنى يفضل حضنه بالبراءه دي، اتمنى مفيش حاجه تتغير في أحمد إلى حبيته
_الدكتور وصل، ممكن المريض يقعد على التروليي
=يلا يا أحمد اقعد عليها
قعد ومشيت معاه لغايه موصلنا لباب غرفه العمليات
_مينفعش تدخلي، لازم تستنى برا
=حاضر
دخل وساعتها سمحت لعياطي انه ينزل، كنت واقفه قدام الاوضه وايدي مكان لمسته بيترعش
كنت بقرأ قرآن وادعيله كتير اوي
مر ساعتين والدكتور طلع
_دكتور طمني عشان خاطري ها؟
=الف مبروك العمليه نجحت
بضحك ممزوج بالعياط_نجحت، نجحت هو بقى كويس؟
طلع في اللحظه دي وهو نايم والممرضه وخداه على الاوضه
_هو كويس صح؟
=ايوه الحمد لله الحاله مستقره والمخ استجاب هو هيفوق في خلال ساعه بالكتير
_شكرا يا دكتور بجد
=مكنش هيوصل لكده من غيرك، العمليه كانت صعبه اويي نسبه نجاحها كان ضعيف ومكنتش عاوز اقولك عشان متقلقيش بس بفضل ربنا ثم دعواتك ووقفتك جمبه العملي
نجحت
ابتسمت _الحمد لله
=لو عوزتي اي حاجه انا في مكتبي
_شكرا يدكتور
بقى كويس! الحمد لله انه محصلوش حاجه، كل الأفكار الوحشه كانت ف دماغي في الساعتين دول، الحمد لله انه كويس والله
دخلت الاوضه وهو نايم وقعدت على الكرسي جمبه، كان فيه شاش ملفوف على دماغه رافع شعره كان شكله في منتهى اللطف، فضلت قاعده جمبه لغايه مفتح عيونه
ابتسمت _حمدالله على السلامه يا استاذ
=انتي، انتي مين؟
_ايهه!!
البارت الجاي هيبقى الاخير ان شاء الله، بحبكم حقيقي💙
احببته رغم عقله💙
مريم سمير 💙
🔖 علشان يوصلك اشعار باقى الاجزاء القصه علقي ب20 ملصق
👈 ملحوظه
لن يصل الجزء الرابع الا بعد تعليق ب 20ملصق فضلا وليس أمرا كامله هنا 👇
البارت االأخير
=ايه!!
مسكت التليفون الي كان في الاوضه وكلمت الدكتور، الدكتور جه
_فيه حاجه يمريم؟
=دا مش فاكرني!!
_فقد بسيط في الذاكره هيبقى كويس خلال الساعاتت الجايه
=طب وممكن يخرج؟
_..
=متخافش هخلي بالي منه كويس
_وانا واثق في دا، هكتبله خروج، بس بعد ساعه يرتاح بس شويه
=تمم شكرا اويي يدكتور مش عارفه اقولك اي
خرج وقعدت قدامه
_أنا مريم، مراتك، حمدالله على السلامه
=الله يسلمك
مسك دماغه=اه دماغي بتوجعني اويي
_هتبقى كويس ان شاء الله، عملت عمليه صغيره ودا تأثيرها
=اه تمم
فضل ساكت، مبيتكلمش نظره عيونه اختلفت معتتش طفوليه بقت حاده، كان قاعد هادي مش المشاغب الي بحب اتكلم معاه، كان مختلف! مكنش احمد!!
خرجنا بعدها بساعتين وروحنا البيت، اول مشاف باباه جري عليه وحضنه باباه كان بيدمع وكان فرحان اوي كنت مبتسمه وفرحانه انهم فرحانين، دي أهم حاجه
_حمدالله على السلامه يبني
=الله يسلمك يبابا
_اطلع ارتاح بقى شويه
=حاضر
طلع وانا قعدت مع باباه
_شكرا، شكرا على كل حاجه عملتيها
=معملتش حاجه، دا جوزيي ولازم أقف جمبه
_شكرا انك واقفتي من الاول، انتي بنت حلال قلبك ابيض طيبه وبنت أصول وتستاهلي كل خير
بوست ايده=ربنا يخليك ليا
_ويخليكي لينا
=هعمل عصير لأحمد واطلع اقعد معاه شويه
_ماشي يبنتي
عملت مانجا طلعت
_أحمد أحمد
=اي دا مش المفروض تخبطيي؟
_أ أسفه، انا كنت عاوزه أديك مانجا
=مانجا؟
_ايوه الي بتحبها يبني!!
=بس انا مطلبتش مانجا، ولا انا ابنك، انا جوزك بتهيقليي
_اه، جوزي اه، طب هسيبك تستريح، بعد اذنك
خرجت وبصيت على كوبايه المانجا، هو مش هيشدها مني؟ مش هيقولي تسلم ايدك يحلوه؟ مش هقوله اطلع برا كل لما اشوفه؟ هزيت دماغي
_اكيد دا بس شويه تعب وهيرجع زيي الأول، اكيد
نزلت قعدت مع باباه وحكيتله على الي حصل في العمليه، لقيت احمد جاي، قمت مسكت ايده، سحب ايده بالراحه
_شكرا، انا كويس
ابتسمت وهزيت راسي وقعد مكاني وهو قعد قدامي
_بابا انا عاوز ارجع الشغل
=طب لما ترتاح يبني
_أنا كويس والله يبابا، لازم بقى ارجع لشغلي وحياتيي
=الي تشوفه، الشركه مستنياك
_متحرمش منك ابدا، مريم عاوزك
طلع وانا فضلت قاعده، هو قال مريم عاوزك!! هيرجع احمد صح؟ قولوا صح كده
طلعت وكان قاعد على السرير، قعدت جمبه وهو بصلي واتعدل
_عاوز أسألك سؤال
=اسألي سؤال
_هو اي الي حصل؟ كنت عامل ازاي؟ الحادثه حصلت ازاي؟ كان مالي الفتره دي!!
=عملت حادثه رجعت عشر سنين في العقل، بس كشكل فضلت زي منتا، كنت احسن واحد قبلته في حياتيي، كنت طفل حلو اويي وحنين وطيب اويي اويي، بيحب المانجا وبيحب مريم، كنا صحاب جامد، كنت لما اضايق او تشوفني زعلانه تفتح درعاتك عشان ابقى في اكتر حضن دافي بالنسبالي، كانت نظراتك بريئه، كنت تستنى اي وقت وتقولي يحلوه، كنت بتحكيلي كل حاجه تحصل معاك، وتحكيلي كل اسرارك، تحكيلي اي حاجه عملتها وكانت انجاز بالنسبالك انك مثلا فتحت برطمان المربى من اول مره كنت بشوف اي حاجه بتعمليها عظيمه، كنت انا كل صحابك، كنت بتمسح عياطيي، بتساعدني في المطبخ، كنت صاحبيي الوحيد، بتنصحني بحاجات انا متأكده انها صح عشان طالعه منك انت، كنت بستنى نتكلم كل ليله في اي حاجه، في كل حاجه المهم نتكلم، مكناش بنسكت الا لما كان في حد فينا ينام، كنت اجمل حد شفته عيني لما كنت بتضحك، كنت جميل اويي، عقلك مكنش فارق معايا بحاجه، كنت عوزاك على طول بقلبك الي ميعرفش حاجه وحشه، قلبك الي ساع مريم وحبها اويي، كنت كل لما اشوفك اضحكك كنت بستنى انك تصحى عشان تقولي جملتك الي طول الشهرين بتقولهوملي"هو انا هصحي على القمر دا كل يوم الصبح؟ "، متقلقش انت كنت كويس اويي وكانوا احلى شهرين عشتم في حياتي والله
_انتي بتعيطي لي؟
=مفيش، مفيش نام عشان ترتاح، هنزل اعمل حاجه
طلعت من الاوضه، ودخلت الاوضه الي قدامها وعيطت، مش عارفه ماليي، هو انا غلطانه اني وافقت على العمليه ديي!!
دخلت بعدها بشويه الاوضه لقيته نام، نمت جمبه وقولت هنسي كد حاجه واتمنيت يرجع زي مكان، احمد الوحيد الي حبيته
صحيت الصبح لقيته صاحيي قبلي
_انت صحيت؟ غيبوبه بتصحي بعدي دايما وصحيت قبلي هل يعقل!!
=عنديي شغل
_دلوقت يا أحمد دلوقت!
=ايوهه
_طب ارتاح شويه عشان دماغك
=انا فل
_دايما، هعملك الففطار
=لا، هفطر في الشركه
_انت مش بتاكل غير من ايدي
خد نفس بملل=مريم انا معتش صغير، انا خفيت لازم تتأقلمي بقى، انا عنديي27 سنه مش 17 لازم تفهمي دا، صباح الخير
=..
_طيب انا ماشيي، مع السلامه
=خلي بالك من نفسك
_حاضر
انا عنديي 27 مش 17!! عنده حقق لازم افرق، لازم افهم ان خلاص بقى بالغ ومعتمد على نفسه، احمد وحشني اوي حقيقي وحشني، الشخص دا مين انا معرفوش! الشكل لسه زي مهو بس مش عارفه لي اتغير، لازم أتأقلم زي مقال
لقيت فوني بيرن فيديو كول
_بابا!! وحشتني اويي يبابا
=وانتي كمان يحبيبتي، عامله اي طمنيني عليكي
_الحمد لله كويسه، انت عامل اي؟
=الحمد لله، فيه مفاجأه حلوه أويي
_اي هي
=انا نازل مصر بعد تلت ايام
_بجد، بجد يبابا هتيجي
=اعقلي يبنت الهبله بقى
ضحكت_ اصلك وحشتني اويي ونفسي اشوفك
=هاجي ومعتش همشي، هفضل معاكم وهعوضكم ان شاء الله
_مفيش عوض احسن من انك تيجي
=ربنا يسعدك يبنتي
_ويخليك لينا
=امال فين جوزكك؟
_احمد، احمد في الشغل، استنى يبابا لازم تكلم شخص مهم جدا بالنسباليي
نزلت تحت وخليته يكلم ابو احمد
_دا بابا، بابا دا حمايا ابو احمد
=انت باباها؟ حقيقي عرفت تربى، بنت أطيب بنت شوفتها في حياتي، ربنا يباركلك فيها
_ربنا يخليك يحاج، المهم انها هاديه ومش عامله مشاكل
=مين دي الي هاديه!! بنتك مش هاديه بنتك عامله روح للبيت
_ربنا يكرم اصلك
فضلوا يتكلموا، كنت مبسوطه اويي، كنت مبسوطه انه هيرجع وهشوفه بعد غياب 4 سنين مش بشوفه الا على شاشه، قلبي بيرقص جوايا وانا سامعه نبضه
خلصوا المكالمه وقعدت مع الحاج
_احمد اتأخر لي؟
=لا اتأخر ولا حاجه، هو في الطريق جاي، اتصل بيا قالي
_هو الي بيسوق؟
=لا السواق متخافيش
ضحك =دا احنا حبينا بقى
اتكسفت ومردتش، ولقيته داخل
_انت كويس؟
=انا كويس، طالع استريح شويه
_ايوه اطلع
طلع وانا دخلت المطبخ عملت الغدا، باباه كل وبعدين طلعتله ب اكلي واكله
_احمد، الغدا
=انتي مكلتيش؟
_كنت مستنياك
=مستنياني للساعه 4!!
_اه عاديي، اقعد كل
كلنا وشيلت الاكل نزلته وطلعت تانيي، لقيته ماسك اللاب توب
_أنا فيه حاجه يا أحمد حصلت لازم تعرفها
=بعدين يمريم بعدين
_بعدين اي؟ انا عاوزه اتكلم معاكك
=يووه يمريم، قولتلك بعدين انا مش فاضي دلوقت فيه شغل مهم في ايديي
_..
سكتت ودمعت وقعدت قدامه كان نفسي اتكلم او هو حتى يقولي مالك عشان اطلع الكلام الي جوايا
_مريم، مكنش قصدي ازعقلك، انا اسف
عيطت=انا الي اسفه والله، انا الي غلطت لما وافقت على العمليه ديي، انا الي استاهل الي يجرالي، بس مكنش ينفع اكون انانيه، مكنش ينفع امنع فرحه باباك، انا جايه هنا عشان اخليك ترجع كويس!! انت مبقتش كويس يا أحمد، يمكن اكبر غلطه عملتها في حياتي اني كنت السبب اني مشوفش ضحكتك تاني، انا عمريي محبيت غيرك، عمريي متكلمت مع حد غيرك، كل حاجه واول حاجه كانت معاك، انا بابا جايي من السفر بعد تلت ايام، هروح اقعد مع ماما اليومين دول عما يجي ممكن؟
=مريم انا بس..
_ممكن اروح؟
=ممكن، بس ممكن تسمعيني بقى
_..
=اتفضليي
_اي دا؟
=بابا كاتب نص الشركه ب اسمك، ودا ورق الملكيه
_مش عاوزه
=الاه امال عاوزه اي؟
_عوزاك انت، عاوزه احمد بتاع زمان، عاوزه.. احمد انا هلم هدومي عشان متأخرش
لميت هدومي في شنطه ونزلت تحت
_ازيك دلوقت؟
=الحمد لله يبنتي، اي الشنطه ديي!!
_راحه اقعد مع ماما يومين، بابا جايي بعد تلت ايام عاوزه اقعد معاهم شويه
=من حقكك يبنتي، ثواني هقول للسواق يوصلك
_انت لي عملت كده؟
=عملت اي!!
_لي كتبت نص الشركه ب اسمي؟
=بتهيقلي دي أقل حاجه ممكن تبقى من حقك
_أنا مش عاوزه حاجه كفايه عليا انتوا
=عارف انك مش عاوزه، انتي عينك مليانه بس انا عملت الي يريحني، هنديلك السواق عشان متتاخريش
بوست ايده ومشيت، ركبت العربيه روحت البيت كنت بعيط بس وقفت عياط، ماما لو شافتني كده قلبها هيوجعها مينفعش اعمل كده، مسحت دموعي ونزلت من العربيه وخبطت على الباب
_اهلا انا جيتتتت كله يضرب تعظيم سلام
خدتني في حضنها على طول من غير متتكلم، دمعت ومسحت دموعي بسرعه
_وحشتيني اويي ووحشني حضنك
=وانتي كمان وحشتينيي اوي، تعالي ادخلي
دخلت وحطيت الشنطه قدامي وقفلت الباب
_متبصيش كتير متطلقتش جايه اقعد معاكي يومين
=اتحسرت ليكون طلقك ومستحملش هبلك
_لا متخافيش، هو اكتر حد مستحملنيي
=ربنا يسعدك يبنتي، باباكي..
_جاي بعد 3ايام قاليي يجامده
=شوف الراجل
ضحكت_جوزك يست
اتعشينا مع بعض
_تصبحي على خير
=وانتي من اهله يماما
دخلت اوضتي وقعدت على السرير، بس المختلف ني ملقتوش جمبي، ملقتوش قاعد مربع رجله وحاطط ايده الي خده عشان يسمعني، أو زعلان مني اصالحه، أو اجبله المانجا
نمت بعد التفكير فيه
عدوا اليومين عادي مكنش فيهم اي حاجه، كنت فرحانه اويي ان انا مع ماما، وأن بابا هيجي ومش هتبقي لوحدها تان
الباب خبط على العصر كده، فتحت الباب
_ب بابا
حضنته مكنتش عاوزه اخرج من حضنته ابدا، عاوزه اخد حق 4 سنين بعد
=هو انا مش هحضنه مثلا؟
_ماما عيب
=عيب اي دا جوزي يبنتي !!
بابا خدنا احنا الأتنين في حضنه
_ايوه افضلوا عيطوا بقى، مهي جينات
=عندك مانع يسمير؟
_عيطي يحبيبتي عيطي
فضلنا قاعدين احنا التلاته سوا، بابا فضل يحكلنا الي حصل معاه هناك، وماما كل شويه تمسكه عشان تتأكد انه جمبها فعلا، انا يمكن احلى حاجه حصلتلي انهم بيحبوا بعض أويي من ساعه متجوز ا وأهم حاجه فيهم انهم بيحترموا بعض، مفيش حاجه خلت الحزن في قلب ماما قد فراق بابا، الحمد لله انه لم الشمل
_مريم انتي كنتي بايته هنا؟
=ايوه يبابا جيت اقضي مع ماما يومين لغايه متيجي، مستأذنه من جوزيي متقلقش
_ربنا يفرحك معاه يحبيبتي
قضيت معاهم اليوم كله لغايه مجه بليل، لقيت الباب بيخبط اي هيجيب حد دلوقت!!
فتحت لقيته ابو احمد
_اهلا اهلا، اتفضل يحاج
دخل وجيت اقفل الباب قالي سبيه، رفعت حاجبي وقعدت جنبه ونديت ماما وبابا
_اهلا اهلا يحاج
=اهلا بيك، حمدالله على السلامه
_الله يسلمك
=كده تسيبينا كل دا؟ اصل بنتكم بقت حته مننا خلاص
_والله انا فرحان ان ربنا رزقها بعيله تانيه زيكم
=الله يخليك، تعالي يا استاذ اطلع هتفضل برا؟
بصيت ناحيه الباب لقيته جاي ومعاه ورد، كانت وحشاني شوفته اوي، ممكن احضنه ولا ابويا هيقول معرفتش اربي؟
_السلام عليكم
=ازيك يبني اتفضل
_ازيك يعمي
=اقعد جمب مراتك هنا
ابويا حكيم جدا والله، ايدا انا مش طيقاه يجماعه !!
قعد جمبي وبصالي
_بعد اذنكم، هدخل اوضتي شويه
قومت بسرعه ودخلت الاوضه، الباب خبط
_ممكن ادخل؟
=اتفضل
دخل وانا عطياله ضهري
_وحشتيني
=..
_بابا قالي كل حاجه، انتي انسانه عظيمه يمريم، واحده غيرك مكنتش وافقت، كل واحده بيكون ليها مواصفات خاصه ليها، مواصفاتي وقتها مكنتش تعجب حد، بس عجبتك، انا افتكرت، افتكرت ضحكتك، عياطك كلامك ليا، كلمه بحبك وحضني ليكي، افتكرت وقفتك جمبي ونصايحك، خوفك عليا اني اتخدش، كلامنا الي مبيخلصش وقت النوم، افتكرت اني قد اي انا بحبكك وقد ايي ابقى غبي لو بعدت عنك، أو اني ازعلك تاني، انتي تتشالي في القلب قبل العين والله، ممكن ترجعي معايا، انا وحشني عصير المانجا على فكره
=..
_هخليكي تعامليني زي الاول انا اصلا عيل
=..
_مش هاكل غير اكلك والله
=..
_لسه زعلانه مش انتي قولتيلي اننا اعز أصحاب؟ حد بيزعل من صاحبه!!
=..
_مش هتردي عليا بردو؟
لفيت وشي و ربعت ايدي وبصتله
_انتي كده زعلانه يعني؟
=زعلانه جدا على فكره
_طب مفيش ورد
=طب هاته يحبيبي بالزوق
_ايدا في اي
=حلو جامد
_زيك يعني؟
=هو انت بتقرب لي؟
_بدور على الشراب
=هو هيبقى ورايا مثلا
_مش ممكن؟
ضحكنا احنا الاتنين
_بحبك يمريم
=وانا كمان بحبك أويي والله
"احيانا نحتاج لبعض اللطف لنحيا بهم من شخص مهما كانت عيوبه" 💙
مريم سمير💙
احببته رغم عقله💙
تابعوني ليصلكم القصه الجديده اكثر تشويق تابوعوني هنا 👇👈 ماجد فادي