( شمس والجن العاشق )
الفصل الثاني
الكاتب احمد حسن
المجدللقصص والحكايات
دأت واحدة واحدة أنزل الفوطة من على وشي وأنا مرعوبة لأني حاسة إني هلاقي عفريت واقف في وشي بس جمدت قلبي ورحت كاشفة وشي مرة واحدة والحمدلله ملقتش حاجة بس ده طبعا ميمنعش إني أخدها جري ع الأوضة دخلت الأوضة وبدأت البس هدومي وفي لحظة كده دماغي جمعت إن كان في حد قاعد على الأنتريه ال في الصالة وأنا بجري على الأوضة فبدأت أقول انتي جيتي ياماما بس محدش رد قلت بس ده محمود واتحرجت أوي
المهم إني خرجت من الأوضة وشايفة محمود قاعد بس مديني ضهره فبدأت أكلمه .. إيه ال رجعك بدري ياحودة .. مردش عليا .. قولتله مالك ياواد البت ملك زعلتك ولا ايه .. برده مردش .. رحت ماشية عليه وانا بقوله لما أكون بكلمك ترد عليا ياحيوان ..
بصيت لقيت حد غير محمود أتخضيت وفضلت اصرخ وهو قاعد ولا فارق معاه فجأه الباب اترزع وفي شخص جاي يجري عليا بيقولي في إيه .. شاورت على الشخص ال قاعد وبقوله الراجل ده .... .. بصيت لقيت الأنتريه فاضي .. في نفس اللحظة وصل أخويا محمود لقي الشاب ده معايا وبدون ما يستفسر قام طلع سلاحه وضربه طلقة في كتفه فقد الوعي
صرخت والناس اتلمت وحكيت لمحمود ال حصل راح محمود واخد الشاب وانا رحت معاهم على المستشفي
المهم الحمدلله لحقناه
محمود .. مين ده ؟
شمس .. أنا سمعت البواب بيقول إن ده الساكن الجديد ال في الشقة ال قصادنا
محمود .. انا لازم أقعد معاكي وأشوف موضوع الوهم ده
شمس .. واللهي ما وهم ..المهم خلينا في المسكين ده
محمود .. كملت اهي ماما وصلت إستلقي بقا
الأم .. خير يااولادي الراجل تمام
محمود .. تمام ياماما الحمدلله
الأم .. ويعني انت مش تستفهم دايما كده متسرع😡
محمود .. مش وقته ياماما الكلام ده
الدكتور حسين .. الحالة دي يامحمود لازم تتحجز ع الأقل شهر وأنت عارف انه مينفعش يقعد من غير تصريح وأكيد التصريح مش في صالحك لأن ده مضروب بطلقة في كتفه ولازم يتحقق معاه وساعتها أنت ال هتضرر
محمود .. لا يادكتور أنا هروحه بيته وهلبي كل متطلباته هو وأسرته
الأم .. فيك الخير يادكتور وجميلك ده على راسنا
الدكتور .. عيب ياماما الكلام ده انا ومحمود عشرة قديمة
محمود .. وهو ده حبيبي ياحسين طول عمرك رجل مواقف
الدكتور .. الحالة فاقت جوه تقدرو تمشو بس بالراحة عليه
فعلا دخلو كلهم عند الشاب
محمود .. اسف جدا والله مش عارف أقولك ايه
الأم .. حقك علينا ياابني احنا اسفين جدا واحنا تحت امرك
الشاب .. متعيطيش ياأمي قدر الله وما شاء فعل ومحمود معذور أي حد في مكانه كان هيعمل كده الموضوع سوء تفاهم مش أكتر
شمس .. أنا مش عارفة أقولك ايه
الشاب .. متقوليش حاجة حصل خير
محمود .. غريبة أنا كنت متوقع يكون رد فعلك غير كده خالص
الشاب .. 😁انت بس ال مكبر الموضوع
الأم .. مش هتقولنا اسمك بقا
الشاب .. اسمي حسن
الأم .. عاشت الأسامي ياأستاذ حسن
محمود .. بص يا حسن هو الدكتور قال إنه يفضل إنك ترتاح في البيت ايه رأيك
حسن .. ماتخفش ياحودة فاهم كل حاجة وبعدين البيت احسن من رقدت المستشفي
الأم .. احنا مستعدين نعوضك بأي حاجة انت بس تؤمر
حسن .. عيب ياامي الكلام ده احنا نفهم ف الأصول بردو
الأم .. لا يابني مقصدش أزعلك واللهي
محمود .. يلا بينا نتوكل على الله
الدكتور .. مش هوصيك ياحسن المشي في أول أسبوع ممنوع
حسن .. تمام يادكتور
واخيرا وصلنا
حسن .. انا حاسس إني أقدر أطلع لوحدي وبعدين ياسيدي الأسانسير موجود
محمود .. وبعدين .انت نسيت الدكتور قال ايه ؟
حسن .. شيل ياسيدي
محمود ..خبطي على الباب ياشمس
حسن .. لا هما مش موجودين
محمود .. امال فين؟
حسن .. مراتي راحت تزور أهلها شوية وراجعة
عم عبده .. طالع ع السلم الف حمدالله ع السلامة ياأستاذ حسن
حسن .. الله يسلمك ياعم عبده
عم عبده .. انا هنزل اجيب شوية خضار ولحمة عشان هعملك حتة أكلة انما ايه فلة
الأم .. ازاي ياعم عبده هي مراته مش جاية؟
عم عبده .. مرات مين ياهانم استاذ حسن عايش لوحده
حسن .. اسكت ياغبي
محمود .. امال بتقول مراتك وطالع لينا بميت حجة ليه!
حسن .. مش بحب اكون تقيل علي حد
الأم .. يابني انت بتتكلم ازاي الكارثة ال انت فيها دي احنا السبب فيها .. يلا يامحمود شيله ودخله عندنا
حسن .. بس ..
الأم .. مفيش بس اسمع الكلام لحد ماتقوم بالسلامة
انا هجهز لقمة كده وانتي ياشمس ظبطي أوضتك علشان حسن هيقعد فيها و انتي هتنامي معايا في أوضتي
شمس .. حاضر ياماما
فعلا .. اكلو مع بعض وبعدين دخلو حسن أوضة شمس
وحسن نام والبيت كله نام
اتقلب حسن على جنبه الشمال لمح ان الساعة ٣:٣٠ص
في الساعة ال متعلقة على الحائط فوق المراية
بعدين نزل حسن بعنيه يبص في المرايا شاف حد قاعد وراه ........ً............
المجد للقصص والحكايات
الأم .. اصحي ياشمس قومي حضري الفطار وانا هصحي محمود وحسن
شمس .. حاضر ياماما
فعلا .. قومت حضرت الفطار وعلي الرغم من الظروف العصيبة دي كنت فرحانة ومبسوطة اوي لأني اول مرة من فترة طويلة انام نوم عميق من غير الكوابيس أو الأوهام ال بشوفها
الأم .. شدي حيلك ياشمس شوية
شمس .. ثواني والفطار يكون جاهز ياماما
الأم .. انا صحيت حسن روح سنده وهاته يامحمود
محمود .. كنتي وديتي الفطار له الأوضة ياماما
الأم .. ليه يابني مفيهاش حاجة لما يقعد يفطر وسطينا
محمود .. خلاص يبقا شمس تفطر لوحدها جوه
الأم .. طب ايه رأيك ان انا وانت وشمس هنفطر مع حسن
محمود .. يااااربي😡
الأم .. 😂😂بحبك في حرارتك دي بتفكرني ب ابوك الله يرحمه
محمود .. الله يرحمه .. خلاص ياستي مقدرش ازعلك
الأم .. ربنا يسعدك ويطعمك ما يحرمك يامحمود يابني
شمس .. ايوه ياستي ماهو انتي مخلفتيش غير محمود
الأم ... الله احنا هنغير ولا ايه😂😂
محمود .. لا هي البت دي سودة من جوة مش سالكة😁
حسن .. ههههه
شمس .. اشمعنا ضحكت عند دي ياسي حسن😣
الأم .. ايوه كده اضحك ياراجل حدش واخد منها حاجة😂
حسن .. 😂ربنا يسعدكم
الباب خبط
الأم .. قومي افتحي الباب ياشمس
محمود .. خليكي انا ال هفتح الباب
الأم .. سيدي ياسيدي ع الحنية❤
شمس.لا وانتي الصادقة ده عشان عارف ان ملك بتخبط😂
محمود .. سامعك ياجزمة
ملك .. صباح الخير يامحمود
محمود .. صباح الخير ياحبيبتي
ملك .. 😊
محمود .. وحشتيني ياقمر❤
شمس .. متشوفش وحش يااخويا انا واقفة فقفاك مراقبة ال بيحصل على فكرة😂😂😂😂
ملك .. تصدقي إنك رخمة ده انا مصدقت نطق 😂😂
محمود .. طب يلا ادخلي انتي وهي
ملك .. مين ال قاعد مع امك ده ياشمس
شمس .. ده موضوع كبير هحكيلك بعدين نفطر الأول
ملك .. لاانا سبقتكم هروح اعمل الشاي مع حماتي المستقبلية😍
محمود .. وانا هروح اغير عشان اوصلكم
شمس .. توصلنا وترجع تقعد ف البيت عشان ماما لوحدها
محمود .. انا النهاردة عندي اجتماع مهم الساعة 4
شمس .. انا جاية بدري ع الساعة 3 يلا روح غير هدومك
شمس .. عامل ايه النهاردة ياحسن
حسن .. الحمدلله احسن كتير ياشمس
شمس .. يارب دايما
حسن .. عايز أسألك سؤال ممكن ؟
شمس .. أكيد طبعا اتفضل
حسن .. ومش هتفهميني غلط؟
شمس .. ربنا مايجيب غلط قول عايز تقول ايه!
حسن .. انت عمرك ما شفتي حاجة غريبة في أوضتك؟
شمس .. بلهفة ( قولي انت شفت إيه ياحسن؟؟؟ )
الأم .. الشاي وصل
ملك .. انتي لسه قاعدة ياشمس روحي البسي عشان اخرنا
محمود .. انا كمان جاهز يلا ياشمس بسرعة شوية
كنت مضايقة أوي إن ملحقتش أعرف من حسن هو شاف ايه .. وكنت عايزة أكمل كلامنا قدامهم بس معرفش حسن يقصد ال في دماغي ولا هو يقصد حاجة تانية وأنا خفت لأحرجه قدامهم
المهم .. رحت الجامعة ودخلت المحاضرة ودماغي شاردة في الشيئ ال شافه حسن
خلصت المحاضرة وطلعت جري ع البيت وانا في السكة الدقيقة بتمر عليا ساعة عايزة اوصل البيت بأي طريقة
وأخيرا وصلت
الأم .. كويس إنك جيتي أخوكي أخر على الأجتماع
محمود .. أستأذن أنا
الأم .. في رعاية الله ياابني
شمس .. امال حسن فين
الأم .. نايم ..وأنا هستغل الفرصة والحق أجيب طلبات البيت قبل ما يصحى وانتي روقي البيت
شمس .. ماشي ياماما
امي مشيت وأنا غيرت هدومي وبدأت أروق في البيت وفجأة سمعت حسن بيكلم حد معاه جوة!
مش سامعة تفاصيل الكلام بس سامعة حسن بيقول ( هتموتها ليه وهي ذنبها ايه )
نبضات قلبي مبقتش متحكمة فيها وبدأت امشي خطوتين ناحية الباب وأرجع كل ما أتقدم خطوة ارجعها تاني لحد ما وصلت عند باب الأوضة وحطيت إيدي ع الأوكرة بتاعت الباب وخدت قرار إني أفتح الباب خدت نفس وروحت فاتحة الباب لقيت ...........................................................
المجد للقصص والحكايات
فتحت الباب مرة واحدة فوجئت ب حسن واقع على الأرض وكتفه بينزف دم جريت عليه وبقوله ايه ال حصلك لقيته بيقولي ..
( مش هيسيبك في حالك ياشمس الجن عايز ياخدك للعالم بتاعه )
هي دي الجملة ال قالها حسن وبعدها فقد الوعي
اتصلت بمحمود جاب الدكتور معاه وجه وماما كانت جت هي كمان
الدكتور .. انا اديته حقنتين وظبطله الجرح وعلقت له محاليل مع انه كان المفروض يروح المستشفي برجاء التعامل معاه بحذر عشان بعد كده الموضوع هيسوء
محمود .. شكرا يادكتور
الدكتور .. الحركة ممنوعة لمدة 3ايام
الأم .. تمام يادكتور
محمود .. مع السلامة يادكتور
محمود .. ايه ال حصل ياشمس؟!
شمس .. مفيش انا دخلت عنده لقيته واقع ع الأرض
محمود .. وانتي ايه ال دخلك عنده!!!؟
شمس .. مفيش ..سمعت صوته بيتألم فالطبيعي اني ادخل
الأم .. شمس عندها حق امال المفروض هنراعيه ازاي
التليفون رن
الأم .. الو مين معايا
التليفون .. معاكي سميحة بنت خال المرحوم جوزك
الأم .. يااااه فينك ياسميحة بقا 15 سنة متسأليش عليا
سميحة ..معلش والله ياحبيبتي الدنيا تلاهي واحشاني اوي
الأم .. انتي اكتر والله ياحبيبتي ايه مش هنشوفك بقا
سميحة .. والله ياحبيبتي جيت من البلد ومش لاقية مكان اسكن فيه فقلت مفيش غيركم أعرفه فخدت الرقم من دفتر معارف جوزي الله يرحمه
الأم .. تيجي ازاي!
سميحة .. انتي مش عايزاني اجي ولا ايه !!
الأم .. لا ياحبيبتي ده كلام ده بيتك ومطرحك
سميحة .. تسلميلي ياغالية وهو ده العشم بردو
الأم .. مع السلامة ياحبيبتي
شمس .. ايه ياماما وشك قلب الوان ليه!؟
الأم .. كارثة يابنتي
محمود .. كارثة ايه ياماما!!!
الأم .. واحدة من أهل ابوك جاية تقعد معانا كام يوم
شمس .. وفيها ايه ياماما!
محمود .. انتي عبيطة يابت؟! والراجل الغريب ال نايم جوه هنقولها ايه!؟
شمس .. طب هنعمل ايه دلوقتي؟
الام .. واللهي ما عارفة انا في ورطة
محمود .. نوديه شقته ونراعيه كل شوية
الأم .. انت لسه سامع الدكتور بيقول عايز رعاية كاملة وميتحركش
شمس .. عندك حق يامحمود ننقله الشقة بتعته وانت تاخد اجازة وتراعيه الفترة دي
محمود .. اجازة ايه ؟! انا شغال ظابط ياغبية مش كوفتجي
الأم .. بس انتو الاتنين خلينا نفكر بالراحة مينفعش ننقله الشقة بتاعته وكل شوية حد مننا يدخل ويطلع من عنده الناس تقول علينا ايه !
شمس .. ماما عندها حق
محمود .. طب هنعمل ايه؟
الأم .. حسن لازم يكون ليه صفة في البيت تديله الحق إنه يسكن معانا
محمود .. هنخليه اخونا مثلا هيقولولك جبتيه منين ده؟!
الأم .. اسكت ياغبي ياابن الغبية طالع زي الغبية أختك
شمس .. يعني أنتي لازم تحشريني معاه وانتي بتهزقيه
محمود .. ماشاء الله امك هتجنني
الأم .. مبروك ياشمس أنتي بقيتي متجوزة حسن😂
شمس .. تصدق ياض يامحمود أمك شكلها لسعت بجد😂
محمود .. انتي ايه ال بتقوليه ده ياماما انتي اتجننتي
الام .. ياغبي انت وهي ده هيبقا تمثيل لمدة يومين لحد الست ما تمشي وبعدين هما كده كده مقاطعينا يبقا مش هيفرق معاهم هي اتجوزت إمتا ولا اتجوزت مين
شمس .. أنا مش موافقة طبعا😡
محمود .. تصدقي أمك بتفكر😁
شمس .. اه ما انت مش لاقي داهية ترميني فيها😡
محمود .. يابت ده تمثيل وبعدين متنسيش إن انتي السبب في الزنقة ال إحنا فيها دي
شمس .. شوف أخويا ال كان عامل فيها إن دمه حامي😁
محمود .. انا هسيبك انتي وامك حلو المشكلة براحتك 😡
فعلا شمس اقتنعت بعد أمها ما قعدت معاها وعقلتها وراحت الأم قعدت مع حسن وأقنعته بالموضوع
بعد ساعتين
الباب خبط وفتحت الأم لقيت سميحة ومعاه بنتين وولد
الأم .. مين دول ياسميحة
سميحة .. انتي لحقتي تنسيهم دول ولادي علياء و فاطمة وسعيد
الأم .. ربنا يخليهملك
سميحة .. ويخليكي ياختي ماشاء الله ولادك كبره
الأم .. اه ياحبيبتي هفكرك بيهم ده محمود ظابط مباحث ودي شمس بتدرس في كلية الهندسة
سميحة .. امال مين ال محمود بيسنده للحمام ده!!؟
الأم .. ده جوز شمس بس تعبان شوية
سميحة .. الف سلامة هي شمس اتجوزت إمتا
الأم .. من فترة قريبة
خلص التعارف وجه وقت العشا
علياء .. ميصحش تسيبي جوزك ياكل لوحده جوه ياشمس
الأم .. فعلا علياء عندها حق روحي كلي مع جوزك جوه
شمس بصت لأمها بصت دهشة بعصبية وبدأت تكلم نفسها وهي رايحة اوضة حسن وتقول ( هي الولية امي دي صدقت الموضوع ولا ايه )
سميحة .. بتقولي حاجة ياشمس ؟
شمس .. لا ياطنط مااستغناش
دخلت شمس الاوضة عند حسن
حسن .. تعالي انا سامع كل حاجة
شمس .. عاجبك كده ياعم حسن
حسن .. 😁😁😁معلش مكتوب عليكي تستحمليني
شمس .. احنا ال اسفين والله ياحسن بهدلنا حياتك
حسن .. متقوليش كده كله متقدر ومكتوب يلا بسم الله الأكل برد
شمس .. الحمدلله انا شبعت
حسن .. وانا كمان
شمس .. طب اروح انا عشان هعملهم الشاي
جاء وقت النوم
الأم .. يلا يامحمود خد سعيد وروح على أوضتك وشمس وعلياء وفاطمة هينامو في الصالة وانا وامهم هننام في أوضتي
سميحة .. اخص عليكي ملكيش حق عايزة تبعدي شمس عن جوزها ال تعبان عشان خاطرنا لا والله لا يمكن ابدا
الأم .. لا ما هو.....
سميحة .. والله ما انتي مكملة كلامك متخلنيش أحس إني ضيفة تقيلة عليكم وانا بنفسي هاخد فاطمة من ايدها كده واقفل عليها بابها مع جوزها
وفعلا سميحة خدت شمس من ايدها ودخلتها عند حسن وقفلت عليهم الباب
ودلوقتي أصبحت شمس مع حسن بغرفة واحدة بالإجبار ..........................
هنعرف ايه ال هيدور ما بينهم الحلقة القادمة 👍
يلا بقا عايزين تشجيع وأنزلكم فصلين كمان النهاردة
صلو على من يشفع لكم يوم القيامة ب20كومنت
ومتنساش تعمل متابعة عشان توصلك باقي القصة
بقلم الكاتب #احمد_حسن