💦السهيل العابر 💦
💦بقلم :سهيلة حجازى 💦
💞الفصل الرابع عشر 💞
💞مناقشة مشكلة اجتماعية 💞
حوار جدلي تناقشه لين أصبح هذا الحوار اليوم مشكلة لمن لا مشكله له و هم كل إنسان.
عمر : Please, Leen.
لين : ممكن تتكلم بالعربي و تعتز بي شويه؟!
عمر : إيه ده هو أنت من جماعتهم؟!
لين بسخريه : إيه ده هو أنت قسمتنا جماعات و فرق يا عمر؟! على فكره أنا بتكلم ست لغات غير العربي يا عمر و مع ذلك أفضل إني استخدم العربي عن أي لغة تانيه.
عمر : بس أنت كده تبقى زيك زي الفلاحين بالظبط.
لين بحزم : و ماله.. مش عيب، مالهم الفلاحين؟!
عمر : مش قصدي، أنت بنت لواء و عيشتي في أماكن modern و دخلتي مدارس international.
لين : عارف احنا اللي بنعمل الفرق ما بينا و ما بين الناس، و احنا اللي بنعمل المجتمع طبقات و بنفرق ما بين بعضنا.
عمر : أنا متعود أتكلم بالإنجلش، وأصحابي في النادي كلهم بيتكلموا انجلش.
لين : ده بقى اسمه الخروج عن المألوف، مش معنى إني أكون إنسان متحضر و منفتح إني استخدم لغة غير لغة بلدي و اعمل كل حاجة غلط من وجهة نظر المجتمع علشان ابقى أنا الوحيد المتحضر المنفتح محب الحرية.
عمر : بس الناس التانيه عندهم حاجات كتير بيعملوها احنا بنقول عليها تخلف.
لين : زي إيه؟!
عمر : بعيدا عن اللغة مثلا البنات في أي محافظه تانيه لو شاب طلب يخرج معاها بترفض و تقول مينفعش، أنا أهلي ربوني علشان أرفع راسهم مش اخليها في الأرض، كأنها بتعمل حاجه غلط و حاجه حرام، على عكس هنا تماما في القاهره الموضوع عادي ممكن يعملوا علاقات جسديه مع بعض و عادي جدا.
💞بقلم :سهيلة حجازى 💞
لين : عارف اللي أنت بتقول عليهم فلاحين دول هما الصح و احنا الغلط يا عمر.
عمر : يا سلام، ده اللي هو ازاي؟!
لين : يعني مثلا أنت ترضى إن أختك تعمل علاقات حتى غرامية مع شباب و تقابل و تقولك أصلي منفتحه و متحضره؟!
عمر : لأ طبعا.
لين : أنت مرضتش لأختك إنها تعمل كده، ليه بقى بترضي لنفسك إنك تضحك على البنات و تخدعهم تحت مسمى الحب و الإنفتاح، مفكرتش فمره إن أختك ممكن يتعمل فيها اللي أنت بتعمله فبنات الناس و لو متعملش فأختك بكره تتجوز و ممكن مراتك يحصل معاها حاجه زي كده، و لو مش مراتك بنتك.
عمر : لأ أنا مضربتش حد على ايده أنا اتكلمت معاها و هي اللي فتحت الطريق قدامي بنفسها مغصبتهاش على حاجه.
لين : ما هو برده هيقول نفس كلامك ده و مش هيغيره.
عادل : ممكن نقعد ناكل و تكملوا المحاوره دي على الأكل؟!
لين : طبعا يا عادل باشا.
عادل : على فكره لين كلامها مضبوط.
عمر : بس يا بابا الناس الفلاحين دول كل حاجه عندهم لا لا، مينفعش أنا اتربيت على كذا، أهلي كذا...
لين : ممكن أرد يا عادل باشا.
عادل : اتفضلي طبعا.
لين : و مالوا فلاحين... فلاحين، أنا تعرف إن الفلاحين دول بيمثلوا ٧٥٪ من المجتمع، و على فكره لو أنت بتسمي الناس اللي عندها عفه و أخلاق و شرف فلاحين فاحنا شرف لينا إننا نبقى فلاحين و كمان هما صح مش غلط.
عمر : يا سلام، يعني احنا اللي غلط؟!
لين : ايوه طبعا غلط و ألف غلط، يعني تضحك على البنت بإسم الحب و تعشمها بحبك و بعد ما تسلب منها أعز ما تملك تسبها و تروح تدور على واحده تانيه تلعب عليها نفس اللعبه و بنفس التكنيك.
عمر : بس هي راضيه بكده.
لين : اه، هي رضيت علشان سيادتك خليت الدنيا قدامها حلم وردي جميل مش هتفوق منه غير بعد ما تكون خلاص وقعت فالمصيده.
عمر : بس في ناس بيحبوا بعض؟!
لين : لحظه، ده مش حب، الحب إنك تتمنى للشخص اللي أنت بتحبه الخير تحافظ عليه و تحترمه، تدخل بيته من بابه مش من الشباك، الحب بيعصم من الخطأ مش بيخلي الناس تقع في الغلط.
عمر : بس أنا أعرف ناس بيحبوا بعض و الموضوع عادي.
لين : الحب اللي أنت بتتكلم عنه ده غلط لا أخلاقك و لا قيمة و لا دينك ولا العادات والتقاليد اللي أنت أتربيت عليها تسمح به، متنساش إنك في مجتمع شرقي مش فأمريكا أو أي دولة أجنبيه.
💞بقلم :سهيلة حجازى 💞
عمر : اه، ما هي دي الكلمه اللي البنات اللي من الفلاحين بيقولوها.
لين : رجعنا تاني للفلاحين؟!
عمر : سوري، نسيت إنك واحده منهم.
لين : على فكره ده فخر و شرف إني منهم على الأقل بعرف أحافظ على نفسي و كمان الرخيص للرخيص و الغالي للغالي.
عمر : تقصدي إيه؟!
لين : بص اللي بيجي سهل بيروح سهل و دي حقيقه أصل أنت عمرك ما هتتجوز واحده سلمت نفسها ليك و لما هتفكر تتجوز هتقول أنا عايز واحده محترمه مكلمتش شباب، عفيفه طاهره، عمرك ما هتفكر تاخد اللي سلمت نفها ليك حتى لو كان أبوها ملياردير.
عمر : دي حقيقه، لأني مش ضامن إن اللي سلمت نفسها ليا دي سلمت نفسها لحد غيري ولا لأ.
لين : حتى لو لأ أنت مش هتاخدها لأن اللعبة خلصت وأنت هتمل منها فهتحب تغير و أنت ما شاء الله شاب وسيم و غني و والدك رئيس الوزراء يعني الدنيا حلوه، و حتى لو فكرت تتجوزها هتشك فيها كل ثانيه هتخونها ومش هتبقى حياتك مستقره.
محمد : لين حكيها صح ميه بالميه لأن ما في رجل بيرضي يتجوز واحده سلمت حالها له بدون جواز.
عادل : كلامكم مظبوط و لين صح و بتمثل معظم البنات اللي بالمجتمع و بالأخص اللي بالمحافظات الأخرى.
عبدالرحمن : لين صح، الغالي للغالي و الرخيص للرخيص، أصل عمر الغالي ما ياخده الرخيص و عمر الرخيص ما ياخده الغالي، واللي بيجي سهل بيروح سهل واحنا أهلنا ربونا زمان على إن ده صح و ده غلط واحنا نقلنا لأولادنا وفهمانهم، و أنا بفتخر إن بنتي على الطريق ده وإنها بتفتخر لما يتقال عنها فلاحه رغم إنها متحضره جدا و عاشت وسط الناس الهاي زي ما بنقول.
💞بقلم :سهيلة حجازى 💞
❤️❤️❤️❤️❤️❤️