روايه عشريني متخصص ارامل الفصل الثالث بقلم هويدا زغلول
رواية عشريني متخصص ارامل
روايه عشريني متخصص ارامل بقلم هويدا زغلول
عشريني متخصص ارامل الحلقه الثالثه
بقلم هويدا زغلول
عشريني متخصص
وفي الوقت ده ماما قالت ليه
الام _ عايزك تاخد منها البيت والأرض وكل حاجه
ادهم _ بس انا مش مادي. ولا بتاع فلوس
الام _ ومين قال لك انك هتاخدهم ليك انا عايزاهم ليا انا باسمي ده المؤخر بتاعي
ادهم _اللي تؤمري بيه يا ست الكل انا هعمله ليكي
الام_ تمام وإنا موافقه تجيب ليا الورق
وانا اتجوزك علي طول
ادهم _ اوعدك ان الورق هيكون معاكي الخميس الجاي علشان بصراحه انا عايز
نتجوز بسرعه وبعدها مشي
وفي شقه شويكار دخل ادهم وكانت شويكار
قاعده وبعدها قامت وقفت وقالت
شويكار _ كنت فين يا ادهم عايزك
تجيب قفل كبير سيد جالي وكان عايز
يعمل فيا زي ما عملت فيه
ادهم بكل برود قالها _ سيد مين اللي جالك
يا شويكار اهدي كده واعقلي
شويكار _ هو انت فاكرني بخرف صح لا انا بتكلم الحقيقه جالي هنا وفضل يقولي أن هو بري
ادهم _ اه شكلها راحت منك علي الاخر بقولك
اي انتي مش عايزه سيد يجي ليكي تاني
صح
شويكار _ اه أنا عامله اقولوا سامحتك
وهو مش راضي يسمع كلامي
ادهم _ خلاص تيجي معايا الشهر العقاري
بكره وبتكتبي البيت ب اسمي وأنا هروح
ليه واقولوا خد دول واياك تيجي ليها تاني
شويكار _ انا خايفه أنام لان بصحي القي
واقف قدامي علي السرير
ادهم _ منا قولتك اهو اكتبي البيت ليه
وهو هيبعد عنك خالص
شويكار _ ولما اكتب البيت ب اسمه
هعرف انام حاضر هعمل كده بس هو
ازاي لسه عايش ده راح قدام عنيا
ادهم _ بس بقي انتي عايزه حد يسمع
انك اتفقتي مع واحد يخبطه بالعربيه
ولا اي
شويكار _ لا لا مش عايزه حد يعرف
حاضر هسكت خالص اهو وبعدها دخلت الاوضه
ادهم _ حلو اوي الكلام ده الحق بكره
بقي اخد منها كل حاجه قبل ما عقلها يروح
خالص وفعلا راح مع عمتي الشهر
العقاري واخد منها كل حاجه وبعدها جه البيت
وفتحت ليه
ملك _ انت هو ايه اللي جابك هنا وعايز مننا ايه ثاني
ادهم _ بعد اذنك يا انسه ملك انا كلامي مش معاكي كلامي مع مامتك هي فين ، ولقيت
ماما خارجه من الاوضه بفستان احمر وبتقول
الام _هو انت جيت يا ادهم تعالى ادخل مالك واقف على الباب ليه كده وبعدها دخل وانا
كمان
ملك _هو في ايه ماما بالظبط انا ممكن اعرف ده هنا ليه وبيعمل ايه
الام _ها يا ادهم عملت اللي اتفقنا عليه
وبعدها طلع الورق وقالها
ادهم _ عيب عليك لما تقوليلي الكلام ده كل حاجه بقت تحت امرك
ملك _هو في ايه بالظبط انا مش فاهمه حاجه ورق ده ماما اللي جايبه ليكي انا مش عايزاك تامني للبني ادم ده ده مش كويس خالص
الام _ عيب عليك يا ملك لما تقولي على جوز مامتك كده ادهم من بكره هيبقى جوزي
ملك _ انتي بتقولي اي ده لايمكن يحصل
ابدا هو انت عايز مننا اي لا انت يستحيل
تكون انسان
الام _ ملك اتكلمي معاه بطريقه احسن من كده
اقعد يا ادهم
ملك _ لو هو فضل هنا أنا همشي
لايمكن افضل في مكان واحد ما البني
ادم ده
الام _ برحتك اللي انتي عايزه اعملي وبعدها
مشيت من البيت. وادهم قال
ادهم _انا مش حابب اعملك مشاكل بينك انتي وملك لو عايزاني اقف جنبك من غير جواز انا ما عنديش مشكله
الام _لا لا انا موافقه علي جوزنا بس نسافر عند شويكار وبعدها فعلا تم الفرح وماما سافرت
واول لما دخلت شافت عمتو شعرها منعكش
وقالت
شويكار _ هو انت مش خدت البيت والارض مني علشان سيد ما يجيش هنا تاني سيد كان موجود الصبح ايه ده هو انت هنا بتعملي ايه
الام _ انا هنا في بيتي مع جوزي يا شوكار اصل انا اتجوزت ادهم
شويكار _ لا لا لايمكن يكون حقيقه خالص
أنا مش قادره اصدق
معقول اتجوزت عليا يا ادهم
ادهم _ عليكي مين انا اصلا متجوزك
علشان اكون قريب من دعاء ست الكل
وبعدها باس ايد ماما
الام _ والحساب بينا لسه مش خلص
يا شويكار وهاخد حقي منك
شوريكار _ والله هو اللي قالي اعملي كده اياك تسمعي كلامه ابعدي عنه احسن
الام _ اطلعي برا ومش عايزه اشوف وشك
هنا هنا تاني يلا من هنا وبعدها خرجت
عمته من البيت وانا كنت في بيت
هاله صحبتي وكنا قاعدين في الصاله
ودخل احمد اخوها
احمد _ مساء الخير ازيك يا ملك عامله ايه
اي ده مالكم شكلكم عامل ليه كده
هاله _ اهو جاي اللي هيحلك مشكلتك اقعدي يا مفتش كرومبه انت اللي هتعرفلنا الشخص اللي احنا عايزين نعرف معلومات عنه ده هيطلع مين
احمد قعد وقال _ خير يارب فيه اي قولولي
وبعدها قولنا ليه علي كل حاجه
احمد _غريبه الموضوع ده طيب واشمعنى يعني عمتك ومامتك
ملك _ انا مش قادره افهم اي حاجه وحاسه ان بابا راح كده بفعل لفاعل مش قضاء وقدر
احمد _ الكلام ده كبير يا ملك ما ينفعش تتكلمي فيها لما تكوني متاكده على العموم اديني عنوانه وانا هحاول اعرف عنه اي حاجه
ملك _ هو قاعد في بيت عمته دلوقتي وماما كمان معاه مش عارفه هما ناويين على ايه مش عارفه ليه اصلا ماما وافقت تتجوزوا
احمد _ على العموم انا هحاول اعرف لك اي حاجه عن الموضوع ده متشغليش بالك انتي وبعدها
قومت وقفت وقولت
ملك _ طيب انا همشي بقى وهبقى اكلمك في التليفون يا هاله تبقي تعرفيني عملتوا ايه
هاله _ خدي بالك من نفسك يا ملك علشان انا مش بقيت مرتاحه للراجل ده
ملك _ ربنا يستر يا حبيبتي مع السلامه وبعدها
مشيت وراحت هاله جمب اخوها
هاله _ ايوه يا عم المفروض تشوفني بقى انا اللي عملت الموضوع ده علشان تكون قريب ليها وتتكلم المره دي قبل ما تتخطب ثاني لحد
هو انت ليه مش عايز تقولها انك بتحبها
احمد _ كل شي بوقته يا هاله
وفي بيت عمتي كانت قاعده ماما علي السرير
ودخل ادهم قالها
ادهم _ انا هخرج يا حبيبتي اجيب اكل تحبي حاجه معينه اجيبها
الام _ لا بس ما تتاخرش عليا البيت في وسط غيطان وانا بخاف منه بصراحه
ادهم _ مش عايز اسمع كلامه بخاف دي
حاضر مش هتأخر وبعدها مشي وماما
كانت وافقه قدام المرايا وبعدها شافت
بابا واقف قدام الاوضه وقالت
لقراءه وتحميل رواية عشريني متخصص ارامل كامله هنا 👇👇
ولحد هنا تكون خلصت حلقتنا