حصرين علي موقع المجد للقصص والحكايات
الكاتبه اسماء ندا
رواية الأم الحياة
فصل ٣١
عذارا اضطريت ارجع قطعه من احداث البارت الماضى بين سليا وفايد عشان تعرفوا تربطوا الاحداث
ASMAA NADA
انا هطلع اموتها وانتى يا داده انتى ونهال اجهزوا عشان هتسافروا فى طيارة 3الفجر
مفيده / احنا بس
فايد / اه لانى هقتلها وبعدين اموت نفسى الغبيه دى
صعد فايد تاركا نهال و مفيده يضحكان عليه ثم دخل الحجره ليرها قد غابت فى النوم فيبتسم
فايد بتنهيده / ملاك مستخبى فى هرقل يا ربى
جلس فايد على الفوتيه المقابل للسرير وهو مبتسم ويتذكر ما حدث بليله الاخيره له بمصر قبل ان يقرر السفر لالمانيا
تمتم فايد لنفسه قبل ان يغفوا بنوم على الفوتيه
فايد / هاتجوزك برضاكى يعنى هتجوزك بس اصبرى عليه
قبل الفجر رن منبه هاتف فايد ليستيقظ
فايد / يوه بقى هو انا لحقت انام
سليا / بطل كسل ويلا عشان نجهز للصلاه
فتح فايد عينه ليجد سليا تجلس امامه وبعد ان فاق
فايد / نهار لسه ضلمه انا مش كنت رابطك
سليا / هههههههه كنت فعل ماضى مبنى على كلام فاضى
حاول النهوض ليكتشف انه لا يستطيع الحركه
فايد / اه يا جزمه عملتيها اذاى وادى اخرة القلب الطيب يعنى انا ما صعبتى عليا ومربطك جامد تفترى انت طب هصلى اذاى انا ها
سليا / انا بس حبيت اوريك ان مش انت لوحدك اللى بيعرف يربط
نهضت سليا منزعلى السرير لتفك فايد ولكنه باغتها بحركه مفجأه واوقعها على الارض وامسك يدها فوق رأسها
فايد / عيب يا ماما عليكى قال تكتفينى قال مين بقى هيرحمك من ايدى ها
سليا / الفجر بيأذن الصلاه يا مؤمن يلا يا بابا يلا
فايد / الصلاه صح طيب بعد الصلاه اجهزى عشان نزلين مصر
سليا / والشركه
فايد / عينت مدير بدل بيرن الشريك الثالث لينا
سليا / كلارين
فايد / لا دى حصلت اخوها الغير شرعى على السجن لمساعدته فى محاولت اغتصابك والترتيب لقتلك
سليا / قتلى واغتصابى ؟؟؟
فايد / انت فكرانى اهبل وما عرف هما بيخططوا لايه وسيابهم يودونى فى داهيه لا يا حلوه انت كنت مجرد طعم بس طلعتى ذكيه جدا وعجبتينى عملتى اللى فضلت سنه بحاول اعمله فى ايام
سليا / يعنى انا كنت طعم استخدمتنى طعم
فايد / يوه بقى متزعليش مش هكررها يلا بقى الصلاه
هرج من الجناح بتاعه متوجه الى الجامع الذى بناه بجوار القصر حتى يصلى الحرس المسلم بالماضى
فايد / ياه انا بنيته من 5سنين واول مره ادخله هو ربنا هيغفر لى
احد الحراس / ربنا غفور رحيم ان تاتى متأخر خير من ان لت تاتى اتفضل نصلى خلف الامام
فايد / انتوا جبتوا امام
الحارس / هههههه واحد مننا حافظ كتاب الله
فايد / الله طيب مش كنتم تقولوا اعمل له راتب خاص بالجامع غير الحراسه
الحارس / هو بيصلى بينا وبس لكن لو حضرتك تعمل خير وتعين امام للجامع هنا وتفتح الجامع لمسلمين المانيا القريبين من القصر يكون خير ويتكتب ليك حسنات
فايد / ما عندى مانع بس انت المسؤول عن ايجاد الامام للجامع وكمان مسؤول عن حراسة الجامع حتى لا يتسلل احد من اعداءى لداخل القصر
الحارس / حاضر
وقفوا خلف احد الحراس وبدأ الصلاة وعند الانتهاء جلس فايد بأرض الجامع يبكى كطفل كان تأه عن امه وعاد اليها وبعد فتره عاد فايد للقصر ليجد مفيده ونهال و سليا مستعدات للسفر
فايد / ايه مصر وحشاكم اوى هههههه طيب يلا
توجهوا الى المطار وبعد 6ساعات وصلوا لمطار اسكندريه وخلال نصف ساعه كانوا وصلوا للفيلا
احد الخادمات / مستر فايد مستر وافى كسر الاوضه وبيصرخ من امبارح
مفيده بهلع / ليه ماله وافى ...... ابنى
جريت مفيده باتجاه حجرة وافى وتبعاتها نهال
اما فايد فتحرك ببطأ بتجاه الفيلا
سليا / على فكره انا مروحه عند ماما واخويه
فايد/ يا هبله احنا سيبين ماما فى القصر بالمانيا
سليا / ينهار بنفسجى انا نسيت اذاى انا عايزه ارجع لماما
فايد / لا اله الا الله يا بنتى هنحضر فرح وافى ونرجع سوى وانا شرحت لمامتك والدكتورة المتابعه هتبات معاها غير الممرضين والخدم اعقلى وتعالى نشوف الواد اللى هيموت نفسه ده
سليا ببكاء / انا اذاى نسيت ماما
فايد / يا بنتى نسيتى ايه هتجنينى ده انتى سلمتى عليها 6 مرات قبل ما نركب الطياره ارحمينى
سليا / عارفه ايه ده سيبنى اعيش الدور يلا يلا
دخلا الى الداخل ليجدوا مفيده ساقطه بلارض مغمى عليها ونهال تقف مزهوله بحاله صدمه وهشام واقف اعلى السلم ينظر لهم
فايد / مش كنت تستخبى لحد ما يهدوا وبعدين نقبلهم بيك
هشام / هو انا لحقت انا كنت رايح اشوف وافى لقيتهم هنا سيبك منهم واطلع بس للواد انا خايف عليه
فايد / لا متقلقش هيكون بخير
صعد فايد بعد ان حمل مفيده ووضعها فى حجرتها وظلت بجوارها سليا اما نهال فصعدت سريعا وارتمت بحضن والدها بدون ان تتكلم عاد فايد لحجرة وافى وفتح الباب فوجد كل ما بالحجرة قد كسر حتى السرير لم يرحم من يد وافى ووجده يجلس على الارض واضع رأسه بين كفيه بارهاق
فايد / مش انا قولت لك ما ترجعش للهباب اللى بتحقنه ده اه كنت فاكر انى هسكت واسيبك
وافى / نار يافايد انا اخذت الحقنه بعد ما شفت عطيل وانت كنت مسافر انا كنت عايز اهرب وقولت انت مش هتعرف
فايد / ليه وهلوسه اللى عملتها فى الفرح وتحرشك بالبت رنا ولما ضربتك وتصميمك على انك تتجوزها رغم انك لسه شايفها ايه فاكر انى اهبل مش هفهم
وافى / لا عارف انك فهمت بس بجد لما طلبت اتجوز رنا كان بجد من جوايه مش عشان حلوه بس لا بس شجاعه ومحترمه رغم لبسها اللى فور دمى هههه
فايد / اه هى كانت اوفر بس بالنسبه لدكتوره بتدرس بالخارج مش فى مصر طبيعى
وافى /بتدرس فين
فايد / هههههه امريكا يا فالح يعنى هسيبك تدبس من غير ما اطمأن عليك
وافى / حبيبى يا فوفو ما تجيب بوسه
فايد / لا بكسف هههههههههه قوم ياض ماما مفيده تحت وقابلت بابا هشام واغمن عليها هههههه
وافى / وساكت يا جزمه
ونهض ليخرج من الحجره مسرعا وذهب لحجرة مفيده فوجدها تجلس على السرير ومنهاره من البكاء
وافى / ماما مالك بتعيطى ليه مين زعلك وانا اقتله
فوجد من يضرب رأسه من الخلف
هشام / انا ها اقتلنى بقى ورينى
وافى / لا انت زعل الكل وانا اصلحهم عادى يا كبير
هشام / عامل ايه دلوقتى ايه الصريخ اللى كنت بتصرخه ده
مفيده / هو انت رجعت للزفت تانى بعد ما اتعلجت يا وافى
وافى / هى مره واحده بس معرفش انى هتعب كده
بس انا كويس اهو شوفى انا متحمل الالم وواقف معاكى اهو بطلى عياط بقى عشان خاطرى
فايد / خلاص يا ماما لاضربه واكسر عظمه
والتفوا حولها لتحضنهم وتقبلهم
مفيده / انتوا عارفين انى ماليش غيركوا متوجعونيش تانى يا ولادى
وافى وهو يقبل يدها / حاضر يا ماما
هشام / مفيده انا هستناكى تحت فى الجنينه عايز اعد معاكى لوحدينا
فايد / ما تاجل يا بابا الكلام الفتره دى لحد ما نجوز الواد ده
مفيده / اه ده انت هتتجوز بجد ياه ده احلى خبر سمعته
وافى / اعمل ايه ظهرت الشبكه اللى اصطادتنى
مفيده / حلوه ومؤدبه ولا من بتوع يومين وهتطير زى غيرها
فايد / مؤدبه ودكتوره بس وحشه
وافى / ككوحش ياكلك دى قمر
سليا / مبروك يا وافى ياترى هتعرفنا بيها امتى
وافى / مش عارف انت تعرفيها ولا لا بس هى رنا اخت ابراهيم زوج هنا صاحبة بسمه
سليا / لا قريبه ههههههههه عرفتها رنا القاهريه
فايد / حلو اللقب
سليا بضحك / طب اوعى تزعلها احسن تعلقك يا وافى دى بطلة العالم 3مرات فى البوكس وزن خفيف
وافى / هو احنا وقعنا ولا ايه يا فايد
فايد فاتح فاه / هههههه اثنان مصارعه واحد بوكس انا بقول نلحق نحجز فى المستشفى يا وافى
هشام / بت يا سليا انت قصيتى شعرك ولبسه زى الرجاله كده ليه ده انا معرفتكيش
سليا / جريت وحضنت هشام والله وحشتنى يا عموا من بعد ما اخدت بسمه ونقلتوا القاهره والحى بقى وحش قوى يا سيدى بعد ما بابا مات و سامح احتاج لعلاج وكمان تعب ماما وانا فضلت ادور على شغل ولما ما لقيتش والبيه ده طردنى من المطعم اضطريت اشتغل كمثرى (قاطع تذاكر) وسائق فى شركه بالقاهره بس باسم سامح وتصريح السواقه بتاعه عشان كده بقيت راجل
فايد / لا وبالف راجل ده انا اخدت علقتين لحد دلوقتى
وافى / لا واحده ادام المطعم
فايد / وواحده فى المانيا طلع روحى على مربطها وبعدين فكت نفسها بنت الذين دى
وافى / تعيش يا وحش وانا اللى بخاف منك تؤ تؤ
ضرب فايد وافى فى زراعه / بمزاجى ياض
سليا / اه صح بمزاجه ههههههه طب يلا باى بقى
هشام / على فين
سليا / هروح بيتى بقى
فايد / ما انتى فى بيتك
سليا / والله روح نام انت شكلك بتخرف يلا باى
وجريت سليا لتخرج من الحجره وجرى خلفها فايد
توقف امامها قبل ان تخرج من الفيلا
فايد / انا ما بهزرش هتروحى فين مامتك وفى المانيا وسامح ساكن فى الشقه اللى اشترتهالك قبل ما اسافر هو وسيد وبنت اخته هتروحى تعيشى فين بقى مع واحد غريب
ضحكت سليا / لا هنا صحيح ما فيش حد غريب انت سخن
فايد / يا صبر ...... طيب ايه رأيك تروحى شقه تانيه ليكى لوحدك وبعدين سامح يبقى ينقل معاكى
سليا / طيب ما انا هروح بيتى فى الحى وهتصل بسامح يجى لى
فايد / بيت ايه ده وانا بقدم لك كل ما املك فليتى وشقق بتعتى ولو مش عاجبك اشترى فى مكان انت عايزاه
سليا / بمناسبة ايه احنا كده يا باشا خالصين انت عالجت ماما وسامح وانا برأتك من السجن فى المانيا اما بالنسبه للشقه االى سامح فيها فرجعها ليك انا ما باخدش حاجه مش من حقى
فايد / يا صبر ايووووووووب يااااااسر خد العربيه ووصل الهانم للحى وبعدين روح خد سامح اخوها ووصله ليها وانت الساعه 8 الصبح تكونى هنا فاهمه انت لسه بتشتغلى عندى تمام كده مبسوطه
سليا ببتسامه من اغاظته/ جدا يلا باى
وتحركت خلف ياسر الذى يكتم ضحكته على منظر فايد ورد سليا ثم ركبت السياره وانطلقت ياسر باتجاه الحى
فايد / هتجوزك هتجوزك وقريب جدا
ثم صعد الى حجرته متجاهل نداء وافى واغلق الباب عليه
################################
الحى
عندما وصلوا الى الحى الشعبى توقف ياسر بالسياره اسفل شقة سليا وقبل ان تنزل
ياسر / سامح اخو حضرتك هنا مارديش يروح الشقه اللى الباشا قال عاليها بس انا بصراحه ما قولتش للباشا عشان مايزعلش
سليا / عارف وشكرا ليك لما ترجع لو سألك قوله لقينا سامح هنا وخلاص
نزلت سليا من السياره وافبل عليها اهل الحى من يرحب ومن يسأل اين كانت وما اخبار امها والدعاء لامها بالشفاء وعندما همت لتصعد العماره لشقتها وجدت صديقتها الخائنه مهيتاب تجلس على السلم تبكى ترتدى قبعه تخفى بها شعرها ونظاره سوداء جسدها يرتعش وعندما رأتها جريت احتضنتها
مهيتاب / سليا ارجوكى سامحينى ارجوكى انا اكتشفت ان عندى السرطان فى الدم مش عايزه اموت وانت بعيد عنى انا ماليش اصحاب كلهم لما بان المرض عليه هربوا وبعدوا عنى حتى ماما وبابا مشغولين وما بيجوا يزورونى غير فين وفين
حضنتها سليا / بس بس انا مسمحاكى يا ماهى ويعنى ايه قاعده فى المستشفى لوحدك ليه مت انا تعالى تعالى نطلع فوق وانسي اللى فات
مهيتاب / لا لا اخوكى طردنى وشتمنى لا انا هربانه من المستشفى ولازم ارجع بس ابقى تعالى زورينى ومتنسنيش زيهم والله انا بحبك يا سليا بس حبى للفلوس اللى كنت فهما انها كل حاجه غمض عين ضميرى انا اسفه بجد فهمت ان الفلوس ملهاش اى قيمه انا هموت اهو ومش هتنفعنى
تركت مهيتاب سليا سريعا وخرجت دون ان تنتظر منها رد ولكن سليا خرجت خلفها واشارت ل ياسر الذى لم يتحرك من مكانه بعد
سليا / روح وراها وشوف هتكون فى اى مستشفى واعرف رقم حجرتها واعرف من الطبيب باعها حالتها بالضبط ولو ينفع تتعالج بره مصر ولا لا عشان خاطرى يا ياسر
ياسر / حاضر من عنيه
وانطلق ياسر بسيارته خلف سيارة مهيتاب فصعدت سليا الى شقاتها ودقت الباب
سامح و هو يقترب لفتح الباب/ تانى انا مش قولت يا حقيره ملكيش دخل ب ....... سليا سليا مدللت اخوها
احتضن سامح سليا بقوى وهو غير مصدق انها امامه
سليا / حلوه مدللة اخوها انت ناسي انى تؤمك مش اختك الصغيره
سامح / تؤمى فى الورق يا بت بس اختى الصغيره اللى مليش غيرها حيبت قلبى
جاء صوت من الخلف خارج من المطبخ
الصوت / هى مين دى اللى حبيبة قلبك ده انا شكلى هشرحك انت مش الفرخه
سليا / مين دى اللى هتشرحك اوعى كده
سامح / اهدى اهدى دى بنت اخت سيد ومراتى
سليا / نعم مراتك
نور بغضب/ اه مراته يا دلعدى وانت مين بقى
سامح / يا هبله دى سليا اختى
نور / الله هى مش فى المانيا مع ماما وبعدين سليا شعرها قصير شبه الرجاله دى شعرها معدى كتفها اهو
سليا / مهو طويل يعنى اقصه تانى عشان تعرفينى
نور وهى تضم سليا لها / ههههه لموأخذه اصلى بغير عليه من الهوى
تتركها سليا وهى مبتسمه وتقترب من سامح وتمسك اذنه يعنى اغيب شهر ونص القيك متجوز يا حليتها
سامح / حليتها طب ايدك بس لقطعهالك وبعدين نعد واحكى ليك
نور/ ادخلى غيرى وانا هحضر العشا
سامح / بس ماما فين انت سيبها لوحدها
سليا /لا فى دكتوره مقيمه وممرضات وخدم معاها وهى اللى قالت انزل مصر هغير واجى احكى واسمع تمام
دخلت سليا حجرتها واحضرت من حقيبتها ملابس ثم خرجت ودخلت الحمام لتاخذ شاور وتبدل ملابسها ثم خرجت لتجد سامح ونور جالسين على طبلية (طاوله قصيرة ) الطعام جلست بجوارهم
نور / عايزه الاكل يخلص وقولى رأيك بالهنا حببتى
سامح بضحك / متقلقيش دى ديناصور مش اختى
سليا / اه ديناصور وشكلى هبدأ بزراعك
سامح / لا خفت كلى كلى
بعد ان انتهوا من الاكل وحملت الاطباق سليا مع نور وساعدهم سامح بطبقه فقط ثم جلس سامح وسليا سويا بحجرت الصالون (الضيوف )
سليا/ احكى انت الاول وبعدين انا هحكى
سامح / يا ستى يوم ما سفرتى اخدنى استاذ وافى انا وسيد ونور لبيت كده وقال ان ده بيتك باسمك
كتبه فايد ليكى كمهر لزوجك منه وان ده احد شروطك عليه قبل السفر بس انا رفضت اعيش فيه لسببين انت اصلا رفضه فكرة الزواج وهو عارض عليكى زواج عرفى يبقى مش هاجى انا واعيش فى البيت اللى ثمن حريتك فاخذت نور وسيد ورجعنا البيت هنا بس كان باب الشقه متكسر واهل الحى لما رجعنا كانوا بيحرسوا الشقه وصلحنا الباب وعرفت ان اللى كسره واحد اسمه عدى كنت متخانق معاه زمان وكان واخد حكم بس تقريبا خرج المهم ان اهل الحى ضبطوه وهرب وبعد يومين اخت سيد اتصلت بيه وقالت ان جوزها تعبان جامد ولازم يروح لها وطبعا وقع فى حيره هو معتبرنى امانه انتى سيباها ليه رغم ان وافى الصراحه كان يوميا ييجى يطمأن عليه المهم الحيره بتاعت سيد اذاى يسافر وياخد نور ويسبنى ومينفعش اتنقل معاه لمصر بسبب العمليات وما ينفعش يسيب نور لوحدها معايه فانا اقترحت عليه انى اتجوزها وكده يبقى سابها مع جوزها ويسافر ولما يرجع هو وانت ووالدها نعمل فرح وكده يعنى زواج مع ايقاف التنفيذ فهمتى
سليا / امممم وبتغير عليك
سامح / يا بت يا سولى ما هى دى نور اللى ياما حكيت لك عليها
سليا بضحكه / وانت ما صدقت ههههههههه طيب يا عم مبروك اتصل انا بسيد اطمأن عليه
سامح / يا بت الساعه بقيت 10مساءا بكره بقى
نور / سليا انا اسفه انى دخلت عليكم بس خالى عايز يكلمك
سليا / اسفه ايه هو انت دخلتى علينا الحمام ده بيتك يا نور
وامسكت الهاتف من يد نور
سليا / الو يا سي سيد
سيد/ وحشتنى يا اسطا كده تنزلى ومتقوليش نستقبلك فى المطار
سليا/ والله جات مفجأه المهم طمأنى زوج اختك عامل ايه
سيد / الحمد لله اذمه ربوا وعديت وكنا هنيجى بكره عشان نحدد فرح سامح ونور بعد طبعا ما اكلمك بس ااحمد لاه انتم رجعتوا
سليا / لا ده انا لوحدى ماما هناك بس مش مشكله تعالى نحدد الفرح بعد فرح وافى تمام
سيد / تمام يلا بقى تصبحوا على خير
اغلقت الهاتف معاه وكانت قد تحركت ودخلت حجرتها ثم افتكرت ان زواج سامح ونور ورقى يعنى المفروض هى بتنام فى اوضتها فتحت الباب لتخرج وجدت نور كانت تمد يدها لمقبض الباب واليد الاخرى كانت ستدق الباب
نور / كنت لسه هخبط
سليا / تعالى انت هتنامى هنا وانا هنام اوضة ماما
نور / ليه نامى وارتاحى وسامح هينام فى اوضة ماما وانا هاخد اوضته
سليا / لا لا انا عايزه انام فى اوضة ماما. يلا تصبحى على خير
ذهبت سليا لاوضة مامتها وجلست على السرير واتصلت بفايد
فايد / ايه الهنا ده سليا بنفسها بتكلمنى
سليا / اه صعبت عليه ههههه
روت سليا ما حدث من رؤيت مهيتاب وزواج اخيها واتفقها مع سيد على فرح سامح ونور
فايد / طيب وليه نعمل فرحين بايام مختلفه ما ممكن نعمل 3افراح فى يوم واحد ومكان واحد
سليا / 3 مين
فايد / هفهمك بكره هاجى اخدك على 8 الصبح ونروح للمستشفى لماهيتاب مهما كان صاحبتك هى اه جزمه بس المرض ليه هيبه وبعدين هنروح الشركه فى حجات هناك لازم تضبط ومحتاجك فيها وبعدين هنرجع للفيلا وناخد رأى وافى ورنا وهيكون سيد واخته وزوجها. وسامح ونور فى الفيلا كمان وبرضه هنعمل اتصال فيديوا بمامتك عشان لازم تحضر كل حاجه اكنها هنا
سليا / بجد يا فايد هتعمل كل ده انا ما حاسه انى تايه مش عارفه افهمك الصراحه انت وحش وعايز بس جسمى باى طريقه حتى لو زواج عرفى ولا انت انسان فى قمة الاخلاق شهم وبجد حبيتنى وعايزنى بالحلال
فايد / اولا وافهمى كلامى كويس اه فعلا فى الاول انا كنت عايز اكسرك واثبت لنفسى انك زيك زى مهيتاب زى سمر بس انت غيرتينى وغيرتى تفكيرى واه عايزك دلوقتى بالحلال بس مش قبل ما اشيل من مخك فكره كده مش عجبانى
سليا / فكرة ايه
فايد / بكره هقولك ولحد بكره سليا بعشقك يلا تصبحى على خير
اغلق فايد التليفون قبل ان تجيب سليا خوفا من ان تنطق بشئ يغضبه
سليا / المجنون هبد بعشقك وقفل الخط ليه هههههههههه
كان سامح يقف خلفها وهى لم تشعر به واستمع لكلام فايد لانها كانت وضعه الهاتف على المايك الخارجى وهى تسرح شعرها
سامح / مهو ليه حق يخاف منك
سليا / رعبتنى مش تكح ولا حاجه
تحرك سامح مسرعا وامسك تليفونها ودخل شرفة الحجرة واغلق خلفه حتى لا تتمكن سليا من منعه ثم امسك الهاتف وارسل رساله SMS
على فكره هى كمان بتحبك بس خايفه تقولها لانها من واحنا صغيرين بتخاف تنجرح وابقى ادخل البيت من بابه بالسليم لاقطع راسك
(سامح )
ثم دخل وحدف التليفون عليها
سليا / انت عملت ايه يا مجنون ليلتك كحلى مين قال انى بحبه انت بتألف
سامح / علي مين يا ماما ده انا تؤمك يلا تصبحى على خير يا عروسه
###########
عند فايد كان اغلق الهاتف ودخل يأخذ شاور فلم يسمع صوت الرساله وعند خروجه امسك الهاتف ليضبط المنبه فرأى الرساله وظل يضحك كالمجنون ثم حاول الاتصال فوجد تليفون سليا مغلق فابتسم
فايد / اكيد سامح اضرب هههههههههه هتجوزك يا مفتريه
################################
اليوم الثانى
اخبر فايد هشام ووافى ونهال ومفيده بما دار بينه وبين سليا وانهم سيجتمعون اليوم ليحددوا يوم الفرح المجمع 3افراح وافى ورنا. سامح ونور . فايد وسليا ثم انطلق ليذهب لاحضار سليا لتنفيذ ما خطط له قبل سفرهم لالمانيا
###############################
فيلا فايد
دخل وافى حجرته ليتكلم مع رنا بعد ما اخذ الدواء الذى كتبه له طبيب الادمان حتى لا يعود مدمن مره ثانيه
اما هشام فطلب من مفيده ان تجلس معه بالمكتب ونهال عادت لحجرتها. لتكمل نوم
هشام / اعدى يا مفيده احنا لوحدنا
مفيده / عايز ايه يا هشام اه اقصد يا هشام بيه
هشام / عايز افهم اذاى وافى ونهال ولادى وولادك انت يا مفيده
مفيده / بلجلجه اه. انا الداده بتعتهم بس
هشام / مفيده احنا عملنا تحليل بينك وبنهم وبينى وبينهم بعد ما عطيل اعترف ان سها تبقى امه ومش ام وافى و نهال
بدأت مفيده بالبكاء / كنت عارفه ان فى يوم من الايام هيتعرف
هشام / اللى حصل حصل وما حد يقدر يزعلك كفايه بعد اللى حصلى وموت سها وتخلى ابويه عنهم انت اللى حافظتى عليهم وكمان فايد معاهم اللى ما عرفش قصته هو كمان ايه اتكلمى يا مفيده متقلقيش انا بس عايز اعرف الحقيقه
مفيده / اولا سها مش ماتت بس برده تعتبر مش عايشه زى ما انت كده فجأه طلعت عايش
هشام / طيب واحده واحده واحكى من الاول وانا هسمعك
مفيده ببسمة سخريه / قولى الاول انت تعرفنى من امتى
هشام / امممم بعد ما رجعت سها من عند عمتها فى القاهره وكان معاها وافى ونهال وقالت انها ولدت هناك وكنت انت معاهم وطلبت منى انك تكونى الداده بتعتهم وانا وافقت
مفيده ببكاء / لا يا هشام انا اعرفك من ايام الكليه انا كنت اصغر منكم بسنه وكنت باجى احضر معاكم عشان اشوفك بس انت كنت بتحب زينب ومش شايف غيرها وسها ياما حاولت تأذيها وتأذيك بس انا كنت ببوظ دايما مخطتطها بس بس فى سنه 3ليه والدى ووالدتى ماتوا وانا ماليش اهل غيرهم فتركت الكليه واشتغلت فى كام شغلانه كده وبعد كام سنه فجأت بيك انت و سها متزوجين بالحى بتاعى وفى مره قبلتنى سها وكانت متخانقه معاك تقريبا قعدت معايه فى شقتى وفضلت تشتكى منك وبعدين طلبت منى اتجوزك عرفى عشان احمل منك وبعدين تاخد الاطفال وتكتبهم باسمها عشان هى مش بتخلف بس انا موافقتش اتصلت بتليفون بتعها بواحد وشويه وجه دخلته الشقه بعد ما كانت ضربتنى وربتط ايدى وصورتنى معاه وهددتنى انها هتنشر الصور فى الحى وكمان هتخلى واحد من قرايبها ضابط يسجنى لو ما عملت اللى هى قالت عليه رفضت وهى نفذت تهددها وخلت قريبها الضابط يرمينى فى السجن وكل يوم يخلى السجينات يضربونى ويخلينى اخدمهم وبعد اسبوع جت لى السجن وسألتنى هنفذ ولا لا وانا وافقت و............
#####F.B ######
سها تجلس على كرسي بجوار مكتب احد الضباط الذين تعرفهم ثم امر هذا الضابط بأحضار مفيده من الحجز وبالفعل ذهب العسكرى واحضر مفيده ودفعها لتقع اسفل رجل سها فوضعت سها قدمها على رأس مفيده
سها / شوفتى اللى بيتحدانى اخرته فين يا كلبه
ها هتعملى اللى قولت عليه وتدينى الطفل ولا تخليكى هنا تمتعى السجينات وكمان هخلى جابر بيه ينقيهم المره الجايه شواذ
مفيده برعب / لا لا هعمل اللى تامرى بيه بس ابوس ايدك خرجينى من هنا
سها بضحكه / ههههههه كده احبك اسمعى انتى هتنقلى تعيشى فى شقتى وهيكون مكان نومك المطبخ وكل ليله هتحطى من الدواء اللى هدهولك فى اكل هشام ولما الدواء يعمل مفعوله هخرج انا من اوضة النوم وتدخلى انتى فاهمه
مفيده / فى الحرام لا ارجوكى بلاش حرام
سها بتأفف / خلاص خلاص قولت هخليه يمدى على ورقه زوج عرفى وخلاص غير كده لاما ترجعى لل
مفيده / لا لا موافقه بلاش ارجع ابوس رجلك
سها / خلاص يا جابر شكرا انا هاخده ولو ما سمعت الكلام انت عارف بقى
جابر / متقلقيش والستات جاهزين