القائمة الرئيسية

الصفحات

أخبار

رواية الأم الحياة الكاتبه اسماء ندا الفصل الثامن و العشرون

 

حصرين ع موقع المجد للقصص والحكايات الكاتبه اسماء ندا   رواية الأم الحياة   الفصل ٢٨

حصرين ع موقع المجد للقصص والحكايات الكاتبه اسماء ندا 

رواية الأم الحياة 

الفصل ٢٨

بيرن / من هى قالت 


ماجى / الانسه سليا مستر 


بيرن / اى ورق طلبت 


ماجى / هذا الورق مستر 


بيرن / هاتى الورق وانا ادخل بيه 


دق بيرن على باب مكتب سليا وعندما سمع صوتها يأذن بالدخول فتح الباب ورأها تجلس على المكتب تتابع الكمبيوتر 


بيرن / لا اعلم كيف فايد استطاع الابتعاد عنك هكذا 


سليا / اوه مستر بيرن ياليته يستطيع ان يتحدث مثلك ولكن اممم هو النصيب 


بيرن / الحب عزيزتى لا يعترف بالنصيب يمكننا ان نعيد الاختياى 


سليا / هذا ان كنت اخترت من الاساس اوه لا تؤلم قلبى بذكريات 


بيرن / لما الم تختارى حب فايد 


سليا بضحكه مصطنعه / حب ومن قال انى احبه عزيزى فايد خيارنى ان يعالج امى واوافق على الخطوبه او يطردنى من العمل لديه ولن يجعل احد يجعلنى اعمل لديه لهذا وافقتوعلى الخطوبه لا يوجد هناك حب 


بيرن / اممممممم اذا من الممكن ان يكون لى امل بالحصول على اهتمامك 


سليا / لا اعلم انت شخصية وسيمه كلماتك تعجبنى ولكن اممممم من يدرى 


بيرن / سوف نرى امممم ها اخبرينى سوف تحضر ى اكيد الاحتفال بالسفاره 


سليا / لا اعلم فايد لن يستطيع العوده من القاهره اممم لا اعلم هل استطيع الذهاب بفردى 


بيرن / وكيف ذلك وانا متواجد اتسمحى ان نذهب سويا 


سليا / امممم ان لم تأتى معك كلارين ممكن 


بيرن / اتغارين على فايد منها ام على انا 


سيليا بضحكه / لا اغار على فايد ولكنها عاملت ماما مفيده بسوء وانا احب ماما اما انت فكيف اغار عليك من اختك على الرغم انها لا تحمل نفس الكنيه 


بيرن / انها اختى بالتبنى المادى فقط اى استطيع معاشرتها لكن هى ليست من نوعى المفضب 


هنا نهضت سليا والتفت حول المكتب وجلست امامه 


سليا / وما نوعك هذا


بيرن / اعشق العربيات على الرغم انى لم اجد بعد من تشاركنى حياتى 


سليا / اممممم سنرى ..... هيا سأذهب لاحد المواقع لارى سير العمل هناك 


بيرن / تحبى انضم اليك 


سليا بضحكه ممزوجه بدلع / ولما لا 


##########################

القاهره 


يستيقظ وافى على صوت فايد وهو ممسك بيده ويبدأ يتنفس شهيق وزفير بقوه حتى هدأ وضمه فايد قائلا 


فايد / مر وانتهى انا معاك يا صحبى 


وافى / ليه ليه جدى عمل كده فيه طب مش انا ابن ابنه برده 


فايد / وافى غضب جدك على سها لانها حرمته من ابنه وماتت ومانتقم منها خلاه ينسي انكم ولاد ابنه يا وافى جدك انتقم منك ومن اختك بسبب حزنه على ابنه اه مش صح ومش تبرير بس احنا لسه ما عندناش اطفال خاصه بينا يمكن عشان كده مش فهمين الالم اللى كان فى قلبه 


وافى / مش قادر اسمحه مش قادر انسي انه هو اللى دخلنى لعطيل السجن حتى بعد ما حكيت له موقف واحد من اللى هى خلت عطيل يعمله فيه وكان هيعمله فى اختى 


فايد محاول تغير الموضوع وجعل وافى يخرج بعض من ذكرياته ليقلل من هذه الكوابيس كما الطبيب اخبره بالماضى 


فايد / ما حكيتش ليه يعنى على الموقف ده


وافى / لا قولت لك ........لا لا ما قولتش مش فاكر دماغى 


وامسك برأسه وبدأ يهتز جسده تلقائيا 


فايد / اهدى خلاص خلاص بلاش نتكلم اهدى يا وافى مش عايز نرجع للادويه تانى ارحم نفسك 


وافى ببكاء / تعبت يا فايد رجعت تانى كل ما اغمض ارجع للايام دى تانى تعبت انت عارف يوما بالسجن لو ما كنت ظهرت انا انا 


فايد / هشششششش انا ظهرت يا وافى وكسرت عضمه وما حد عرف يدخل شششششش ولو اتعادت الايام دى انا هكرر اللى عملته وافى اه كنت بتنافس معاك فى الجامعه وكنت بحب انرفزك واخد كل حاجه لنفسي وابعد عنك البنات عشان انا احلى منك بس والله ما كنت بكرهك وكان نفسي تكون صاحبى من ايامها 


وافى يمسح دموعه / هو مين اللى احلى منى اجرى ياض ده انت كنت بتجنن عشان البنات بتسيبك وتيجى لى 


فايد بضحك / وانت فاهم انهم كانوا بيجولك لجمالك يا عنيه لا يحلو ده عشان انت دحيح الدفعه فكانوا بيكوا يضحكوا عليك وياخدوا المحضرات والتلخيصات لا وكله كوم وهايدى اللى خلتك تصمم لها المشروع كوم تانى 


وافى بقهقه / اه يا شيخ وبعد ما صممت المشروع واخذيته تقولى عزماك على خطوبتى مع الدكتور بنت ........ 


فايد / هههههههههههه كان حتت مقلب ده انا ضحكت ضحك يومها يا لهوى بس ما تنساش انا حاولت احزرك بس انت اللى كنت واقع لششتك وافتكرت انى غيران يا هبل 


وافى / بس ما تقولش اهبل ما انا روحت خطبت نفين نفس السنه ملاكى القمر 


فايد / طب بس لتسمعك رنا وتعملك كفته هههههه


وافى وهو يضع يده على خده / صحيح هو احنا ليه بعد السنين دى حبينا بنات مفتريه كده ده عليها قلم 


فايد / اصل احنا متربناش فحبنا اللى هيربونا هههههههههههه 


وافى / ههههههههههه طب يلا قوم شوف لى حاجه اكلها جعان 


فايد / اكونش الفلبنيه اللى جابها ابوك يا روح امك قوم ياض المطبخ تحت 


وافى بدلع / وحياتى يا فيدو جعان ومكسل انزل مش انا ابنك حبيبك برده يا فيدوا يا عسل انت يا مجنن الحريم 


فايد / ابنى اذاى يا مغفل واحنا مولدين فى سنه واحده 


وافى / لا معلش انت اكبر بشهرين ونظرا لمقوماتك وموهبك فممكن تكون بابا عادى وماما كمان 


فايد / اه اتجوزت وانا فى اللفه وجبتك اقوم اجبلك الاكل احسن تاكل زراعى الصبر يا رب 


وافى/ بسرعه يا ببتى 


فايد قذفه بزجاجة الماء التى اخذها من على الكمودينوا بجواره ليملئها 


فايد / يحرق معرفتك يا ..... 


خرج فايد من الحجرة متجها للمطبخ وبطريقه كان هشام يصعد وهو يستند على احد الحراس الذى كلفه فايد بتواجد الدائم بجوار هشام ليساعده بالتنقل بداخل الفيلا لحين احضار كرسي متحرك جديد واضافة اسنسير داخلى ليستطيع الصعود الى حجرته دون مساعده من احد 


فايد / مالك يا بابا انت كنت بتبكى ليه 


هشام و هو يدارى واجهه / لا لا مفيش لا ببكى ولا حاجه وافى عامل ايه 


فايد / وافى كويس الحمد لله بس هنتابع مع طبيبه النفسي تانى لحد ما الكوابيس تخف من احلامه عشان رجعت له بس برده مش هتقولى مالك هو انا مش زى وافى 


هشام / والله يا بنى حبيتك زيه بالضبط وما فى فرق هو بس والدى كان هنا وعرفت عمل ايه فى وافى وقلبى ما قدرش يستحمل ربنا يسامحه عارف انه عمل كده من ناره عليه بس ده ابنى وهو السبب من الاساس بوجود سها بحيتنا 


فايد / معلش يا عمى كلنا بنغلط وقت الغضب والله مش بقول سبب ليه بس انا لو مكانه والست اللى كانت هدخلنى السجن وحرمتنى من ابنى ومن حفيدى الكبير وكمان خسرتنى كل املاكى هبقى عايز انتقم منها بس الغلط هنا انه نسي ان نهال ووافى زى ما هما ولادها هما ولاد ابنه معلش حاول انت ووافى تسامحوه خاصتا انه بسن كبير ومحتاجكوا بعد موت زوجته 


هشام / يا بنى انا ما قدرش ما سمحوا ده والدى بس وافى بعد اللى اسمعته ما ظن انه هيسامح 


فايد / يبقى ما تعرفش وافى ده قلبه زى الجوهره وطيب اوى رغم جنانه طب اقولك رغم اللى جده عمله لما عرف بموت جدته وان شركة جدته بتتباع لان جده محتاج فلوس لعلاجه ودفنها راح باسمى وعمل صفقه ب1000000جنيه مع شركة جدته ودفع الفلوس مقدم وكمان شارك شركت جدته بلاسهم عشان ما تتباع ووضع مدير شركه مضمون كمدير وهمى جده ما يعرفوا وهو اللى بيدير شركة جده دلوقتى من الباطن عشان ما يجرح جده شوفت اذاى وافى طيب وعلى فكره ماما مفيده هى اللى ربتنا انا و هو على كده يعنى الفضل يرجع ليها 


هشام / ياه انا بجد فخور بيكم الحمد لله ربنا عوضنى من خسارة زينب وادهم بيك انت و وافى اروح اشوفوا قبل ما ادخل اريح شويه 


فايد / طيب اقعد معاه وانا هجيب حاجه نتغدا بيها بس خلى بالك من ايدك وافى جعان هههههههه 


هشام / ههههههههه ربنا يسعدك ههههههه قال خلى بالى من ايدى 


اكمل فايد نزوله للمطبخ وذهب هشام الى حجرة وافى طرق الباب ليسمع وافى من الداخل 


وافى / ايه الادب اللى نزل عليك ده فجأه ده ادخل يا فايد جعاااااان 


هشام دفع الباب ودخل الحجره وهو يضحك ويقول 


هشام / ده صحيح بقى اللى الواد بيقوله اخلى بالى من زراعى 


نهض وافى من السرير ليمسك يد والده ويقبلها ويساعده لدخول بعد ما اشار للحارس بالذهاب 


وافى / لا ما تخافش بحب لحمة المعزه فايد بس ههههههه 


هشام / طب الحمد لله انى مش فايد. ههههههه 


جلسوا على طاوله امام سرير فايد وهشام يبتسم 


هشام / الا قولى هو اللى هناك دى تلاجه 


وافى / اه فيها بسكوتات وشكولاتات وجلاتى فايد حتطها لى هنا اجيب لك 


نظر هشام لوافى / امال انت مش تخين ليه على الاكل ده كله 


وافى / اصل كله بيروح على التمرين الاجبارى اللى فايد بيعمله فيه مرتين فى اليوم غير الماتشات الى بيحضرها لى بينى وبين حراسه المفترى مرتين فى الاسبوع 


هشام / اه بس ده كويس عشان تكون قوى ودافع عن اخواتك البنات 


وافى / بالنسبه لنهال فمتجوزه ديناصور اما بسمه فربنا فى عون يوسف والله ههههههه 

بس ما تقلق خالص الاثنين قى عنيه 

#####

بالمطبخ سمع فايد صوت احد الحراس يحدث الاخر 


الحارس الاول / الراجل الكبير اللى خرج من شويه قاعد على الارض جنب عربيه وبيبكى ومش عايز حد يساعده 


الحارس الثانى / طيب نطلع نقول لفايد بيه ولا لهشام بيه مهو اللى كان قاعد معاه 


ترك فايد ما بيده لتكمله احدى الخادمات وخرج مسرعا باتجاه بوابة الفيلا ليجد جد وافى يجلس بالفعل على الارض امام عربيته يبكى ليجرى عليه وينخفض قربه 


فايد / طيب بس اهدى لسه قاعد كده تعالى جوه نتكلم 


الجد / نتكلم فى ايه انا ضيعت حفيدى واذيت ابنى الوحيد بأيدى بدل ما اضم احفادى ليه طردتهم واذتهم وانا السبب من الاول انا اللى وافقت على مخطط سها عشان تتجوز ابنى خدعتنى وسلمتها الشركه وابنى وماتت وبدل ما اصلح غلطتى روحت اذيت احفادى حتى بعد ما عرفت انها رمت بنتها فى فى شقه لل اه اه اه 


وامسك قلبه وبدء يصرخ بألم ليسمعه وافى من الاعلى ويخرج من الشرفه ويرى فايد يجلس بجوار جده الذى يصرخ متألم فينده على احد الحراس 


وافى / نادر انت يا زفت اطلع لبابا بسرعه تعالى لى اوضتى 


دخل وافى من الشرفه يجرى ليخرج من الحجره بدخول الحارس نادر 


وافى / خليك مع بابا وانا راجع 


هشام / مين يابنى اللى بيصرخ ده ده صوت جدم 


وافى / متقلقش هنزل اخده المستشفى وبعدين اقول للحارس يجيبك 


نزل وافى زى المجنون بالبنطال فقط وهو يحاول ارتداء القميص فيرتديه مقلوب 


وافى / استنى يا فايد انا جاى معاكم 


ركب فايد بجوار السائق ليركب وافى بجوار جده الممدد على الكنبه بالخلف ويضع رأسه على قدمه ويبدأ بتدليك صدره عند القلب 


الجد / انا ظلمتك يا حبيبى سامحنى 


وافى / يا جدوا مسامحك من زمان بس ما تتكلمش ارجوك وانا هعمل اللى انت عايزه 


الجد / بس انا مش مسامح نفسي انا انا 


وافى قبل رأس جده / شششش والله سامحتك يا جدوا من زمان سامحتك عشانى عشان اقدر اخف قبل ما اسامحك عشان انت جدوا اللى بحبه اه انت كنت قاسي عليه بس قبل ما ماما تموت انت كنت بتخفف عنى وكنت بتاخدنى بيتك وبتفسحنى ومش بتخلينى محتاج حاجه انا مش ناسي ان 3سنين ثانوى والاربع سنين كليه انت اصرت على بابا انى اعيش معاك عشان اعرف اذاكر بسبب ماما واللى كانت بتعمله يعنى مش هنسي ده وافتكر بس الكام سنه الاخيره اللى كنت قاسي فيهم والله بحبك يا جدوا 


ابتسم الجد و عينه تدمع والالم بصدرة قل كثيرا وظل يردد 


الجد / انا اسف يا بنى انا اب فاشل وجد قاسي 


وافى /لا ما تقولش كده انت احلى جد 


وصل السائق للمستشفى التابعه لوافى وفايد حمل وافى جده ورفض ان يحمله احد اخر دخل به وفايد يصرخ بهم 


فايد / فين الدكتره اللى هنا 


جاء بعض الممرضين بسرير النقال ويتبعهم اطباء الاستقبال 


وافى / عايز دكتور القلب اللى وصيته على حالت جدى 


ليهرول الطبيب ويدخل مع الجد الى حجرة الانعاش ويبدأ بفحصه 


الجد / وافى اللى موصيك عليه يعنى الكشف و الادويه اللى كنت بتعملها لى من فلوس حفيدى 


الطبيب ببتسامه / ايوه يا حج وافى بيه بيحبك جدا وارجوك ترتاح لانه ممكن يموتنى لو حصلك حاجه 


ابتسم الجد بتنهيده فها هو يساعده حفيده رغم ما فعله به كما ساعده ابنه بالماضى بعد ما اوقعت به.سها وطردته من شركته امام الموظفين واعاد له اعتباره كم يشعر انه سئ ولا يستحق ابن او حفيد.مثلهم ثم اغمض عينه وغاب فى النوم بعد ما اعطاه الطبيب حقنه مهدأه 


خرج الطبيب من حجرة الانعاش وابتسم لوافى الذى وقف امامه 


الطبيب / الحمد لله الازمه مرت على خير وهيرتاح 24 ساعه وتاخدوه البيت بس يا ريت بلاش نرفزه وعصبيه سنه مش مستحمل 


وافى / حاضر حاضر 


التف وافى لفايد الجالس خلفه ونظر اليه كما من يغرق 


فايد بضحكه / مش هتسافر يا فقرى وهجيب الطبيب الالمانى بتاع العظام والتانى مخ واعصاب لابوك بما انهم هنا بمصر فى زيارة اساسا بس انت عليك بقى تقنع بابا هشام يقنع جدك يعد معانا بالفيلا عشان الممرضين يعرفوا يراعوهم سوى 


وافى / انا بقول احنا ننقل المستشفى فى الفيلا 


فايد / لا استنى لما اقع عشان تضمنى للمجموعه هههه


وافى / تقع ايه واسند انا على مين وبعدين انا جعان يا فايد 


فايد / يا قلب ابوك وانا اعمل ايه ما المصايب بتجرى وراك يلا يا خويه نروح ناكل ونطمأن ابوك كده كده جدك مش هيصحى دلوقتى 


نهض فايد وبدأ يتحرك ليخرج من المستشفى فيتفجأ بوافى يمسك بقميصه من الخلف فيلتفت له ويراه يبتسم 


فايد / اه النظره دى انا عارفها عايز ايه يا وافى 


وافى بصوت منخفض / هات لى عصير وبسكوت لحد ما نروح 


فايد / يا صبر ياصبر خلفته ونسيته ده اعدل القميص ياض وتعالى اجيب اللى انت عايزه 


ASMAA NADA

الفصل التالي

تعليقات