رواية انتِ لي
الفصل العاشر والاخير
أسر : احنا لوحدنا ها
وعد : لوحدنا ازاي
أسر : احنا اتجوزنا
وعد : بس بس انا من
أسر : تعالي انا هفهمك
وعد : لا لا مش عايزة افهم لا
بيقرب منها و هو بيضحك عليها مسك ايديها
- عمري وحياتي كلها بدأت من دلوقتي
_ ممكن اطلب منك طلب
- اطلبي
_ بلاش تخسر أهلك
- انا مخسرتهمش هما اللي فاكرين أنهم بيتحكموا في حياتي وعد انا مخسرتش انا كسبتك و كسبت ام تانيه ماما سنيه
وعد بفرحه : انت كنت حلمي كل ما كنت بشوفك كنت بتوتر و بخاف بس انا دلوقتي مطمنه
أسر بخبث : بما انك مطمنه و كده يعني ايه رايك تغيري الفستان
اتوترت
وعد : لا مش مدايقني ارتاح انت ونام
أسر : انام ايه احنا مش هننام
وعد 😳: انا لازم اروح لماما
أسر وهو بيضحك : انتي مخضوضه ليه تعالي
خدها في حضنه ونامو بلبسهم
كائن الليل مش بيمر ابدا
فضل سامح في المكتب بتاع القصر يفكر دي سنيه اللي كان يعرفها واللي حبها
فضلت الأفكار تدور في رأسه والشبه الرهيب بينه و بين وعد
قطع تفكيره ابراهيم
ابراهيم : انا مش موافقك انك تشجع أسر أنه يخسر أهله
وقف سامح و مشي في الاوضه : انا اعرف امها ؟
ابراهيم بتوتر : امها مين دي واحده جات من الارياف
وبعدين انت ايه علاقتك ببنت الخدامه دي
كانت مريم بتسمع من ورا الباب
سامح : فاكر سنيه يا ابراهيم
ابراهيم : سنيه مين
سامح باستهزاء : اللي كنت بحبها زمان
ابراهيم : اه اللي كانت مقطوعة من شجره دي
سامح : اه تعرف عنها ايه من وقت الموضوع ده
ابراهيم : معرفش عنها حاجه دي حتى اختفت بعد ما اتبلت عليك أنها حامل منك
سامح : تفتكر هي كانت بتضحك عليا
ابراهيم : قصدك ايه
قصدي انت عارفه
الشبه الغريب بيني و بين وعد وحتى اسم امها سنيه
ابراهيم بخوف : لا اسمها سعديه بس بنقولها يا سنيه
سامح : اه تمام خلي حد يعملنا قهوه عشان كلامنا طويل
طلعت مريم بسرعة وهي بتعيط : لا انا اختي مش بنت خدامه
في جانب آخر
كانت سنيه قلقانة على وعد
اتصلت عليها
رد أسر وهو نايم بصوت نايم
الو مين
- ابني طمني عليكم انتو فين
طنط اسف والله اصلي نايم احنا في القصر عمي سامح أصر اننا نفضل هنا
سنيه بخوف : لا تعالو عندي يابني ونمشي من هنا متخليش وعد تقعد مع عمك
أسر :بس حضرتك متعرفيهوش ده طيب جدا تعامل معانا بكل لطف
سنيه : طيب اول ما وعد تصحى خليها تكلمني
أسر : حاضر
فضل يلعبلها في شعرها ويحطه عند عينيها
وعد : بس يا ماما عايزة انام
أسر بضحك : ماما بتحبك اوي
صحيت بسرعة : ياربي انا نسيتك خالص
أسر :نسيتيني اه طيب ايه رايك نجيب كرم
وعد : كرم مين
أسر : ابننا
غطت وعد نفسها وقالت له لو قربت مني هصوت 🥺🥺
قرب منها باسها من راسها وكملوا نوم
ابراهيم : كلام ايه اللي طويل
سامح : كلامنا
ابراهيم : انت عايز توصل لايه من الاخر كده
دخلت نهله من غير إذن
سامح : كويس انك جيتي
_ ليه هتعتذرلي ولا ايه
سامح : هسال سؤال و الرد انا هعرف هو صح او غلط بس لو كذبتوا عليا رد فعلي هيكون قاسي اوي
ابراهيم : انا عمري ما كدبت عليك انت اخويا الكبير
نهله : اسال
سامح : وعد بنتي ؟
نهله و ابراهيم في نفس واحد : لا
سراج فتح الباب فجأة : اه بنتك من سنيه .......
المجد للقصص والحكايات
ونقوووول الوووو
( انتِ لي ) 🖤
سامح : هسال سؤال و الرد انا كده كده هعرف هو صح ولا غلط بس لو كذبتوا عليا رد فعلي هيكون قاسي جداً
ابراهيم : انا عمري ما كدبت عليك انت اخويا الكبير
نهله : اتفضل اسأل
سامح : وعد بنتي ؟
نهله وإبراهيم في نفس واحد : لا
سراج فتح الباب فجأة : اه بنتك
اتصدم ابراهيم و نهله
ابراهيم : انت كداب بتقول كده عشان توقع بيننا
سامح : اخرسوا كلكم
سراج انا عايز افهم ايه اللي بيحصل هنا يعني شكي كان في محله
سراج : زمان لما كنت بتحب سنيه و اتجوزتوا في السر هي جات و حكتلي انها حامل بس كانت خايفة تقولك ترفض الطفل و خصوصا أن امنا و نهله كانو بيهددوها لما عرفوا ...
سكت فجأة
سامح : كمل
نهله : ده كداب
سامح : اسكتي خالص
كمل
سامح :لما عرفوا مني أنها حامل كنت بقولهم عشان يقولولك وخصوصا انك في الوقت ده كنت متجوز مراتك الاولى ربنا يرحمها كانت سنيه خايفة من رد فعلك
- كل السنين دي كنتو مخبيين عني اني عندي بنت ليه
كان إبراهيم خرج من الباب التاني للاوضه من غير ما حد يشوفو
سراج بزعل : عشان كان كل تفكيرهم انك جبت واحده من الشارع وخليتها مراتك عشان مكنش ليها أهل و بعد كل ده لما امنا ماتت نهله خلت سنيه خدامه هنا بالاجبار
بص سامح ل نهله بنرفزة وغمض عينه عشان يسيطر على أعصابه
نهله وهي خايفة : كل ده عشان سمعتنا
سامح : اخرسسي و اطلعي بره القصر ده انتي ملكيش مكان هنا
نهله : بس انا معملتش حاجه غلط انت ازاي بتطردني من بيتي
صوتهم كان عالي لدرجه ان كل اللي في القصر سمع نزل أسر و وعد بسرعة فتحوا الباب
فضلت وعد واقفة عند الباب واسر دخل
أسر : ماما عمي في ايه
مكنش سامح بيتكلم كانت عينه في عين وعد اللي كانت خجوله جدا من نظراته
كانه كان عايز يحضنها بس مش عارف
سامح ل أسر : مفيش حاجه يا أسر خد مراتك و اطلعوا اوضتكم وانا جاي افهمك
مشي أسر هو ووعد
سامح : اكبر عقاب ليكي انتي و جوزك أنكوا تمشوا من القصر و تسافروا برا مصر
نهله وهي بتعيط : و أسر و امجد
سامح : انسوهم زي ما نسيتوني بنتي عشرين سنه
سامح : خدها من هنا يا سراج وشوف اللي هرب يومين و مش عايز اسمع عنهم حاجه تاني
- خدها سراج و مشي
طلع سامح ل أسر و وعد
دخل و قعد جنب وعد
أسر : عمي في ايه ايه اللي حصل
سامح : انا هحجزلكم شهر عسل عايزة تروحي فين يا بنتي
وعد بفرحه : بنتك شكرا جدا لحضرتك
أسر : عمي انا كده كده همشي من هنا
سامح : لا مفيش حد هيمشي من هنا ده بيتكم و اتصلي على امك تيجي كمان بس بلاش تقوليلها أن انا اللي قولتلك
هحجزلكم فين هااا
وعد وهي فرحانة : انا بحب اسكندريه اوي
ضحك أسر و سامح لانه كان قصده بره البلد
سامح : تحت امرك يا اميرة .
طريقته خلت أسر يتوتر هو بيعامل وعد كده ليه
حضروا شنطهم و راحوا اسكندريه
طلعوا الغرفة بتاعتهم في الفندق
اول ما دخلوا
أسر : اعتقد هنا مفيش هروب بقى
وعد بتوتر : هروب ايه
أسر قرب منها و مسك ايديها باسها وشالها فجأة و مشي بيها
وعد وهي بتصرخ :لا لا انت ضحكت عليا نزلننننني
أسر وهو. بيضحك : انتي بتحلمي يا عروسه
في الجانب الآخر راح سامح لبيت سنيه بعد ما اخد العنوان من سراج
اول ما فتحت الباب اتصدمت
سامح : سنيه
سنيه : سامح بيه
دخل سامح وقعد
كان في صمت رهيب
سامح :بنتك جميلة
سنيه : شكرا
تفتكري كان ممكن حد يئذيكي لو كنتي قولتيلي انها بنتي
قعدت سنين وبدأت تعيط : انت عرفت
ضمها وقالها : انا اسف على كل اللي حصلك بسببي
بعدت عنه وقالت له :وعد عرفت ؟
_ لا
- بلاش انت تقولها خلي أسر يقولها
_ انا مكنتش عارفة اقول ايه او ابدء منين مقولتلهاش حاجه
ممكن اطلب منك طلب
سنيه : اتفضل
ارجعي القصر ده بيتك
سنيه : احنا اتطلقنا من زمان انا مش عايزة ارجع تاني انا عشت خدامه هناك بسبب امك و نهله
سامح :انا طردت نهله و ابراهيم
- : بجد 😳
_ اه
ارجعي نعيش كلنا سوا مع بنتنا و بناتي ونكون عيله تاني
سنيه : انا خدت نصيبي من الدنيا خليني هنا بس خلي بالك من وعد مفيش اطيب منها
زعل سامح
زي ما انتي عايزة
بعد اربع شهور ..
كانو قاعدين على السفرة كلهم كانت وعد عرفت أن سامح ابوها و أقنعت سنيه تعيش معاهم و اخوات وعد حبوها و تقبلوا بعض بس محدش عرف اللي عملتوا نهله و ابراهيم و مشيوا فعلا برا البلد بحجه الشغل
وعد : بابا كل انت مش بتاكل كويس
أسر بغيرة : وانا
امجد وهو بيضحك عليه : ما خلاص بقى راحت عليك
وعد : مقدرش كل يا روحي
سامح : مالكو ببنتي بقى
سلوى : هما كده رخمين محدش ليه دعوه ب اختي
قامت وعد تجري على الحمام تتقيأ اتخض الكل و ساعدها وجه الدكتور
أسر : هي مالها
الدكتور : حامل في شهرين مبروك
سامح بغيرة: من الاول كده أنسى أن هيجيلك ابن ده هيبقى بتاعي انا
أسر : لا معلش بقى دي بنت و هتبقى بتاعتي لوحدي 🙄🙄
وعد وهي بترفع حواجبها :هي بس بتاعتك لوحدك برضوا
أسر وهو بيحط أيده على شعره و بيضحك : هي و امها بتوعي لوحدي 😁
فضل الكل يضحك عليهم .
#Somaya Amer
و توتا توتا خلصت الحدوتة و روحوا ذاكرو هنسقط 🙄😂
و نتقابل في روايه جديدة بحبكم ❤️❤️
سكريبت منجدي
رواية لانك ليلتي