رواية فارس الحي الشعبي الفصل الرابع عشر بقلم اميره اسامه

 رواية فارس الحي الشعبي الفصل الرابع عشر بقلم اميره اسامه 

رواية فارس الحي الشعبي بقلم اميره اسامه 

رواية فارس الحي الشعبي الفصل الرابع عشر 

رواية فارس الحي الشعبي

#فارس الحي الشعبي

البارت الرابع عشر.

رجع فارس... في وقت متأخر

عمر.... انا هروح بقي يارجاله مش شايف ادامي خلاص... وبكره عندنا شغل

زين... مش قادر فعلا مش عارف ازاي هصحي الصبح..

فارس... لا ولله امال لو مكنتوش صاحيين عالمغرب .

ادهم... لا ولله انا وزين صاحيين عالضهر كده.. واعدت معاه عشان اعرف هتعملو ايه..😂😂بس ايه رأيك فاجئتك صح..

فارس... كنت واثق اصلا انك جاي...مش عشان اخويا وجدع وبقي وكده.. انما عشان انت لزقه😏😏

ادهم ....انا لزقه انا حتي بحبك..

فارس... يلا يلا علي فوق...

عمر.... بقولك ايه انا هطير انا مش قادر اقف.  بس بكره لينا اعده قبل ما نسافر..

فارس.... انا ولله ما عايزك تيجي معايا يا عمر..

انا مش فاهم ازاي هنسافر احنا الاربعه ونسيبهم هنا كلهم لوحدهم...

عمر... في ايه ياعم هي اول مره..ما كل عرض ازياء بنسافر سوا..

فارس... ربنا يسترها انا مش مطمن اننا نسيبهم كلنا..

زين... ليه القلق بس.. ما عادل الله يجحمه اتقبض عليه هو وصحابه..وادي چون مشي من ساعتين تقريبا واتأكدنا بنفسنا.. ان الطياره طلعت. 

فارس... يارب تمشي..زي ما انا عايز... ..عمر انا ماشي نكمل بكره .. ولف ضعرو ومشي... تصبحوووو علي خيررررر

فارس... واللي يسمع صوتك يجيله خير منين غور يلا.. وطلع فارس هو وزين ..وادهم

زيننننن.شكلهم نامو ولا ايه..

ادهم...اكيد الصبح بيطلع ياعم

زين ...سما اتصلت بيا كتير اوي مردتش عليها... ده بكره هيبقي نكد ازلي.

ادهم.... وانا كمان سمر اتصلت بيا كتير..

زين....بانتباه نعمممممم

فارس.... ألللللبس يا ادهم

ادهم...لا ياحبيبي تخيلت تخيلت انها بتتصل بيا😁😁😁

زين....ماشي يومك انت وهي ازرق ..

ادهم... وهو ماسكه حاضنه من دماغه..وبيبوسه مش ناوي بقي تجوزهالي..

زين.... اوعي سيب دماغي وفلاش بوس الله يقرفك..

فارس.... يلا يا ادهم ادامي... البيت هيصحي علي صوتكم ..

زين.. وصل ادام شقته.. يلا تصبحو علي خير...

ادهم.. بصلو من الترابزين بتاع السلم..   وانت من اهله يا اخو مراتي ياحبيبي..

زين....حدفو...بالمفاتيح..

ادهم .... مجتش فيااااااا..امسك... وحدفلو المفاتيح...وقعت تحت خالص...

زين... الله يخرب بيتك...والله لا انت ناول تجيبها....

ادهم جري بسرعه علي فوق ولحق فارس. اللي وصل ادام شقته..

زين.. وحيات امي الصبح لاهضربك... ونزل تاني يجبهم..

ادهم.. فتح الباب... ودخل

فارس... حد صاحي...

ادهم... لا ميتهيأليش.....

فارس...يلا ادخل تصبح علي خير..

ادهم... وانت من اهله..وقفل ادهم .. وفارس.طلع...

فضل واقف ثواني ادام باب فريده...اللي من الصبح بتتصل بيه وهو اما يكنسل او ميردش...

طلع فارس...علي شقته اللي كانت عباره عن تفتح الباب وتدخل علي سطح كبير واسع. فيه اعده شيك  وداخل السطح ده باب يتفتح تكون داخل الشقه ...

فتح ... فارس..  الباب...الاول ودخل عالسطح ومشي باتجاه الشقه... لقي صوت...من وراه.... كنت فين كل ده..

فارس... اتخض جامد... وبص وراه.. لقاها فريده...كانت اعده عالكرسي وهو مكنش شايفها..

فارس.... حرام عليكي وقعتي قلبي

فريده...ايه ده غريبه انت بتختف زينا..

فارس... ايه حكايه زينا زينا اللي كل شويه تقوليها دي...

هو حضرتك شايفه اني مش بني ادم...

فريده.. لا مش قصدي..بس شكلك ميدلش انك ممكن تخاف اصلا انت شكل يخوف اي حد يفكر يأذيك..

فارس... برفعه حاجب... ده مدح ولا زم🤨🤨

فريده... ولا ده ولا ده..ده وصف..

فارس..  احمدي ربنا انك كنتي بعيد عني وانتي بتنادي عارفه لو كنتي قريبه كان زماني عملت فيكي عاهه مستديمه.. بصي عشان تكوني عارفه اكتر حاجه بكرهها ان حد يحاول يخضني او يعمل مقالب ..انا مره كسرت دراع ادهم...

فريده... بخوف.. ظاهر علي وشها.. الحمد لله ان كنت بعيده..

فارس... بضحك... المهم... ايه اللي مطلعك هنا..

فريده... رجعت كشرت وشها.. كنت فين واتصلت بيك كتير مش كنت بترد..

فريده... اولا اسف كنت في اجتماع شغل مهم جدا بنعمله قبل مانسافر بعد بكره... ومعرفتش ارد ولله وخلصت ومشينا علي طول ومرضتش اتكلم ادام الشباب قولت اكلمك لما ارجع..بس ايه وحشتك.. 

فريده... لا مش وحشتني...بس كنت عايزه انام...ومش عارفه انام لوحدي.🙄 وبعدين سفر ايه😳

فارس....اااااه مصلحه يعني.

فريده... بالظبط.. سفر ايه..

فارس...  انا رايح امريكا بعد بكره.. عندي عرض ازياء 

فريده... عرض ازياء ؟؟؟هو انت شغال ايه بالظبط 

فارس.... حضرتك لو تسمعي عن توكيل ديموند ... انا صاحبه وكل سنه بيتعمل اكبر عرض ازياء واكيد مليش انا في شغل عروض الازياء دي... بس زي ما المودل بتلبس هدوم اكيد بتلبس اكسسوري وده بقي الجزء اللي يخصني...

فريده....اااااه فهمت... فارس . هو انت غني كده بجد..

فارس... ايه مش باين عليا بردو 🤨🤨🤨ولا جنابك شايفه ايه...

فريده... لا اصل بحسك عادي جدا ومش رخم زي الناس الغنيه جدا..

فارس... هو بابي غني ولا نص نص...

فريده... لا طبعا بابي ثروته كبيره جدا.. طيب بابي عادي ولا زي الناس الغنيه الرخمه..

ابتسمت فريده.. علي تكراره لكلامها..

فارس... مش كل الاغنيا وحشين يافريده.. في منهم ناس متمسكه باصلها ومعدنها وعادتها وتقاليدها..ومساعده غيرها واحساسها بغيرها...يعني مش كل الناس زي بعض..زي ما في فقراء بردو في فقير معترض علي عيشته فا ممكن يسرق يقتل يأذي اي حد في مقابل انه يجيله فلوس..وفي فقير عنده عزت نفس لو اتوزعت عالعالم كله هتكفي وتفيض.يعني باختصار صوابعك مش زي بعضها.

فريده... بصاله بتركيز ومبسوطه من كلامه جدا..

فريده... كلامك حلو اوي يافارس

فارس. كلامي بس 😉😉😉🔥

فريده... فارس... هو انت ممكن تشوف بابي هناك...

فارس.. محبش يشغل دماغها ولا يقلقها وحب ينفي الفكره دي تماما..

فريده... لا طبعا يافريد... ببباكي مينفعش يظهر غير لما يكون معاه دليل برائته وبعدين انا رايح في شغل..هبقي مضغوط جداا مش هعرف. .

فريده...بحزن ماشي 

..فارس.....طيب يلا انزلي قبل ما رحمه تصحي 

متلاقكيش وتعرف انك هنا وتطين عيشتك..

فريده... ماشي متتاخرش. عليا...

فارس .. هاخد شاور بسرعه واخرج اكلمك..

فريده...اوك..

نزلت فريده...براحه..

وفارس... دخل عالحمام قلع عشان ياخد شاور..

فريده.. نازله زي الحراميه...واخيرا وصلت عالباب...وهوووووووب افتكرت انها مخدتش مفتاح وهي طالعه فوق🙈🙈🙈🙈🙈..... فريده..ياخبر انا هدخل ازاي الوقت مش هقدر اخبط وكلب البحر اللي اسمها ريم لو الدنيا اتطربقت مش هتقوم من النوم.. وطلعت تاني براحه لفارس....

فتحت باب السطح وراحت براحه علي باب شقته.. وخبطت كذا مره مش فتح ورنت عالموبايل مبيردش...فارس... مكنش سامع من صوت الميه.. والاوضه بتاعته كانت في اخر الشقه والحمام بتاعه كان جوه الاوضه فكان استحاله يسمعها... فضلت واقفه اكتر من ربع ساعه...وكانت مرعوبه وهي واقفه لوحدها....وصوت الهوا مع صوت الزرع اللي في السطح كان موترها...

 وباب السطح كان اعدي يتفتح براحه ويتقفل من الهوا وكان الباب بيعمل صوت ..فريده.. واقفه ميته في جلدها..

وافتكرت فارس تاني وفضلت تخبط تاني... كان فارس... خلص وقفل الميه... واخيرا حاسس انه سامع صوت خبط....لبس بسرعه وخرج من الحمام مكنش لابس تيشيرت كان خارج عريان من فوق والميه نازله علي جسمه بشكل مثييييير🔥😍😍😍...

خرج بسرعه... اول ما الباب بقي بيخبط اكتر...وفريده.. بره بقت زي المجنونه قلقت عليه يكون جراله حاجه ماهو استحاله كل الخبط ده مش سامع...وميته في جلدها من الخوف..فريده بتخبط وهي مش باصه علي باب الشقه بس عينها علي باب السطح...جبانه اوي🤣🤣🤣

فتح.فارس.....وهوب اول ما فريده شافته فتحت من غير مقدمااااااات رمت نفسها في حضنه....ومش خاسه بنفسها انها في حضنه وهو عريان خوفها مان مسيطر عليها...

فارس.... فريده... في ايه ومصدق وضمها ليه اكتر...

فريده... مالك ايدك متلجه كده ليه... رحمه قفشتك ولا ايه...

فريده... مالك...وطلعتي تاني ليه..

فريده....اخيرا اتنفست وخرجت براحه من حضنه لما حست ان الميه اللي علي جسمه. جت علي وشها ..

فريده... اتخضت..وغمضت عينها بسرعه.وحطت ايدها علي عينها.. 

فارس..... اسف انتي اللي خرجتيني من الشاور... لحظه...ومشي فارس علي اوضته...

اما فريده.. فا شالت ايدها براحه... عشان تبص عليه ..فريده... كانت بصاله بحب مش مصدقه انها كانت في حضنه من ثواني...

رجع فارس... وهي سرحانه وفأفكارها...

فررررريده... رحتي فين...

فريده... معاك..

فارس... في ايه...

فريده... فارس ... انا نسيت المفتاح...

فارس... طيب مخدتهوش من عالتربيزه ونزلتي ليه لحد ما اخلص ..وحط ايده عالباب وغمزلها ولا كنتي عايزه تيجي تاخدي معايا شاور...

فريده... ضربته.. علي كتفه... خليك مؤدب. .لا مش كده بس انا ...انا...

فارس... ماتنطقي..

فريده... انا اصلا مش طلعت بفتاح...انا نسيته...

فارس...😳😳😳الله يخربيت الغياء...ازاي تخرجي من غيره..

فريده... معرفش بقي نسيته... هعمل ايه انا الوقت..

فارس... انا معايا نسخ لكل مفاتيح البيت ..تعالي كده اشوف المفتاح...

دخل فارس... وسابها....وهي دخلت براحه... وانبهرت من جمال الشقه... وديكورها الوانها كانت خامقه اسود في رمادي بس كانت قمه فالشياكه...فضلت ماشيه تتفرج عالشقه... لحد ما وصلت لاوضته... وشايفاه وهو بيدور عالمفتاح فالخزنه.. ..

خرجت فريده تاني... وكأنها بتعاين الشقه عشان تشتريها.. ومشيت تتفرج عليها..وراحت عند حيطه عليا برواز كبير بعرض الحيطه صوره فارس...والانوار البسيطه مع الاضاءه الخافته مديه منظر رهيب للصوره كانها سري دي وكأن الصوره حقيقيه ..فارس جه من ورا ضهرها ونزل في مستواها وقرب من ودنها الصوره عجباكي..

فريده... اول ما سمعت صوته وحست بقربه وبنفسه اتنهدت وغمضت عنيها بحب...

فريده...لفت لفارس اه حلوه اوي كأنها حقيقيه.

فارس... طيب يلا انزلي افتحي وخلي المفتاح معاكي..ومتبينهوش وبكره ابقي ادهوني من غير ما حد ياخد باله اوك..

فريده.... حاضر... ممكن تقفلي طيب..

فارس... يلا ياخوافه...

نزلت فريده... وفارس... اطمن انها دخلت ودقيقه وكلمته.. وعرفته انهم نايمين ومفيش حاجه حصلت... وفضلو يتكلمو شويه لحد ماراحو فالنوم زي كل يوم...

في صباح يوم جديد.. كان اليوم ماشي سريع علي ابطالنا....وكانو بيخلصو بسرعه عشان كانو هيقفلو بدري...اليوم ده عشان يجهزو للسفر.....

خلص اليوم ... وقفلو اغلب المحلات معادا المحلات اللي ماسكها عمه وابوه...

طلعو يتغدو كلهم مع بعض...فريده..  كانت مضايقه..جداااومودها مش مظبوط وكلهم كانو ملاحظين ده بس ساكتين...

خلصو غدا وطلعو الشباب يجهزو شنطهم بسرعه...سمر وسما كانو مضايقين بس اتعودو لانهم ديما يسافرو بس فريده... اللي كان باين عليها جدا... عشان من يوم ما شافت فارس دي اول مره هيبعد عنها...

فريده ... مامي هو انا ممكن اطلب طلب...

رحمه... طبعا ياحبيبتي..

فريده... انا ..يعني هو ينفع ..

رحمه...عايزه تطلعي تتكلمي مع فارس. قبل ما يمشي..صح..

فريده... هزت راسها ..

رحمه... اطلعي يافريده... بس متتأخريش..

فريده... قامت باستها...وجريت..

رحمه... بتنهيده ارتياح ربنا يسعدك يارب. يا بنتي ويحفظك يافارس.. انت والشباب.. فاللي رايحنله...😳😳😳😳

ملحوظه... فارس... كان معرف ابوه وجده ورحمه...وكان مكلم فريد ومتفق معاه علي كل حاجه...بس محبش يقول لامه عشان متقلقش..ولا عمته عشان هتسوس لامه اكيد لانها ولا طايقه رحمه ولا ولادها ...

ولا البنات كلهم..

طلعت ...فريده... وخبطت. دقايق.. وفتح فارس...

فارس.. كنت عارف انك هتطلعي....

فريده.... بدموع...... ممكن تيجي علي طول ومتتأخرش..

فارس... استغرب دموعها وقربلها ومسح دموعها براحه...ليه الدموع دي...

فريده... انا خايفه وقلبي مقبوض بس حاسه اني مخنوقه.

فارس... ليه ده كله...يافريده... انا مش طلبت منك ان مشوفش دموعك دي تاني..

فريده... طيب اوعدني انك هترجع بسرعه .. وانهارت فريده من العياط... شدها فارس بايد واحده.. في حضنه ولاول مره .. فريده.. تتعلق بيه وتبادله نفس الحضن...فارس اتخطف من حضنها..وشدد من حضنه ليها ورفعها خالص من الارض...

كان نفسه يدخلها بين ضلوعه...وهمس في ودنها... بحبك يافريده...

فريده....😳😳😳😳اتصدمت من كلمته فارس المعز اخيرا قالها فارس. المعز حبها بجد فريده

انت قولت ايه..

فارس....قولت بحبك وعمري ماحبيت حد غيرك... فارس المعز.. اللي عمره ما اتهز لاي حد جيتي انتي وبكل برائه فتحتي قلبه ودخلتي وقفلتي عليكي من جوه..

فريده... فارس....

فارس... حط ايده علي بوئها اششششششش انا مش عايزك تقولي اي حاجه..انا قولتها عشان حاسسها وقولتها عشان مقدرتش اسكت اكتر من كده.فريده...انا عايز بس افهمك حاجه انا اتجوزتك عشان عايز اتجوزك عشان حبيتك مش عشان احميكي بس..

فريده... يعني لما وعدتني كنت بتضحك عليا.. فريده كانت بتسأل عادي...ببرائه بس فارس.. فهم انها اضايقت من اعترافه بحبه ليها وانه باعترافه ده هيرجع في وعده..

فارس... لا يافريده.. انا مقولتش اني هرجع في وعدي ليكي بس كمان قولتلك ندي نفسنا فرصه يمكن تحبيني وصدقيني الانتي عيزاه مهما كان فالاخر هيحصل..

فريده... حتي لو هيضايقك...

فارس... سكت وهو قلبه واجعه.. حتي لو هيضايقني يافريده..

فريده... حست انه اضايق وكان نفسها تقوله ان هي كمان بتعشقه مش بس بتحبه بس مكانتش قادره تعترف بده..

..فارس... بابتسامه.يلا بقي انزلي متعطلنيش..

فريده... حاضر...

نسيت اقولك صحيح..

فارس... ايه.

فريده... انا اول يوم شغل ليا بكره..

فارس... نعمممم..وطبعا فارس كان نسي خالص حوار الشغل ده..

انتي جايه تقوليلي الوقت يافريده..

فريده.. في ايه بس...

فارس... خلاص بسيطه انا هكلم السواق والرجاله بتوعي هيكونو معاكي.

فريده... ليه كده بس..بلاش مش عيزاهم والنبي يافارس..

فارس... معنديش غير الحل ده كلنا مش موجودين ومش هطمن عليكي غير كده..احمدي ربنا اني هوافق اصلا تروحي وانا مش مطمن عليكي..

فريده... طيب خلاص امري لله..ونزلت فريده و

بعد وقت بسيط... نزل فارس... وكان ادهم وزين معاهم.. تحت .. وسلمو عليهم كلهم. ونزلو لعمر..اللي كان واقف مع ريم..

فارس... يلا علي فوق.. 

ريم... ياساتر.. بسلم بس ولله..

ضحك فارس.. طب يلا سلمنا خلاص..

عمر... اطلعي اصل ده مبيحبش يشوف حد مبسوط يابنتي..

ضحكت ريم علي عمر.. وطلعت... وانطلقو الشباب علي المطار.....طلعت الطياره.. وطول الطريق.. كل واحد فيهم سرحان في حبيبته واخر وقت قضوه معاهم والكلام الحلو اللي كانو بيقولوه لبعض.. اما فارس... كان في دنيا تانيه...كان مبسوط من اعترافه لفريده... وكان في نفس الوقت مضايق انها لسه مبادلتهوش نفس الشعور مع انه من جواه حاسس انها بتحبه.. لما بيقربلها مش بتمنعه لما بيلمسها او بيبوسها مش بتمنعه بيحس بتجاوبها معاه... كان احساسه في تفسير شعورها ملغبط... وفضل شارد طول السفر.. وبعد ساعات كتير وصلو الشباب اخيرا امريكا... ووصل فارس.وكله يقين انه هيكسب المعركه وخطته هتجنح.. لكن مش عارف ايه اللي مستخبيله.. فالسفريه دي... اللي هيفوق كل توقاعته....🙄🙄🙄👍👍👍👍👍👍👍 

• لقراءة الفصل الخامس عشر : اضغط هنا

لقراءة باقي حلقات الرواية اضغط على

•  ( رواية فارس الحي الشعبي )

عارفه ان البارت قصير بس حبيت انهيه لحد هنا عشان بكره بارت طويل وقوي جدا... في حد يقدر يتوقع يابنات اي حاجه فالاحداث يلا وروني دماغكم شغاله ومركزين معايا ولا لا

تعديل المقال