رواية موسى الجزء جزء الثاني الفصل الاخير بقلم فريده الحلواني

 - ده تنفيذ وعدك لبابا إنك هتحافظ عليا!

°°°°♡

كُنت بزعق مع مراتى و شدينا فرفعت ايدى عليها لاقيتها قالت الكلمه دى و جريت على الاوضه، قعدت على كرسى الانتريه وقتها جه مسدج ل موبايلها مش من عادتى افتح الموبايل بتاعها بس مجرد فضول ففتحت الموبايل و كان مسدج من كافيه دخلت لاقيتها بتتفق على حفله "لعيد جوازنا بعد اسبوع "، ازاى نسيت يوم زى ده! انا مش اتجوزت مراتى عن حب بس كانت بنت عيله محترمه و اعجبت بيها ف اتجوزتها، اتنهدت بضيق و دخلت اوضه الاطفال نمت 

°°°°♡

بعد ساعه 

- علاء الدين 

فتحت عينى كان صوتها:- نعم 

- متنامش غير اما تأكل الاكل على السفرة اتفضل 

°°°°♡

ابتسمت و قومت غسلت ايدى و قعدت كلت و هى قعدت جانبى تشرب عصير و قالت إنها كلت ،بس انا عارف إنها قولون تَعبها لان عصبتها،بدأت تنضف ليا السمك و تحطه ليا على الارز ،و خلصت و دخلت غسلت ايدى و طلعت كانت واقفه و فى ايديها كوبايه المية و برشامه الضغط خدتها وشكرتها؛و قعدت سمعت التلفزيون ، مفتكرش إن من يوم ما اتجوزتها سابت البيت او حتى علت صوتها او انى مهما ما غلطت "أتاسفتلها" و دخلت نامت ،دخلت بعدها بشويه لاقيتها نامت فظبطت المنبه بتاعها لانها بتحب تقوم تصلى الفجر و المنبه كان برا فبالتالى هى مش ظبطته مسكت الموبايل و خلصت و جيت اقفله لفت نظرى ابلكشين"مذكراتى" مهتمتش حطيت للموبايل جانبها و نمت بس معرفتش و فتحته و بدأت اجيب من الاخر 

°°°°♡

علاء الدين ، كُنت بحكى ديما لصحباتى عن المهندس القمر الى ساكن تحتنا و النهاردة المهندس القمر اتقدم!

قاعدة حضنة مخدتى و بحكيلها من الفرحه 

**- 

يااه اخيرا لبست دبلته فرحانه اووى ♡

**- 

كان باقى المذكرات عن كل ذكرى حصلت بينا لحد بعد الفرح بشهر 

**- 

هو بيعاملنى كدة ليه هو معقول محبنيش،هو انا وحشه!؟

**- 

النهاردة بعد 6شهور من جوازنا روحت لدكتور لان مش حصل حمل طلبت منه يجى معايا لكنه رفض ،اكيد كان مشغول بس لما روحت مع ماما و لاقيت كل الى هناك مع جوازتهم...عيطت

**- 

النهاردة بابا مات و علاء كان مسافر و جه و قام بكل مراسم الدفن و العزا بس محضنيش!

**--

النهاردة عيد جوازنا بس لسا بابا ميت من اسبوع مش قادرة اعمل حاجه بس هعضوها السنه الجايه بإذن الله 

**--

مد ايده عليا 

**-

دية كانت مذكرتها من 9 شهور تقريبا قلبى وجعنى بصيت عليها،الهالات الى تحت عيونها،وزنها الى قل بشكل ملحوظ مهتمتش او حاولت ابين ان الموضوع مش فارق و نمت 

°°°°♡

قمت على صوتها و هى بتدعى 

- يارب أهديه ليا و اصلح حاله يارب 

-^ ليه مجنون انا ولا ايه ؟

- صباح الخير اتوضأ عقبال ما احضرلك الاكل 

°°°°♡

مهتمتش و دخلت غيرت هدومى و صليت و لبست هدومى،كُنت سامع صوتها فى المطبخ بتحضر الفطار،بس قررت افطر مع صحابى فى الشغل فنزلت 

°°°°♡

-^الو يا عنان 

- الو يا حبيبى 

-^ خواتى البنات جاين لماما بليل فَ روحى ساعديها 

-حاضر يا علاء بس عايزة اروح ازور قبر بابا مع ماما النهاردة ذكرى وفاته الاولى 

-^ الحى ابقا من الميت ف اخلصى ى عنان 

- حاضر 

**- 

بعد كام ساعة روحت بيت اهلى و دخلت لاقيت خواتى البنات و امى قاعدين سلمت عليهم 

-^ اومال فين عنان؟

امى:- جوا بتعمل الاكل 

°°°♡

فهمت إنها عملت الاكل لوحدها لاكن مهتمتش و قلت إن دها واجبها خاصه إنها مش بتخدم امى غير فى المناسبات الى زى دي و قعدت مع خواتى و امى و ولادهم

°°°♡

امى - الملوخيه ناقصة ملح يا عنان 

عنان بربكه:- بجد معلش هقوم اجيب ملح 

امى:- لا خلاص بقا هبقا ارميها 

°°°♡

بعد الاكل واقفت و على كتفها الفوطه و فى ايدها برشامه الضغط و كوبايه مية، اخدتهم و واقفت تغسل المواعين و عملت عصير و جت تقدمه فَ داخت و ساندتها 

-^مالك يا عنان 

-: دايخه اوى يا علاء 

-^ طب تعالى ريحى انتى شكلك تعبان

بنت اختى الصغيرة:- خالو خالو مش الى بدوخ بتبقا حامل هيي مرات خالو حامل 

اختى:- لا يا حبيبتى مرات خالك مبتخلفش 

°°°♡

بصيت ل اختى بعتاب،اما عنان ف قامت غيرت هدومها و بعد شويه مشينا عند باب الشقه 

عنان :- ينفع اطلع لماما؟

-^ لاء 

- ليه !

-^ كدة يلا 

بعياط:-- شويه بس 

-^ تمام اطلعى هاجى اخدك بكرة بليل 

°°°°♡

روحت البيت نمت حاولت اعمل لنفسى عشا بس معرفتش فنمت،قومت من النوم متأخر نص ساعه لان نسيت اظبط المنبه "عنان كانت ديما هى الى بتصحينى او صوت المنبه بتاعها، دخلت اغسل وشى و طلعت ملاقتش هدوم جاهزة على السرير كالعادة عشان البسها ف اتنهدت بضيق و فضلت الف حوالين نفسى فمسكت الموبايل عشان ابعت مسدج أسألها البس ايه ف لاقيت اتصالات كتير منها و اول ما فتحت لاقيت مسدج منها 

"صباح الخير يا حبيبى❤

اتصلت كتير عليك عشان تصحا بس تقريبا نسيت الفون سايلنت بس اظن انك صحيت دلوقت،فى قميص كروهات مكوى ورا الباب و بنطلون اسود البسهم و فيه كيك فى التلاجه و لبن سخنه و اشربه، متنساش تصلى قبل ما تنزل 

و خد بالك من نفسك يا حبيبى ❤"

°°°♡

بعتلها ايموشن قلب ، و لبست القميص و كلت و نزلت روحت الشغل و خلصت ورجعت ملاقتهاش زى ما متعود واقفه بإبتسامه تفتح الخير ف وش اى حد و فى ايدها كوبايه عصير، دخلت و فضلت اشتغل على مشروع بقالى مدة شغال عليه و بعدين نسيت نفسى و افتكرت الغدا و طلبت اكل جاهز ، مع إنه من مكان كويس بس الرز و البطاطس من ايدها احلى بكتير، نسيت اخد برشامه الضغط و نسيت هى فين نزلت اشتريت ، و لاقيت نفسى بجرى على بيت حماتى انا بحبها ايوة بحبها، عايز اتأسف ليها عن كل الى شافته منى و اعوضها،وصلت العمارة ولاقيت عربيه اسعاف تحت و اتخضيت و قلبى دقاته وجعتنى لما لاقيت امها نازله بتجرى ناحيتى 

- علاء الحق عنان يابنى نزفت فجاءة يتبع علق ب٢٠ كومنت ومتابعه لصفحتي الشخصيه

الفصل الثاني والاخير

تعديل المقال