رواية شمس والجن العاشق
لكاتب:احمد حسن
الفصل الاول
المجد للقصص والحكايات
الأم .. انتي يازفتة ياشمس مبتشبعيش نوم
شمس .. هووووه ايه ياماما لسه بدري
الأم .. يلا ياجزمة الساعة بقت 9 هتأخري على الجامعة
شمس .. ماشي ياست ماما جاية اهو
جرس الباب يرن
الأم .. افتحي الباب ياشمس
شمس .. انا في الحمام ياماما
الأم .. خلاص رايحة مشفتش حد بيقعد ساعة في الحمام غيرك .. اهلا ملك حبيبتي
ملك .. ازيك ياطنط
الأم .. الحمدلله ياحبيبتي
ملك .. هي الست شمس لسه بتجهز
الأم .. هعمل ايه يابنتي ساعة عشان تصحا وساعة قدام المرايا
شمس .. احم احم انا جيت واضح انكم بتتكلمو عليا
ملك .. اخلصي ياهانم المحاضرة هتروح علينا
الأم .. افطرو الأول حرام مجهودي في المطبخ يروح هدر
ملك .. بصراحة الفطار يجنن وبطني هتوجعني لو مكلتش منه
شمس .. حكمت محكمة شمس العائلية بعدم ترك فطار ماما الحبيبة حتي يخلص عن أخره
الأم .. ادي ال انت فالحة فيه طول ما انتي قاعدة مبتبطليش هزار وضحك
ملك .. هو احنا بس ال هنفطر ؟
شمس .. احم احم اه يااختي هو انتي مستنية حد تاني😂
ملك .. والله ياطنط هضربها شاهدة هي بترخم عليا ازاي
الأم .. 😂😂 اتلمي ياجزمة وملكيش دعوة بصحبتك
محمود .. صباح الخير اسف أتأخرت عليكم
الأم .. صباح الورد ياحبيبي ايه ال صحاك بدري
شمس .. هو مش معادك الساعة 12 بردو ياحودة😉😂
محمود .. اهو لسانك ده ال هيجيبلك الكافيه
ملك .. صباح الخير يامحمود
محمود .. صباح الفل والورد والياسمين و.....
شمس .. حيلك حيلك نحن هنا😂
ملك .. يلا بينا ياهانم احنا اتأخرنا
شمس .. يلا باي ياماما باي نحنوح قصدي ياحضرت الظابط😂
محمود .. ادي دقني إن فلحتي
ملك .. المحاضرة بدأت من ربع ساعة
شمس .. ربنا يستر من الدكتور
الباب خبط
الدكتور .. اهلا اهلا وياترى الهوانم كانو فين
شمس .. في البيت يادكتور
الطلبة .. 😂😂😂😂😂😂😂😂
الدكتور .. كله يسكت بتضحكو على ايه!!
وانتي ياأستاذة شمس هتشيليني ما أنا عارف إنك كنتي في البيت ..إيه ال أخرك ؟
شمس .. كنت بفطر يادكتور
الطلبة .. 😂😂😂😂😂😂😂😂😂
الدكتور .. كله يخرس .. أطلعي برة ياهانم روحي احبسي بكوباية شاي على ما تخلص المحاضرة
شمس .. شاي فتلة ولا عروسة ؟
الدكتور .. بررررررره😣😣
ملك .. عاجبك كده أهو طردنا
شمس .. أنا اصلا مليش مزاج للمحاضرة النهاردة
ملك .. مالك كده ؟
شمس .. تعبانة والله ياملك
ملك .. خير ياحبيبتي فيكي ايه؟
شمس .. طول الليل ما نمتش
ملك .. حب جديد ولا ايه😂😂🤔
شمس .. حب ايه بس والله انتي رايقة
ملك .. امال ايه؟
شمس .. طول الليل حاسة إن في حد في الأوضة
ملك .. ازاي ده؟!
شمس .. مش عارفة حاسة بنفس في الأوضة وحد بيشد من عليا اللحاف وكأن في حد حاضني كل ما أصحى ابص حواليا مشوفش حد
ملك .. تلاقيقي بس كنتي بتحلمي بكابوس
شمس .. أنا مش موهومة ياملك فعلا ده كله بيحصل ومش أول مرة
ملك .. هتقلقيني عليكي ليه
شمس .. يلا بينا نتمشى شوية وبعد كده نروح
فعلا اتمشو شوية وروحت شمس ع البيت وقضت يومها عادي قعدت مع ماما اتفرجت ع التليفزيون وجت ساعة النوم
شمس .. أنا داخلة انام ياماما عايزة حاجة
الأم .. لا ياقلبي تصبحي على خير
دخلت شمس وبدأت تتظاهر إن مفيش حاجة عشان تقوى قلبها وشغلت الهاند فري في ودنها وفضلت تسمع أغاني لحد ما نامت
بعدها بساعتين الكهربا قطعت وكل ال ف البيت نايم حست شمس إن في حد بيشد اللحاف من علي جسمها وهي ترجعه تاني وهو يشده تاني وهي في قمة الرعب ..................................
المجد للقصص والحكايات
إنطلقت صرخات شمس وجت أمها تجري وأخوها محمود وراها
الأم .. مالك ياشمس خير يابنتي!!؟
محمود .. فيكي ايه ياشمس!!؟
شمس .. مش عارفة حاسة إن في حد معايا بالأوضة وبيشد اللحاف من عليا😢😢
الأم .. أستعيذي بالله يابنتي ده كابوس
محمود .. بقا حتة كابوس ياخايبة يخليكي تعملي كده😁
شمس .. لا يامحمود مش كابوس انا كنت صاحية😢 من اول الكهربا ما قطعت
الأم .. بس الكهربا مقطعتش يابنتي!
ىشمس .. ازاي مقطعتش !!
محمود .. مش قولنالك كابوس 😁
الأم .. بطلي أم الأغاني دي ال بتسيبيها شغالة في ودانك وتنامي
محمود .. يلا ياماما سيبيها تنام وخلينا ننام احنا كمان
الأم .. اقري أية الكرسي قبل ما تنامي
شمس .. حاضر ياماما
رغم إن ماما ومحمود كلامهم منطقي وإن فعلا ده ممكن يكون كابوس بس كان في تساؤلات بتدور في دماغي
هو فعلا انا كنت نايمة ؟!
بس ازاي لا انا كنت صاحية
طيب والكهربا ال انا شوفتها قطعت وهي مقطعتش!!؟
واللحاف ال اتشد من عليا وانا حاسة بيه؟!!
اووووف وبعدين انا مفيش قدامي غير إن أصدقهم وإن فعلا ده كابوس
مع ذالك برضو مقدرتش انام الليلة دي وفضلت صاحية لحد الصبح
الأم .. يلا ياشمس اصحي يابت
شمس .. انا صاحية ياماما
الأم .. غريبة أول مرة تصحي بدري!
شمس .. أنا اصلا منمتش ياماما
الأم .. ليه يابنتي!!؟
شمس .. معرفتش انام تاني وانتي عارفة لما بصحى مش بعرف انام تاني
الأم .. طب يلا صاحبتك زمانها جاية
شمس .. لا ياماما مش هقدر اروح الجامعة النهاردة
الأم .. ليه بس؟
شمس .. تعبانة شوية
الأم .. طب قومي افطري
شمس .. مليش نفس سبيني بقا ياماما
الأم .. أنا مش عارفة ايه دلع البنات ده بتاع اليومين دول
شمس .. خدي الباب في ايدك والنبي ياماما
وصلت ملك كالعادة في ميعادها
ملك .. صباح الخير ياطنط
الأم .. صباح الخير ..جيتي في وقتك ادخلي شوفي صاحبتك قال ايه مش هتروح الجامعة النهاردة
ملك .. لاااا انا لايمكن اسمح بكده ابدا انا هدخلها
انتي ابت اشمس
شمس .. ادخلي يانيلة
ملك ..مالك يابت
شمس .. تعبانة اوي والله ياملك
ملك .. خير فيكي ايه !؟
شمس .. الموضوع ال حكتلك عليه اتكرر امبارح اعصابي تعبت
ملك .. كده الموضوع ميتسكتش عليه
شمس .. اعمل ايه يعني
ملك .. لازم تروحي لدكتور نفسي
شمس .. انتي شايفاني مجنونة ياملك
ملك .. لا ياحبيبتي مقصدش بس ده شيئ طبيعي
شمس .. امشي ياملك امشي عشان متفجرش فيكي زي الأنبوبة دلوقتي
ملك .. قبل ما أمشي هو محمود متكلمش معاكي في حاجة
شمس .. حاجة زي ايه ؟
ملك .. إحنا هنستهبل
شمس .. يابت اتقلي ع الواد شوية يخربيتك
ملك .. هو أخوكي خلى فيا عقل
شمس .. 😅😅😂
ملك .. ايوة كده اضحك ياجميل خلي الدنيا تنور😂
شمس .. عالعموم هو كان بيكلم ماما إمبارح في إنه يروح يتقدملك
ملك .. بجد 😍😍😍😍😍
شمس .. يخربيت هطلك يابت الراجل مبيحبش البنت ال بتبقا واقعة عليه إتقلي شويه هتطيريه من إيدك
ملك .. ماشي ياقلبي يلا باي الحق أفطر مع زوجي مقدما😂
شمس .. لا تقيلة تقيلة روحي ياخايبة😁
شوية ومحمود جه
محمود .. عاملة ايه ياحبيبتي
شمس .. الحمدلله يامحمود إيه الشياكة دي؟
محمود .. مفيش أهو تغيير
شمس .. رايح فين بدري كده
محمود .. عندي شوية حاجات هعملهم
ملك .. سيبيه بقا ياست شمس أنا أخرت على جامعتي
شمس .. ااااااه هو انت هتوصل ملك النهاردة
محمود .. اه معدي من عند الجامعة قلت أوصلها في سكتي
شمس .. حيث كده بقا أنا هعد لحد 5 لو لقيتكم لسه هنا والله هقوم أغير هدومي واروح الجامعة
محمود .. اجري ياملك
شمس ..😂😂😂😂😂😂😂
الأم .. انا نازلة اتسوق شوية حاجات للبيت عايزة حاجة ياحبيبتي
شمس .. عايزة سلامتك ياماما
خرجت ماما وبقيت انا لوحدي في البيت قعدت اتقلب يمين وشمال وبرضو مش عارفة انام قمت دخلت الحمام أخد دوش عشان اطلع من المود ال انا فيه خلعت هدومي وشغلت الدوش ونزلت الصابون على عنيا وفجأة المياه قطعت حاولت اوصل للفوطة عشان امسح عنيا وفعلا حطيت الفوطة على وشي وبدأت أمسح الصابون وفي لحظة ما الفوطة على وشي حسيت إن في حد قدامي حاسة بنفسه على وشي في نفس اللحظة الكهربا قطعت وبقيت مرعوبة وخايفة انزل الفوطة .......................... أكمل ولا إيه؟
الكاتب #أحمدحسن
رواية مشوهه في قلب صعيدي