أخر الاخبار

سكريبت صفقة زواج للكتابه سولييه ناصر كامله

 


سكريبت

صفقة زواج 


للكتابه سولييه ناصر 

المجد للقصص والحكايات 

- مش هتجوزها 

- مش هتجوزه 

قولناها في نفس الوقت 

بصيت ليه وانا متضايقة وقلت :

- علي أساس اني هموت وتتجوزني   مثلا !

- انا اتجوزك انتي يا بتاعة البهايم .

وشي احمر وانا بقوله:



-بهايم في عينيك يا بهيم انت...انا دكتورة بيطرية   مش زيك يا بياع الجل والبامبرز

-اسمها دكتور صيدلي


 ولو تحبي افكرك كنتي هتموتي عشان تدخلي الكلية دي بس لانك  فاشلة دخلتي بيطري 


-بس اسكتوا انتوا الاتنين  !

قالها جدي وهو متعصب .

بصيتله وانا بقول :

-جدي اذا كنت فاكر لأني دكتورة حيوانات هقدر اتعامل معاه ....للاسف انا مبعرفش اتعامل مع تيران!

-تيران مين يا جرجيرة انتي .

-اسمي جيجي 

بصلي  بتريقة وقال :

-والله الاسم الرقيق ده كتير عليكي ده حتي جرجيرة كتير عليكي مفروض يسموكي بقرة 


خبط جدي بإيده علي الترابيزة بعصبية وقال :

-ما تحترموني شوية ايه ده .

بصيتله وانا بقول بصوت واطي :

-اسفة يا جدو بس انا مش هتجوزه ولو هعنس!

-وانا مش هتجوزها .لو اخر ست علي الارض .

بصلنا جدي  وقال بحزن :



-براحتكم ...انا مش هجبركم اكيد يعني ....انا بس كنت عايزة اجوزكم عشان اديكم ثروتي وانا مطمن....انتوا اللي فاضليني من ريحة عيالي الله يرحمهم ...وانا قولت انك يا زياد الأولي تتجوز بنت عمك جهاد ..بس خلاص مش هطلب منكم حاجة تاني 

حسيت بالشعور بالذنب ...اهلي واهل زياد ماتوا في حادثة عربية ابويا



 وابو زياد اتجوزوا اتنين اخوات وكانوا مقربين جدا من بعض...في  يوم ركبوا العربية سوا وعملوا حادثة وماتوا ساعتها كان عندي ١٦ وزياد ١٨ وجدو هو اللي ربانا...صحيح انا بحب جدي اووي بس برضه مش هتجوز الخروف ده عشان ارضيه خصوصا اني بحب واحد تاني 

زياد:متزعلش يا جدي مني بس الجواز مش بالإجبار وانا مش بحبها 

جهاد:ولا انا بحبه .




الجد:طيب بس ما تزعلوش لما اتبرع بكل ثروتي للجمعيات الخيرية حتي البيت ده 

زياد وجهاد:اييه ...قصدك ايه يا جدي 

الجد :يعني يا حلوين لو ما اتجوزتوش مفيش ثروة وبعد موتي مش هتلاقوا تأكلوا حتي 

زياد:بس ده ابتزاز 




جهاد:انا متوقعتش ده منك خالص يا جدي 

الجد :قدامكم لحد بكرة وبلغوني قراركم النهائي ..

وقام سابنا ومشي .




قعدت لمدة نص ساعة مكاني وانا مصدومة ...معقول جدي يبتزنا بالشكل ده ...بصيت جمبي لقيت زياد لسه قاعد وبيبصلي بصة غريبة .

جهاد:بتبصلي كده ليه ...اوعي تفتكر اني هرضخ واتجوز واحد زيك .



زياد :شوفي يا جهاد انا مش بطيقك  ولا انتي كمان بس علشان مصلحتنا لازم نتفاهم 

جهاد :قصدك ايه ؟




زياد :قصدي نسمع كلام جدك ونتجوز 

جهاد :نعم اتجوزك انت ...انت! 

زياد :الجواز مني اهون من انك تتحرمي من الثروة دي وتعيشي في الشارع ...وشغلتك مش هتأكلك عيش حاف. 

جهاد:يعني ايه ...يعني هتدبس فيك طول حياتي 




زياد :مش طول حياتك ولا حاجة هنتجوز لفترة بسيطة لحد ما جدك يكتبلنا الثروة وبعد كده نطلق .

جهاد:مستحيل اتجوزك ولو هعيش شحاتة ثم اني بحب واحد تاني 




زياد:طيب ما انا بحب واحدة تانية ورغم كده هضحي لفترة ...حرام ده كله يضيع علينا مش هنعيش شحاتين واحنا في ايدنا تاخد الملايين دي كلها ....




سكت واقتنعت بكلامه ...مفيش ضرر اني اتجوز لفترة بسيطة ولو هيثم بيحبني هيستناني .

بصيت لزياد وانا بقول :موافقة بس بشرط 

زياد:اشرطي 



جهاد:جوازنا يكون علي الورق بس وهنعيش زي الاخوات 



زياد:انا موافق جدا طبعا انا اصلا  بحب واحدة تاني وناوي اتجوزها بعد ما أطلقك. 

جهاد: مش حبيبتك هي رنا البنت اللي بتلعب ملاكمة 

زياد :أيوة هي 

ضحكت وانا بقول :تخيل تقولها انك هتتجوز بنت تانية غيرها دي ممكن تشرب من دمك 

زياد:عيب عليكي ده انا راجل مسيطر خافي بس من اللي بتحبيه سمعت انه مصارع ده ممكن يكسرك لو قولتيلوا .



ضحكت بتريقة وقلت بكدب  :هيثم؟هيثم ده بيسمع كلامي وعمره ما فكر يزعلني حتي .

سكت وانا متوترة وافتكرت اخر مرة لبست جيبة قصيرة والشباب عاكسوني هيثم ضربهم وبعدين نفخني يا تري ايه هيكون رد فعله لما اقوله اني عايزة أتجوز واحد غيره !....

......

رحت الجيم اللي بيشتغل فيه هيثم ولقيته بيتدرب قربت منه وانا بقول :

-ازيك يا كابتن 

هيثم :جيجي وحشتيني ...استني شوية اخلص التمرين ده ونطلع 

-هيثم انا جيت عشان ابلغك بخبر 

-قولي يا حبيبتي .

-هيثم انا قررت اتجوز واحد غيرك 

معرفش ايه اللي حصل مرة واحدة حسيت بكف ايده علي عيني وفورا اغمي عليا .

.....

زياد: رنا حبيبتي تعالي علشان اقولك حاجة .

رنا وهي بتضرب كيس الملاكمة:استني شوية يا زياد .

قرب منها زياد وقال فجأة :رنا انا هتجوز جهاد بنت عمي !

وفجأة ضربته بالبوكس في عينه ...

زياد بألم :اه يا عيني....انا اتعميييت !

#صفقة_زواج

#سولييه_نصار 

الفصل التالي 

تعليقات