القائمة الرئيسية

الصفحات

أخبار القصص

رواية جوزي_وبنت_خالتي_وفي_شقتى_وانا_نايمه لكبار فقط كامله

 👈((❤🌹القصه كامله🌹❤))👉


جوزي_وبنت_خالتي_وفي_شقتى_وانا_نايمه



أنا عندى 27 سنه ومتجوزة من 3 سنين وعندى بيبى وجوزى اكبر منى بـ 6 سنين اتجوزت جواز صالونات عادى هو مهندس صاحب جوز بنت خالتى اللى حصل من 3 ايام كان جوزى مسافر فى شغل واخدتها فرصة اوضب البيت، كان فى حاجات كنت عايزه انقلها وأعيد ترتيبها، وانا بانقل كنبة الانتريه، سمعت ورق بيخشول تحت الفرش اللى من تحت

وسعت شويا وحطيت ايدى، لقيت ظرف فيه ورق قسيمة جواز وطلاق باسم جوزى وبنت خالتى، وتاريخ القسيمه من حوالى سنه ونص، وفيه كارت ميمورى ملزوق فى الظرف من جوه بلزاق ابيض ومش باين، انا شوفت اللزق بالصدفة

حاطيت الكارت فى الموبيل ، لقيت عليه مكالمه متسجلة بين جوزى وبنت خالتى فى نفس الفتره حوالى الساعه 10 الصبح (بعد ما مشيت من عندى)

كلام فظيع صعب ان اى ست تسمع جوزها وهو بيتكلمه، 

هى بتقوله: انا ماعرفش ازاى دا حصل، وبتضحك وتقوله مكناش متفقين على كدا، وفلان (جوزها) لو عرف هتبقى مصيبه وبيتها هيتخرب

وهو بيرد عليها ويقولها: انت حلالى والغلط لو مكناش عملنا كدا، وخدى بالك لو فلانه (انا) عرفت هتبقى مصيبه برضو وبيتى هيتخرب

وبعدين بيسالها على وقت التبويض لا يحصل حمل، وهى بتطمنه ان لسه بدرى على الوقت دا

وبعد كدا بدء يتغزل فيها وتتغزل فيه بكلام اوفر جدا، باسمعه حاجات منه لما نبقى فى اوضة نومنا، ومقدرتش اكمل المكالمة، واتقهرت من جويا، واتفتحت فى العياط يمكن ساعه اتنين تلاته من غير ما احس، واغم على لحد ما فقت لوحدى.


حسيت انى خايفة جدا ومش عارفه اعمل ايه لوحدى، رجعت الكارت مكانه ولزقته زى ما كان وكأنى ما شوفتوش، ولحد دلوقت ما اعرفش عملت كدا ليه، يمكن من هولة الموقف والصدمة والقهر

ورميت الورق والظرف على الارض، ولميت شنطتى واخدت البيبى وروحت بيت بابا، واتصلت بيه قولتله انى لقيت قسيمة الجواز


حاول يبرر ويقول كلام كتير وان الموضوع شكل بس ، عشان ترجع لجوزها بعد ما رمى عليها اليمين، وفعل خير مش اكتر ، ووووووو

مقددرش اقوله انى سمعت المكالمة المتسجلة

واكيد لما رجع ولقى الكارت ملزوق مكانه فى الظرف، اتأكد انى ما سمعتش المكالمة.


----------------------------------------------


هحكى الحكايه من الاول:

انا وبنت خالتى من سن بعض ومن صغرنا مع بعض فى المدرسه من اولى ابتدائى

وسرها معايا وسرى معاها .. انتيمتى يعنى

هى ذكيه وشاطره وحاجه مهمه تانى انها جميله اوى وبيضة وعنيها ملونه وجسمها ملفوف زى الممثلات، ومتعاجبه بنفسها

الحق انا مش فى جمالها ، بس مش وحشه يعنى .. كل واحد بياخد نصيبه

فى ثانوى هى بدأت تركز فى حجات تانى غير المذاكره، ومواضيع الحب والولاد والجواز لحسوا عقلها

عشان بدء يتقدم لها عرسان، وعرسان كويسه جدا وجاهزه، لكن ابوها كان رافض انها تتجوز قبل ما تخلص تعليمها

جابت مجموع دخلت بيه معهد سنتين وانا دخلت كلية كويسه

فى تانى سنه معهد كانت مخطوبه عن حب وفى نهاية السنه كانت متجوزه وهى عندها اقل من 20 سنه وجوزها 23 سنه، عريس من اسره كويسه من ناحية الأصل وكمان مرتاحين ماديا

انا كملت كليتى ولحد ما اتخرجت من الكلية مفيش حد عبرنى ولا خبط على باب بيتنا .. كل واحد بياخد نصيبه


فى يوم من 3 سنين بنت خالتى جات لى زياره واخدتنى على جنب وقالتلى فى مهندس صاحب جوزى وانا كلمته عنك وعن اخلاقك وتعليمك وطيبتك ووووو .. وعايز يشوفك

قولتلها طيب ظروفة ايه ؟ قالتلى هو اكبر من جوزى بـ 3 سنين (يعنى وقتها كان عنده 30 سنه وانا كان عندى 24 سنه) 

وشكرت فيه كتير جدا، فى وسامته وثقافته وخفة دمه ومستواه وووووو... (بطريقة مبالغ فيها) بس انا قولت عشان تقنعنى بيه، 

وقالتلى هو صاحب جوزى، بس انا اللى كلمته عنك، واتفقت معاه انه هو يسأل جوزى عنك كأنه سمع عنك من بره !!!

فانا باقولها ليه ؟ مخلتيش جوزك هو اللى يكلمه ليه ؟ او قولتيله انك كلمتيه عنى ؟

قالتلى جوزى لو قولتله هيقولى دا صاحبى ، ولو محصلش نصيب ممكن يبقى فى حساسية ما بينا بعد كدا، ونخسر الصداقة اللى بينا، ومبيحبش يتدخل فى مواضيع الجواز، وهيكلكع الأمور، ودايما يقولى امشى فى جنازة وما تمشيش فى جوازه.

ولو قولتله انى كلمته هيعملهالى حكاية وهو عصبى خلقة اليومين دول بسبب ضغوط الشغل وووووو

الفايده انها وصتنى ما اغلطش قدام جوزها واقول انها اللى جابت العريس.


اتقابلنا ومن اول ما شوفته حسيت بقبول نحيته، زى ما وصفته لى واكتر

وسيم وجسمه رياضى وكلامه ذكى ولبق وذوق وبيعرف يعامل الطرف التانى كويس جدا ويستذوق ويجامل بكلمات رقيقه غير خادشه ووظيفه كويسه وحاله مادية كويسه

فى خلال 3 شهور كنا اتجونا


بعد الجواز زيارات بنت خالتى وجوزها زادت، ودا امر طبيعى لانى اصبحت متجوزه وجوزى صاحب جوزها

كمان بعد ما هى اتجوزت العلاقه بينى وبينها بعدت شويا، لكن بدأت تزيد بعد ما انا اتجوزت وبقت تزورنى مع جوزها ولوحدها من غير جوزها (شقتها قريبه من شقتى اللى اتجوزت فيها)

وانا كنت بازوها واعدى عليها ورجعت العلاقه بينا والتليفونات زى ما كنا صغيرين 


فى 3 حاجات كانوا مضايقينى، ومكنتش عارفه اعمل فيهم ايه:

اول حاجه: فى بدايه الجواز كانت بتحب تتكلم وتسألنى فى حاجات ميصحش انى اتكلم فيها، وكنت اقولها فى حاجات حرام اتكلم فيها، وهى تصر و لازم لازم تقررنى لولا تهدى وتبطل زن.

تانى حاجه: كانت واخده على جوزى زياده عن اللزوم وبتهزر معاه بزياده، سواء قدام جوزها او لو جوزها مش موجود، ولما جوزها مش موجود يبقى الهزار بزيادة وممكن باللمس.

ولما اتكلمت مع جوزى ان دا بيضايقنى، قالى انه بيعتبرها اخته، وانه يعرفها من قبلى، وطلعنى سيئة الظن (اساسا فى اى حوار مع جوزى بيركبنى الغلط عن اقتناع، عنده طريقة للاقناع والسيطره غير عادية).

تالت حاجه: لما كانت بتحصل خناقة بينها وبين جوزها كان جوزى اللى بيتدخل للصلح، وممكن الموضوع يقعد بالأيام، يكلم جوزها وجوزها يشتكى له منها، وهى تكلمه وتشتكى له من جوزها، (وحصل انه حكى لى فى خناقة ما بينهم جوزها رمى عليها اليمين، قالى بس ما تقوليلهاش ان حكيت لك.) ويروح لهم البيت لحد ما يصلح بينهم، وبعدين يعزمونا او نعزمهم بمناسبه انهم اتصالحوا ووووووووو والموضوع دا بقى بيتكرر كل 4 او 5 شهور.


فى خناقة منهم من حوالى سنه ونص كانت فى يناير اللى قبل اللى فات، كانت هى زعلت واخدت اولادها ولمت حاجتها وقعدت عند بيت ابوها حوالى 6 شهور قبل ما ترجع بيتها. (دى اللى حصلت فيها المصيبه، بس وقتها ما كنتش اعرف طبعا اللى بيحصل من ورايا، ومكنتش مديه خوانه.).

وقتها روحت لها كذا مره وحاولت اقنعها ترجع بيتها ، وهى كانت رافضة وكانت بتقول الحياه معاه مستحيله

ورغم انى مضايقة من تدخل جوزى فى خناقاتهم، الا انى طلبت منه يتدخل، ورد على رد غريب: قالى مش هاتدخل دلوقت سيبيها كم شهر فى بيت ابوها عشان يتأدبوا ويبطلوا حركات العيال دى ! (كان عارف ان جوزها رمى عليها اليمين لتالت مره، وما طبعاً ما قالوليش عشان هما التلاته كانوا متفقين ان جوزى يبقى المحلل وترجع لجوزها، من غير ما اعرف).

بعد حوالى 3 شهور فى يوم قالى هاحاول اصالح فلان وفلانه عشان الموضوع كدا طول وممكن يقلب بمصيبه

قولتله يا ريت دا انا حاولت اقنعها بكل الطرق لكن منشفه دماغها ومش عارفه هى عايزه ايه. (انا وقتها مكنتش اعرف انه طلقها، وانهم عملين على تمثيلية)


بعدها بكام يوم قالى المشكله ان واحنا عندهم بنحاول نصالحهم حماه غلط فيه فى الكلام وهو مش طايق يروخ عند حماه البيت، وانه هايعزمهم عندنا النهارده على العشا عشان يبقى فى فرصة انهم يتصافوا من غير ما ابوها يقويها على جوزها.

وفعلا، فى الليله دى عملت عشا، وهما اتعشوا عندنا وكان متأخر جدا، خلصنا العشا بعد الساعه 12 باليل

وقعدنا مع بعض فى الصالون نتكلم ونحاول نصلحهم ونحل المشكلة للساعه 3 باليل

وبعدين انا مقدرتش اسهر اكتر من كدا وتعبت وقعادى ملوش لزمة، وعمالين يعيدوا ويزيدوا فى كلام تافه، فقمت عملت لهم قهوه وقولتلهم استأذنكم عشر دقايق اعمل اكل للبيبى واكلة، واتسحبت ودخلت نمت. (طبعا جوزها مطمن انى موجوده، فجوزى مش هيقدر يختلى بيها، وفى التسجيل عرفت انه قال لجوزها اتفضل انت امشى دلوقت عشان شرعا ابقى اختليت بيها ولو دقيقة، وثق فى ودى اختى والكلام دا، وووووو، وجوزها مشى وهو معتقد انى باكل البيبى ورجعه بعد دقايق، وانا كنت وقتها فى سابع نومه)


حوالى الساعه 6 لقيت جوزى بيصحينى بيقولى بنت خالتك هتبات معاكى الليله دى

فا باقوله الساعه كم وحصل ايه عشان تبات ؟

قالى اتخانقوا تانى ، وما وصلناش لحل ، وطالبت الطلاق ، وهو كان هيرمى عليها اليمين .

فاخدته من ايده قعدته فى الصاله وهى قاعده فى اوضة الصالون.

انا قمت لسه هالبس الروب عشان اخرج لها، قالى لا لا .. خليكى انت زى ما انت متغيريش، وما تتطلعيش من اوضة النوم غير لما تسمعى الباب بيتقفل.

انا هاخده وانزل اوصله بالعربية، واول ما تسمعى صوت الباب اتقفل، اطلعى لبنت خالك خديها من الصالون وخليها تفرد طولها شويه

وقالى انا مش هارجع بعد ما هاوصله البيت، هاطلع على الشغل على طول ، وهاتصل بيكى قبل ما ارجع


بعد ما الباب اتقفل خرجت لقيتها قاعده فى الصالون ومرضيتش تنام، لحد الساعه 9 كانت الشمس طلعت والجو دفى شويا، خدت بعضها ومشيت رجعت على بيت ابوها (الوقت دا اللى كلمت جوزى المكالمة المتسجلة)، وانا دخلت كملت نومى.

وبعدها بحوالى 3 شهور اتصالحوا ورجعت بيتها ومن وقتها ما اتخانقوش تانى. 


----------------------------------------------


تسلسل الاحداث الحقيقى اللى من ورى ضهرى:

فى خناقه من ست شهور بين بنت خالتى وجوزها، وجوزها رمى عليها اليمين لتالت مره

اتفقوا ان جوزى يبقى محلل فى السر من غير ما حد يعرف من اهله او اهلها ولا حتى انا

كتبوا الكتاب فى اليوم اللى اتعشوا فيه عندنا

والليله اللى باتت فيها عندنا كانت ليلة دخلتها هى وجوزى

الست او سبع شهور اللى قعدتهم فى بيت اهلها، كانت عدتها من جوزها الاولنى، وعدتها من جوزى عشان طلقها فى نفس اليوم


جوزى مستمر فى الكدب لحد دلوقتى ومصر انه لم يختلى بيها فى الوقت من الساعه 3 للساعه 6 الفجر اللى كنت نايمه فيه، لان جوزها كان موجود ومكنش عايز تحصل حاجه ما بينهم وفضل معاه ونزلوا مع بعض لحد ما كلمها واتاكد انها وصلت بيت ابوها. (لانه ما يعرفش انى سمعت التسجيل، وعارفه ان جوزها مشى من عندنا وسابهم بعد ما انا سبتهم بخمس دقايق، واختلى بيها تلات ساعات خلوه شرعيه، واخذ حقه الشرعى منها باعتبار انها مراته فى الليله دى).


انا عند بيت اهلى من 3 ايام وبعد ما كلمته فى الموبيل قفلته وهو كل يوم بيجى وانا بارفض اقابله

ودى اول مره من اول ما اتجوزت ازعل واسيب البيت وارجع بيت اهلى


ولحد دلوقتى محدش يعرف من اهلى ايه سبب المشكله

واكيد كلم بنت خالتى وقالها انى عرفت موضوع المحلل وشوفت العقد، وانى معرفش موضوع الحق الشرعى (عشان اساسا اكيد بنت خالتى متعرفش انه مسجلها المكالمه دى).

بنت خالتى اتصلت على تليفون ماما وانا رفضت اكلمها، وماما بتقولى دى عايزه تجيلك، قولتلها قوليلها انى متضايقه ومش عايزه اقابل حد، ولما اهدى هاتصل بيها. انا اساسا مش طايقه اسمع اسمها.


اعمل ايه، لو حكيت لاهلى، الاكيد الاكيد هيتخرب بيت بنت خالتى، ودى مش فارقة معايا اوى، بس هتبقى فضيحة فى العيله، وفرقه ما بين ماما وخالتى، وماما مالهاش الا خالتى من الدنيا، وخالتى ملهاش الا ماما، وانا بحب خالتى زى ماما، ويصعب على اقاطعها، وواكون السبب فى فرقه ما بين ماما وخالتى.

ومش طايقه اسمع اسم جوزى، عشان كنت باحبه، لو مكنتش باحبه مكنتش ابقى موجوعه كدا، على رأى المثل (الوجع على كد الحب).

دا غير احساسى بالغدر والخيانه من اقرب الناس لى.

مش عارفه اعمل ايه ؟


تفاعلوا معها بصدق ومتابعه لحسابي لمتابعة اخطر المشاكل وحلولها

عملنا للاسف مجموعه لربات البيوت وحلول المشاكل لكنها ما زالت بدون متابعين ولا اعضاء حتى الان وساعود لنشر بعض المشاكل وحلولها علي صفحتى الشخصيه فالمشاكل واقعيه يحكيها من عايشها ونحن بدورنا نبحث لها عن حلول ونأخذ منه العبره حتى لانقع في نفس المشاكل..👉👉


انتهت قصتي ولم تنتهي محبتي..👇👇


اذا اتممت القراءة علق بتم وسجل متابعه لصفحتي الشخصيه حتي يصلك اشعار عند نشر القصص والروايات ملحوظه لن تصل القصص والروايات إلا للمتابعين فقط.

الجديد

تعليقات